| e-texts navigator |
| Wylie |
4a1 སོ་སོར་རྟོག་གོ། ། དེ་དེ་ལྟར་ཡང་དག་པའི་དྲན་པས་ལུས་ཀྱི་སྐྱོན་རྣམས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པས། ལུས་ལ་ཆགས་པ་དང་། ལུས་ལ་ཀུན་ཏུ་འདོད་ཆགས་དང་། ལུས་ལ་བདག་གི
4a2 ཉིད་ཡིན་པ་མི་སྐྱེད་དོ། ། དེ་ལུས་ལ་མི་ལྟ་བས་སྲོག་ལ་ཆགས་པ་དང་། སྲོག་ལ་ཀུན་ཏུ་འདོད་ཆགས་དང་། སྲོག་ལ་བདག་གི་ཉིད་ཡིན་པ་མི་སྐྱེད་དོ།། དེ་ལུས་དང་སྲོག་ལ་མི་ལྟ་བར་ཆོས་གོས་ངན་ངོན་དང་། ཁ་ཟས་ངན་ངོན་དང
4a3 མལ་ཆ་དང་། སྟན་ངན་ངོན་དང་། ན་བའི་གསོས་སྨན་དང་། ཡོ་བྱད་ངན་ངོན་ཙམ་དག་གིས་ཆོག་པར་འཛིན་པ་ཡིན་ནོ།། དེ་ཚངས་པ་མཚུངས་པར་སྤྱོད་པ་རྣམས་ཀྱི་བྱ་བ་གང་དག་ཡིན་པ་དོན་དང་ལྡན་པ་རྣམས་སམ། དགེ་བ་དང
4a4 ལྡན་པ་རྣམས་ཀྱང་དེ་དག་ལ་སྟོད་པར་བྱེད་དེ། ཡོངས་སུ་མི་སྐྱོ་ཞིང་ཡོངས་སུ་ཡི་འཆང་བ་མེད་ལ་ཡོངས་སུ་སྐྱོ་བའི་སེམས་མི་སྐྱེད་དོ།། དེ་མཁན་པོ་དང་སློབ་དཔོན་གྱི་གན་དུ་འགྲོ་ན་དྲན་པ་དང་ལྡན་ཞིང་འདི་སྙམ་དུ་སེམས་ཏེ། མཁན་པོ
4a5 ངག་ནི་བསྙེན་པར་དཀའ་བ། སློབ་དཔོན་དག་ནི་བསྙེན་པར་དཀའ་བ་སྟེ། བདག་དེར་སོང་བ་ན་སྡིག་པ་མི་དགེ་བ་ཀུན་ཏུ་སྤྱོད་པ་འགའ་ཞིག་གིས་བདག་ལ་གླེངས་ཤིང་དྲན་པར་བྱས་ན་མི་རུང་ངོ་སྙམ་ནས། དེ་རྒྱུ་དང་རྐྱེན་དེ་དང་གཞི་དེས
4a6 བསླབས་པ་རྣམས་ལ་གུས་པ་བྱེད་པར་འགྱུར་ཏེ། བརྫུན་པར་བྱེད་པ་དང་། ལེགས་པར་བྱ་བ་བྱེད་པ་དང་། ཞི་བ་རྣལ་དུ་བྱེད་པ་དང་། ཤིན་ཏུ་ཡོངས་སུ་མཐར་ཐུག་པར་བྱེད་པ་ཅན་དུ་འགྱུར་རོ།། དེ་ལ་བསླབ་པ་རྣམས་ལ་གུས་པ་བྱེད་པ
4a7 ཉིད་དང་། བརྫུན་པར་བྱེད་པ་ཉིད་དང་། ལེགས་པར་བྱ་བ་བྱེད་པ་ཉིད་དང་། ཞི་བ་རྣལ་དུ་བྱེད་པ་ཉིད་དང་། ཤིན་ཏུ་ཡོངས་སུ་མཐར་ཐུག་པར་བྱེད་པ་ཉིད་ཀྱི་མཁན་པོ་དང་། སློབ་དཔོན་གྱི་གན་དུ་འགྲོ་བ་ན་བག་ཚ་བ་མེད་པ་དང་། བག
4a8 འཁམས་པ་མེད་པར་འགྲོ་ཞིང་མི་འཇིགས་པ་དང་། ལྷན་ཅིག་ཏུ་བྱུང་བའི་རྒོད་པ་ཡང་མི་སྟོན་ཏེ། དེ་ཅིའི་ཕྱིར་ཞེ་ན། གུས་པ་དང་བཅས་ཤིང་།། ཞེས་དང་བཅས་པ་ཡིན་ལ། རིགས་ཀྱི་བག་མ་བཞིན་དུ་འཛེམ་པ་དང་ལྡན་པའི་ཕྱིར་རོ།།
iiif viewer powered by OpenSeadragon
