| e-texts navigator |
| Wylie |
7b1 སྟེ། དེ་དེ་ལྟར་ཉེ་བར་རྟོག་པ་ན་ཡི་གེ་རྣམས་གསོག་དང་གསོབ་དུ་མཐོང་ངོ་།། དེ་ཡི་གེ་རྣམས་གསོག་དང་གསོབ་དུ་མཐོང་ནས་མིང་རྣམས་ཀྱང་གསོག་དང་གསོབ་ཏུ་མཐོང་ངོ་།། གང་ལ་མིང་དེ་འདོགས་པ་དེ་ཡང་གསོག་དང་གསོབ
7b2 ཏུ་མཐོང་ངོ་། ། དེ་ལ་གཟུགས་དང་གང་སྣང་བ་དེ་དང་དེ་ཡང་གསོག་དང་གསོ་བ་ཏུ་མཐོང་ངོ་དེས་གསོག་དང་གསོབ་ཏུ་མཐོང་བས་ཡང་དག་པ་ཇི་ལྟ་བ་བཞིན་དུ་ཡོངསུ་ཤེས་པར་འགྱུར། ཡང་དག་པ་ཇི་སྒྲ་བ་བཞིན་དུ་ཡོངས་ཤེས་པས་དེ་ལ་འདུས་བྱས་རྨི་ལམ
7b3 དང་འདྲ་བར་སྣང་ངོ་། ། དེ་ལ་བྱང་ཆུབ་སེམས་དཔའ་སོ་སོར་བརྟགས་ནས་སེམས་ཅན་ལ་ལྟ་བས་སྙིང་རྗེ་ཆེན་པོའི་སེམས་ཉེ་བར་བཞག་ནས་གནས་སོ།། དེ་འཚལ་བའི་ཤེས་རབ་ཀྱི་སེམས་གདུལ་བའི་ཕྱིར་ཤེས་རབསྒོམ་པར་བྱེད་དོ།།
7b4 ཇི་ལྟར་སྒོམ་པར་བྱེད་ཅེ་ན། དེ་ཀུན་རྫོབ་ཀྱི་ཚུལ་དུ་བཤད་པ་འམ། དོན་དམ་པའི་ཚུལ་དུ་བཤད་པའི་མདོ་སྡེ་གང་དག་ཡིན་པ་དེ་དག་རྗོད་པ་གསལ་ཞིང་ཟུར་ཕྱིན་པ་དག་གིས་མ་ནོར་བར་འཛིན་ཏོ།། མ་ནོར་བར་ཆོས་སྟོན་པ་ལས་བཟུང་ནས
7b5 ཀྱང་མ་ནོར་བའི་བསམ་པས་སེམས་པར་བྱེད་དོ། ། སྒོམ་པའི་རྣལ་འབྱོར་ལ་ཡང་བརྩོན་པར་བྱེད་དོ།། དེ་ཡེ་ཤེས་ཀྱི་སྟོབས་དང་ཤེས་རབ་ཀྱི་བྱེ་བྲག་གིས་སེམས་ཅན་མི་དམིགས། སྲོག་མི་དམིགས། གསོབ་མི་དམིགས། སྐྱེས་བུ་མི་དམིགྲ
7b6 གང་ཟག་མི་དམིགས། ཤེར་ལས་སྐྱེས་མི་དམིགས། ཤེད་བུ་མི་དམིགས་ཏེ། ཐམས་ཅད་ཀྱི་ཐམས་ཅད་དུ་ཆད་པར་ལྟ་བར་ཡང་མི་སྲུང་ངོ་།། བཏགས་པའི་ཐ་སྙད་རྣམས་ལ་ཡང་ལེགས་པར་བསླབས་པ་ཡིན་ནོ།། དེ་ཟིན་པའི་སའི
7b7 ཁམས་དང་། མ་ཟིན་པའི་སའི་ཁམས་ལ་ཡང་དག་པའི་ཤེས་རབ་ཀྱིས་ཚུལ་གཅིག་ཏུ་སོ་སོར་རྟོག་གོ།། ཟིན་པའི་ཆུའི་ཁམས་དང་། མེའི་ཁམས་དང་། རླུང་གི་ཁམས་དང་། མ་ཟིན་པ་ལ་ཡང་དག་པའི་ཤེས་རབ་ཀྱིས་ཚུལ་གཅིག་ཏུ
7b8 སོ་སོར་རྟོག་སྟེ། དེ་གཉི་ག་ཡང་གསོག་ཉིད་དང་གསོབ་ཉིད་དུ་མཐོང་ཞིང་བེམས་པོ་ཉིད་དང་། སྙིང་པོ་མེད་པ་ཉིད་དང་། སྟོང་པ་ཉིད་དུ་མཐོང་ངོ་།། དེས་དེ་ལྟར་མཐོང་བས་ཇི་ལྟར་ཕྱི་རོལ་གྱི་ཁམས་རྣམས་ལ་མངོན་པར་ཆགས་པ
iiif viewer powered by OpenSeadragon
