| e-texts navigator |
| Wylie |
183b1 དེ་དག་གིས་གནང་བར་བྱེད་དེ། ལོ་ཉི་ཤུ་མ་ལོན་པར་རྫོགས་པར་བསྙེན་པར་བྱེད། རང་གི་ལག་གིས་ལེན་པར་བྱེད། མ་བརྟགས་པ་ལ་ལོངས་སྤྱོད་བར་བྱེད། རང་ཉིད་གཡོས་དང་། འཚེད་པའི་ལས་བྱེད། གསེར་དང
183b2 དངུལ་བདག་གི་བྱེད། བྲེ་རྒོད་དང་འབྲུ་ལ་སོགས་པ་སོགས་པར་བྱེད།། ཁྱིམ་གྱི་གཞི་དང་། ཞིང་གི་གཞི་དང་། ཀུན་དགའི་ར་བའི་གཞི་ཉ་ཚང་བྱེད་ཅིང་ཚལ་ཟའི་འཚ་བ་སྦྱོང་བར་བྱེད། ཁྱིམ་གྱི་གཞི་དང་། ཞིང་གི་བཞི་དང་།
183b3 ཀུན་དགའ་བའི་གཞི་ལེན་པར་བྱེད། ལས་ཀྱི་རྣམ་པར་སྨིན་པ་ལ་ཡང་ཡིད་མི་ཆེས་ཤིང་སོ་སོར་ཐར་པ་ལ་ཡང་མ་དང་ནས་དེ་ལ་གཞོལ། དེ་ལ་འབབ། དེ་ལ་བག། དེ་ལ་བདེན་པར་འཛིན། དར་སྤྱོད་ལམ་བྱེད། དགེ
183b4 སྦྱོང་དུ་འདྲ་བར་འཛིན་ཅིང་གང་ན་སྐྱེ་བོ་མང་པོ་ཡོད་པ་དེར་གཅེར་བུ་བ་དང་མཚུངས་པར་སྟོན་པར་བྱེད། གང་ཟག་ཏུ་ལྟ་བ་བསྔགས་པར་བྱེད། གང་ཟག་ཏུ་ལྟ་བ་དང་། གཅེར་བུ་བ་དང་མཚུངས་པར་སྟོན་པས། སྐྱེ་བ
183b5 ཟང་པོ་འདྲད་པར་བྱེད་ཅིང་འགོད་པར་བྱེད། སངས་རྒྱས་ཀྱི་སྤྱོད་ཡུལ་དེ་བཞིན་གཤེགས་པའི་གནས་པ་སྟོང་པ་ཉིད་ལ་དམིགས་ནས་མུན་འབྱིན་པར་བྱེད། གཤེ་བར་བྱེད་པར་ཤེས་པར་བྱའོ།། ཡུལ་འཁོར་བྱུང
183b6 དེ་ལྟ་བུའི་སེམས་ཅན་དག་འབྱུང་བར་འགྱུར་ཏེ། དེ་དག་ནི་ཁྱིམ་པ་ཡང་མ་ཡིན། དགེ་སྦྱོང་ཡང་མ་ཡིན་ཏེ། དེ་དག་གིས་ནི་དེ་བཞིན་གཤེགས་པའི་བསྟན་པ་འདི་ནུབ་པར་བྱེད་དོ།། དེ་ནས་བཅོམ་ལྡན་འདས་ཀྱིས་དེའི
183b7 ཚིགས་སུ་བཅད་པ་འདི་དག་བཀའ་སྩལ་ཏོ། ། དགེ་སློང་ཚུལ་ཁྲིམས་རྣམས་ལ་བསྡམ་ས།། ཞི་ཞིང་ཞི་བའི་གནས་ལ་དགའ།། སོ་སོར་ཐར་པ་སློབ་བྱེད་པ།། དེ་དག་དགེ་སློང་བྲམ་ཟེ་ཡིན།། ཆོས་རྣམས་གཙ
183b8 བླངས་ནས་ནི། ། ཅི་ཡང་མེད་པའི་དགེ་སློང་བ།། བས་མཐའ་དགོན་པ་རྣམས་སུ་དགའ།། དེ་དག་དགེ་སློང་བྲམ་ཟེ་ཡིན།། དེ་དག་བྲེ་མོ་གཏམ་མི་དགའ།། སོ་སོར་ཐར་རྣམས་ལེགས་པར་བསླབས།། གང་ཟག་མཆོག
iiif viewer powered by OpenSeadragon
