| e-texts navigator |
| Wylie |
26a1 ཞེས་བྱ་བའི་འོད་ཐར་དས་ནི་སེམས་ཅན་ངོ་ཚ་བ་དང་འཇམ་པ་མེད་པ་རྣམས་ངོ་ཆ་ཤེས་པ་དང་ཁྲལ་ཡོད་པ་ཐོབ་པར་འགྱུར་རོ། ། སྒོ་བ་ཞེས་བྱ་བའི་འོད་ཟེར་དེས་ནི་སེམས་ཅན་འདོད་ཆགས་སྤྱོད་པ་རྣམས་ཀྱི
26a2 འདོད་ཆགས་འཇོམས་པར་འགྱུར་རོ། ། དགའ་བ་ཞེས་བྱ་བའི་འོད་ཟེར་དེས་ནི་སེམས་ཅན་ཞེ་སྡང་སྤྱོད་པ་རྣམས་ཀྱི་ན་སྡང་འཇོམས་པར་འགྱུར་རོ།། སྣང་བ་ཅན་ཞེས་བྱ་བའི་འོད་ཟེར་དེས་ནི་སེམས་ཅན་གཏི་མུག་སྤྱོད་པ་རྣམས་རྟེན
26a3 ཅིང་འབྲེལ་བར་འབྱུང་བ་ཁོང་དུ་ཆུད་པར་འགྱུར་རོ། ། ཀུན་ཏུ་འགྲོ་བ་ཞེས་བྱ་བའི་འོད་ཟེར་དེས་ནི་སེམས་ཅན་ཆ་མཉམ་པར་སྤྱོད་པ་རྣམས་ཆ་མཉམ་པར་སྤྱོད་པ་སྤོང་བར་འགྱུར་རོ།། དྲ་བ་ཅན་གྱི་འོད་དེ་བཞིན་གཤེགས་པ་ལ་གཟུས
26a4 ཐམས་ཅད་སྟོན་པ་ཞེས་བྱ་བའི་འོད་ཟེར་ཡོད་དེ། འོད་ཟེར་དེས་རེག་པའི་སེམས་ཅན་རྣམས་དེ་བཞིན་གཤེགས་པའི་སྐུ་ཁ་དོག་སྣ་ཚོགས་ཁ་དོག་དུམ་ཁ་དོག་བརྒྱ་སྟོང་དུ་མས་ལྷག་པར་མཐོང་བར་འགྱུར་རོ།། དྲ་བ་ཅན་གྱི་འོད།
26a5 ངས་དེ་བཞིན་གཤེགས་པའི་འོད་ཟེར་ལ་བརྩམས་ཏེ་བསྐལ་པ་འམ། བསྐལ་པ་ལས་ལྷག་པར་བཤད་ཀྱང་དེ་བཞིན་གཤེགས་པའི་འོད་ཟེར་གྱི་རྣམ་པ་དང་ལྡན་པའི་ཆོས་བསྟན་པ་ཡོངས་སུ་ཟད་པར་མི་འགྱུར་ཏེ། འདི་ལྟར
26a6 དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་འོད་ཟེར་གྱི་ཡོན་ཏན་མཐའ་ཡས་མུ་མེད་པ་དང་ལྡན་པ་ཡིན་ནོ། ། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་བྱང་ཆུབ་སེམས་དཔའ
26a7 དྲ་བ་ཅན་གྱི་འོད་ཀྱིས་འདི་སྐད་ཅེས་གསོལ་ཏོ། ། བཅོམ་ལྡན་འདས་འདི་ལྟར་དེ་བཞིན་གཤེགས་པའི་སྐུའི་བཀོད་པ་ཚད་མ་མཆིས་པར་བསྟན་པ་འདི་དང་། ཐབས་མཁས་པ་བསམ་གྱིས་མི་ཁྱབ་པ་དང་ལྡན་པའི་ཆོས་བསྟན་པ
26a8 མཚར་ཏོ། ། བཅོམ་ལྡན་འདས་འོད་ཟེར་འདི་དག་ནི་བདག་གིས་སྔོན་མ་ཐོས་ཏེ། ཇི་ལྟར་བཅོམ་ལྡན་འདས་ཀྱིས་བཤད་པའི་དོན་བདག་གིས་འཚལ་བ་ལྟར་ན། བཅོམ་ལྡན་འདས་བྱང་ཆུབ་སེམས་དཔའ་གང་ལ་ལ་འོད་ཟེར་འདི་དག
iiif viewer powered by OpenSeadragon
