| e-texts navigator |
| Wylie |
28a1 ཐུབ་པ་དེ་ལ་ཡང་བལྟའོ། ། ཕྱག་བགྱིལ།། བསྙེན་བཀུར་བགྱིའོ།། མཉམ་པར་གཞག་པའི་བྱེ་བྲག་གས་ཀྱང་སངས་རྒྱས་ཀྱི་ནིང་དེར་གནས་པར་བརྒྱའོ།། དེ་ནས་ཚངས་པ་ཁྱད་པར་སེམས་བྱང་ཆུབ་སེམས
28a2 དཔ་སྟོང་ཕྲག་བཅུ་གཉིས་དང་ལྷན་ཅིག་ཏུ་བཅོམ་ལྡན་འདས་དེ་བཞིན་གཤེགས་པ་ཟླ་འོད་ཀྱི་ཞབས་ལ་མགོ་བོས་ཕྱག་འཚལ་ནས་འདི་ལྟ་སྟེ། ། སྐྱེས་བུ་སྟོབས་དང་ལྡན་པའི་ལག་པ་བསུམ་པ་ལས་བརྒྱ་པའམ། བརྒྱད
28a3 བ་.ལས་བསྐུམ་པའི་སྐད་ཅིག་ཡུད་ཙམ་ཐང་ཅིག་དེ་ཙམ་གྱིས་སངས་རྒྱས་ཀྱི་ཞིང་དེར་མི་སྣང་བར་གྱུར་ནས་བཅོམ་ལྡན་འདས་ཤཱཀྱ་ཐུབ་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས
28a4 ཞིང་འདིར་ཕྱིན་ཏོ། ། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་དྲ་བ་ཅན་གྱི་འོད་ལ་བཀའ་སྩལ་པ། དྲ་བ་ཅན་གྱི་འོད་ཁྱོད་ཀྱིས་ཚངས་པ་ཁྱད་པར་སེམས་འོང་བ་མཐོང་ངམ། གསོལ་པ། བཅོམ་ལྡན་འདས་མཐོང་ངོ་།།
28a5 བཅོམ་ལྡན་འདས་ཀྱིས་བཀའ་སྩལ་པ། དྲ་བ་ཅན་གྱི་འོད་ཚངས་པ་ཁྱད་པར་སེམས་འདི་ནི་བྱང་ཆུབ་སེམས་དཔའ་ཚུལ་བཞིན་འདྲི་བ། ཀུན་འདྲི་བ་ལ་མཁས་པ་རྣམས་ཀྱི་ནང་ན་མཆོག་གོ།། ཚིག་གཟུང་བ་རྣམས་ཀྱི་ནང་ན་མཆོག་གོ།
28a6 ཚིག་བཙུན་པ་རྣམས་ཀྱི་ནང་ན་མཆོག་གོ།། ཚིག་འཇམ་པ་རྣམས་ཀྱི་ནང་ན་མཆོག་གོ། གསོང་པོར་སྨྲ་བ་རྣམས་ཀྱི་ནང་ན་མཆོག་གོ།། ཚིག་མཆོད་པ་རྣམས་ཀྱི་ནང་ན་མཆོག་གོ།། ཚིག་ཐོགས་པ་མེད་པ་རྣམས་ཀྱི་ནང་ན་མཆོག
28a7 གོ། ། ལྡེམ་པོ་ངག་ཏུ་སྨྲ་བ་རྣམས་ཀྱི་ནང་ན་མཆོག་གོ།། སེམས་ཁོང་ཁྲོ་བ་མེད་པ་རྣམས་ཀྱི་ནང་ན་མཆོག་གོ།། བྱམས་པ་ལ་གནས་པ་རྣམས་ཀྱི་ནང་ན་མཆོག་གོ།། སྙིང་རྗེ་ལ་གནས་པ་རྣམས་ཀྱི་ནང་ན་མཆོག་གོ། དགའ་བ་ལ
28a8 གནས་པ་རྣམས་ཀྱི་ནང་ན་མཆོག་གོ། ། བཏང་སྙོམས་ལ་གནས་པ་རྣམས་ཀྱི་ནང་ན་མཆོག་གོ། བྱང་ཆུབ་སེམས་དཔའ་ཐེ་ཙོམ་ཐམས་ཅད་གཅོད་པ་དང་ཀུན་འདྲི་བ་ལ་མཁས་པ་རྣམས་ཀྱི་ནང་ན་མཆོག་གོ།། དེ་ནས་ཚངས་པ
iiif viewer powered by OpenSeadragon
