| e-texts navigator |
| Wylie |
6a1 དེ་སེར་སྣའི་སེམས་གདུལ་བའི་ཕྱིར་སྦྱིན་པ་སྦྱིན་པར་བྱེད་དེ། ཐ་ན་ལམ་ཅིག་ཙམ་འམ། རྒྱ་ཤུག་ཙམ་འམ། བོན་སྲན་གྲེའུ་ཙམ་འམ། ཏིལ་འབྲུ་ཙམ་ཡང་རུང་། དེ་ཡང་ཐམས་ཅད་ལ་སྦྱིན་པར་བྱེད་ཀྱི།
6a2 སྡུག་པ་རྣམས་ལ་མ་ཡིན། འདྲིས་པ་རྣམས་ལ་མ་ཡིན་ནོ།། དེ་ལ་འཆལ་བའི་ཚུལ་ཁྲིམས་ཀྱི་སེམས་གདུལ་བའི་ཕྱིར་ཚུལ་ཁྲིམས་སྲུང་སྟེ། ལུས་དང་། ངག་དང་། ཡིད་ཀྱིས་སྐྱོན་མེད་པར་བྱེད་པ་ཡིན། འདྲེན་མར་མི
6a3 བྱེད་པ་ཡིན། ནག་ནོག་ཅན་དུ་མི་བྱེད་པ་ཡིན་ཏེ། ཚུལ་ཁྲིམས་དེས་བདག་ལ་སྟོད་པར་མི་བྱེད། གཞན་ལ་སྨོད་པར་མི་བྱེད་དོ།། དེ་གནོད་སེམས་ཀྱི་སེམས་འདུལ་བའི་ཕྱིར་བཟོད་པ་སྒོམ་སྟེ། དེ་གྲོང་ངམ་གྲོང་རྡལ་དུ
6a4 ཞུགས་པ་ན་གཤེ་ཡར་ཅི་མི་སྙམ་པར་བྱེད་དོ། ། བརྒྱབ་ཀྱང་རུང་། རྡེག་ཀྱང་རུང་། སྡིགས་ཀྱང་རུང་། རྣམ་པར་འཇོམ་ཡང་རུང་། སྨོད་ཀྱང་རུང་སྟེ་ཅི་མི་སྙམ་པར་བྱེད་དོ།། ཀྱེ་མ་དགེ་སྦྱོང་འདི་ནི་མགོ་རེག་ངན་པའོ།། ཀྱེ་མ
6a5 དགེ་སྦྱོང་འདི་ནི་མགོ་རེག་མི་སྡུག་པ་ངན་པའོ། ། ཞེས་འཇིག་རྟེན་གྱིས་དབྱས་ཀྱང་ཅི་མི་སྙམ་པར་བྱེད་དོ།། ཡང་དག་པ་མ་ཡིན་པས་བསྐུར་ཀྱང་བཟོད་པར་བྱེད་ཅིང་དང་དུ་ལེན། ལ་ལས་བདག་གིར་བྱ་བ་ཉིད་ལ་སྟོན
6a6 ཏེ། བཟོད་པ་དེས་ཀྱང་བདག་ལ་སྟོད་པར་མི་བྱེད། གཞན་ལ་སྨོད་པར་མི་བྱེད་དོ།། ལེ་ལོའི་སེམས་འདུལ་བའི་ཕྱིར་དང་། བྱང་ཆུབ་ཀྱི་ཕྱོགས་པའི་ཆོས་མ་ཐོབ་པ་རྣམས་ཐོབ་པར་བྱ་བའི་ཕྱིར་དང་། ཐོབ་པ་རྣམས་འཕེལ
6a7 བར་བྱ་བའི་ཕྱིར་དང་། འཕེལ་བ་རྣམས་ཡོངས་སུ་སྨིན་པར་བྱ་བའི་ཕྱིར་དང་། ཡོངས་སུ་སྨིན་པ་རྣམས་ཡང་དག་པར་གཟུང་བར་བྱ་བའི་ཕྱིར་དང་། ཡང་དག་པར་གཟུང་བ་རྣམས་རྣམ་པར་དབྱེ་བའི་ཕྱིར་བརྩོན་འགྲུས
6a8 རྩོམ་མོ། ། དེ་སེམས་ཅན་གྱི་ཆེད་རྣམས་དང་། སེམས་ཅན་གྱི་བྱ་བ་རྣམས་ལ་ཡོངས་སུ་མི་སྐྱོ་ཞིང་ཡོངས་སུ་ཡི་མི་ཆད་དེ་ཡོངས་སུ་སྐྱོ་བའི་སེམས་མི་སྐྱེད་དོ།། དེ་གདོལ་པ་ལ་ཕན་གདགས་ཀྱང་རུང་། རྒྱལ་པོ་ལ་ཕན
iiif viewer powered by OpenSeadragon
