| e-texts navigator |
| Wylie |
27a1 བཀའ་སྩལ་ཏོ། ། ཚངས་པ་སངས་རྒྱས་ཀྱི་ནང་འདི་ནས་ནུབ་ཕྱོགས་ན་སངས་རྒྱས་ཀྱི་ནང་བ་རྒྱ་སྟོང་ཕྲག་གང་གཱའི་ཀླུང་བདུན་བཅུཅུ་གཉིས་ཀྱི་བྱམ་གད་འདས་པ་ན་མི་མཛད་ཅེས་བྱ་བའི་འཇིག་རྟེན་གྱི་ཁམས
27a2 ཡོད་དེ། དེ་ན་ཤཱཀྱ་ཐུབ་པ་ཞེས་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ད་ལྟར་བཞུགས་ཏེ་འཚེ་ཞིང་གཞེས་ལ་ཆོས་ཀྱང་སྟོན་ཏོ།། དེ་བཞིན་གཤེགས་པ་དེས་འདི་ལྟ་སྟེ། ཕྱོགས
27a3 བཅུའི་བྱང་ཆུབ་སེམས་དཔའ་རྣམས་བསྡུ་བའི་ཕྱིར་སྐུ་ལས་འོད་འདི་བཏང་ངོ་། ། དེ་ནས་བཅོམ་ལྡན་འདས་ལ་ཚངས་པ་ཁྱད་པར་སེམས་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་དེ་བཞིན་གཤེགས་པ་དེ་བདག
27a4 གཟིགས་པར་བཞེད་ན་མི་མཇེད་ཀྱི་འཇིག་རྟེན་གྱི་ཁམས་དེར་བཅོམ་ལྡན་འདས་ཤཱཀྱ་ཐུབ་པ་ལ་བལྟ་བ་དང་། ཕྱག་འཚལ་བ་དང་། བསྙེན་བཀུར་བགྱི་བ་དང་། ཀུན་ཞུ་བ་དང་། སླར་ཞུ་བའི་སླད་དུ་བདག་མཆིའོ།། བཅོམ་ལྡན
27a5 འདས་དེས་བཀའ་སྩལ་པ། ཚངས་པ་ད་ལྟར་མི་མཇེད་ཀྱི་འཇིག་རྟེན་གྱི་ཁམས་དེར་བྱང་ཆུབ་སེམས་དཔའ་བྱེ་བ་ཕྲག་མང་པོ་ཡང་ཕྱིན་གྱིས་དེའི་དུས་ལ་དབབ་པར་ཤེས་ན་ཁྱོད་སོང་ཤིག། ཚངས་པ་སངས་རྒྱས་ཀྱི་ཞིང
27a6 དེར་ལྷག་པའི་བསམ་པ་བཅུ་རྣམས་ཀྱིས་གནས་པར་བྱའོ། ། བཅུ་གང་ཞེ་ན། སྙན་པར་སྨྲ་བ་དང་དོན་དུ་སྨྲ་བ་རྣམས་ལ་ཁོང་ཁྲོ་བ་མེད་པའི་སེམས་དང་། སྙན་པ་ཐོས་པ་དང་མི་སྙན་པ་ཐོས་པ་ལ་བྱམས་པའི་སེམས་དང་།
27a7 དུས་ཐམས་ཅད་དུ་སེམས་ཅན་རྣམས་ལ་སྙིང་རྗེ་བའི་སེམས་དང་། སེམས་ཅན་རབ་འབྲིང་ཐ་མ་རྣམས་ལ་ཡང་དག་པར་སྦྱོར་བ་དང་། རི་མོ་བྱེད་པ་དང་། བརྙས་པར་བྱེད་པ་རྣམས་ལ་སེམས་མཉམ་པ་དང་། གཞན་གྱི
27a8 ལྟུང་བའི་འཁྲུལ་པ་ཐམས་ཅད་ལ་ཉེས་པར་མི་ལྟ་བ་དང་། ཐེག་པ་སྣ་ཚོགས་ལ་རོ་གཅིག་པ་དང་། ངན་སོང་གི་སྡུག་བསྔལ་ཐམས་ཅད་ཀྱི་སྒྲས་མི་སྐྲག་པ་དང་། བྱང་ཆུབ་སེམས་དཔའ་ཐམས་ཅད་ལ་སྟོན་པར་འདུ་ཤེས་པ
iiif viewer powered by OpenSeadragon
