| e-texts navigator |
| Wylie |
182a1 བྱའོ། ། འཇིག་རྟེན་གྱི་གཏམ་ལ་མི་རྟེན་པར་བྱའོ།། ཚང་སྤྱོད་པ་སྤང་བར་བྱའོ།། སྨན་སྤྱད་ལ་དགའ་བ་དང་། ཕྲིན་པ་ལ་དགའ་བ་དང་། ཁྱིམ་གྱི་བྱ་བ་དང་འབྲལ་བར་མི་བྱའོ།། འདུག་པ་དང་། འགྲེང་བ་དང་།
182a2 འཆག་པ་དང་། ཉལ་བ་ལ་མཁས་པར་བྱའོ།། རབ་ཏུ་དབེན་པ་དང་། དགོན་པར་དགའ་བ་དང་། ཞི་བའི་གནས་ལམ་སྒྲ་ཆུང་བསད་ཆུད་པ་འཇིགས་པའི་ཡིད་ལ་བྱེད་པ་མེད་པ། སྡིག་སྦྲུལ་མེད་པ། མི་མང་པོ་མེད་པ་མིས་དབེན་པ
182a3 ནང་དུ་ཡང་ག་པར་འཇོག་དང་འཚམ་པ་བསྟེན་པར་བྱའོ། ། བདག་སྟོད་པར་ཡང་མེ་བྱ། གཞན་སྨད་པར་ཡང་མི་བྱའོ།། ཚུལ་འཆོས་པ་དང་ཁ་གསག་མི་བྱའོ།། རྟག་ཏུ་རྒྱུན་མི་འཆད་པར་སྐྱོ་བའི་སེམས་བསྐྱེད་པར་བྱའོ།།
182a4 དེས་ཁྱིམ་པ་དང་། རབ་ཏུ་བྱུང་བ་རྣམས་དང་། འདྲ་ཞིང་འདྲིས་པར་མི་བྱའོ།། སྟོང་པའི་ཆོས་རྣམས་ཀུན་ཏུ་བསྟེན་པར་བྱ།། བསྒོམ་པར་བྱ། མང་དུ་བྱའོ།། དེས་རིགས་པ་དང་མི་ལྡན་པའི་དགེ་སློང་དང་ལྷན་ཅིག་ཕྲད་པ་སྤང་བར།
182a5 བྱའོ།། དགེ་སློང་མ་དང་འདྲིས་པར་མི་བྱའོ།། འདོད་པ་ཆུང་པར་ཡང་བྱའོ། དེ་ནི་རྟག་ཏུ་བདག་ཉིད་ཀྱི་འཁྲུལ་པ་རྣམས་ལ་སོ་སོར་རྟག་པར་བྱའི་གཞན་གྱི་འཁྲུལ་པ་རྣམས་ལ་བརྟག་པར་མི་བྱའོ།། ཕ་མ་ལ་ཡང
182a6 ཡིད་བརྟན་པར་མི་བྱ་ན་རིགས་གཞན་ལྟ་ལ་ཅི་སྨོས། ཤིན་དུ་ཡང་དག་པར་སྔམ་པ་ཅན་དུ་བྱའོ།། ཉེ་བར་ཞི་བའི་ཆོས་ཀྱི་སྦྱིན་བདག་བྱའོ།། དམྱིགས་པ་ལ་མཁས་པར་བྱའོ།། དབེན་པའི་གནས་ལམ་དུ་གནས།
182a7 པར་བྱའོ།། འཐུན་པ་ཡང་གཞན་དག་ལ་སྨྲ་བར་མི་བྱིན་མི་མཐུན་པ་ལྟ་ཅི་སྨྲས། དེས་ཆོས་དེ་དག་ལ་སེམས་ཉེ་བར་གནས་པར་བྱས་ནས། ཆོས་ཟབ་མོ་རྣམས་ལ་སོ་སོར་བརྟག་པར་བྱའོ།། ཆོས་ཟབ་མོ་རྣམས་ལ་བཏག
182a8 པར་བྱ་བ་དེ་དག་ཀྱང་གང་ཞེ་ན། མིག་མི་རྟག་གོ་སྙམ་དུ་སོ་སོར་བརྟག་པར་བྱའོ།། དེའི་སྐྱེ་བ་དང་འཇིག་པ་ལ་ཡང་སོ་སོར་བརྟག་པར་བྱའོ།། དེ་ལ་སྐྱེ་བ་དང་། འཇིག་པ་ལ་སོ་སོར་རྟོག་པ་གང་ཡིན་པ་དེ་ནི་མེད་པ་ལ་སོ།
iiif viewer powered by OpenSeadragon
