| e-texts navigator |
| Wylie |
21b1 སྡིག་པའི་སེམས་ཀྱི་དབང་དུ་སོང་ནས་ནི།། དེ་ནི་ཇི་ལྟར་གཞན་ལ་གཙེས་པ་བཞིན།། རིང་པོར་མི་ཐོགས་ངན་སོང་གནས་པར་འགྱུར།། རྒྱ་མཚོ་ཆེ་ལ་ཇི་ལྟར་ཆུ་གནས་བཞིན།། བསྟན་པ་འདི་ལ་དྲད་པ་གཞི་ཡིན་ཏེ།། གང་ཟག་གང
21b2 ཞིག་བསྟན་ལ་མ་དད་དེ། ། ང་ཡི་མ་ཡིན་ང་ཡང་དེའི་མ་ཡིན།། བགྲོད་པ་ཕུན་སུམ་ཚོགས་གཞི་དང་བ་ཡིན།། བདུད་རྩི་འཐོབ་པའི་ལམ་དང་སྣང་བ་ཡིན།། ཇི་ལྟར་འཛམ་བུའི་གླིང་བའི་རྒྱལ་པོ་བཞིན།། འདི་ནི་ཡོན་ཏན་ཀུན་གྱི་ཐོག་མར
21b3 འགྲོ། རྒྱལ་པོ་ཆེན་པོ་ཁྱོད་ཀྱི་གཙུག་ལག་ཁང་གི་དགེ་སློང་དེ་དག་ནི་ཡོན་ཏན་དེ་ལྟ་བུ་དེ་དག་དང་མི་ལྡན་པས་ན་དེའི་ཕྱིར་དེར་བྱང་ཆུབ་སེམས་དཔའ་མཐོང་བ་དོན་ཡོད་ཀྱིས་སོ་སོར་རྟགས་ནས་མ་འདུག་པར་མྱུར་བ་ཁོ་ནར་སོང་ངོ་།།
21b4 རྒྱལ་པོ་ཆེན་པོ་དགེ་སློང་དྲུག་བཅུ་པོ་དེ་དག་ཐམས་ཅད་ནི་དེ་ནས་ཤི་འཕོས་ནས་བསྐལ་པ་གསུམ་གྱི་བར་དུ་ངན་སོང་རྣམས་སུ་འཁོར་འཁོར་ནས་ཚེ་རབས་བརྒྱད་ཁྲིའི་བར་དུ་རིགས་ངན་དུ་སྐྱེ་བར་འགྱུར་ཏེ། དམན་པ་དང་། གཞན་གྱི་ཟས
21b5 ཀྱིས་འཚོ་བ་དང་། འཇིག་རྟེན་གྱིས་སྨད་པར་འགྱུར་བ་དང་། ལུས་རིང་བ་དང་། མདོག་ངན་པ་དང་། ཆུང་བར་གྲགས་པ་དང་། བྱང་ངན་པ་དང་། ཚེ་རབས་ཐམས་ཅད་དུ་ཤས་ཆེར་ནད་རྒྱུན་རིངས་དང་། ཁམས་མ་སྙོམས་ཏེ་འཁྲུགས
21b6 པ་དང་། ཉམ་ཐག་པའི་སྐད་ཀྱིས་ཚེ་དེ་འདོན་པ་དང་། གཤིས་ངན་དུ་འཆི་བར་འགྱུར་རོ།། དེ་ནས་ཚེ་རབས་ཀྱི་ཐ་མ་ལས་ཤི་འཕོས་ནས་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་ཏེ། ལོ་བརྒྱད་ཁྲིའི་བར་དུ་དེ་དག་གིས་དེ
21b7 བཞིན་གཤེགས་པ་ཚེ་དཔག་མེད་ཆོས་སྟོན་པ་ཐོས་ལ་ཤེས་པར་ནི་མི་འགྱུར་རོ། ། དེ་བཞིན་གཤེགས་པ་དེའི་འོད་མཐོང་ལ་དེ་བཞིན་གཤེགས་པ་དེ་ནི་མི་མཐོང་ངོ་།། དེ་དག་གི་ལུས་ལ་འོད་ཀྱིས་ཕོག་པར་ཡང་མི་འགྱུར་རོ།
21b8 དེ་དག་གིས་གཏན་དུ་རྣམ་པར་དག་པར་བྱ་བའི་ཕྱིར་ཉིན་ལན་གསུམ་མཚན་ལན་གསུམ་དུ་བྱང་ཆུབ་སེམས་དཔའ་འདུས་པ་ལ་ཡན་ལག་ལྔས་གཏུགས་ཏེ། ཉེས་པ་བཤགས་ནས་གདོང་དེའི་འོག་ཏུ་ལས་དེ་རྣམ
iiif viewer powered by OpenSeadragon
