| e-texts navigator |
| Wylie |
175b1 དེའི་བརྒྱ་འཆར་ཡང་མི་བོད། སྟོང་གི་ཆ་དང་། དཔེའི་བར་དུ་ཡང་མི་བཟོད་དོ།། དེ་ནས་ལྷ་རྣམས་ཀྱི་དབང་པོ་བརྒྱ་བྱིན་དང་། མི་མཇེད་ཀྱི་བདག་པོ་ཚངས་པ་དང་། རྒྱལ་པོ་ཆེན་པོ་བཞི་དང་། ལྷའི་བུ་དབང་ཕྱུག་དང་། དབང་ཕྱུག་ཆེན་པོ
175b2 དང་། དཔལ་ལྡན་ལེགས་དང་། དགའ་ལྡན་དང་། ལྷའི་བུ་ཡོངས་སུ་དགའ་ལྡན་གྱིས་འདི་ལྟར་ཆོས་ཀྱི་རྣམ་གྲངས་འདི་དང་། དེ་བཞིན་གཤེགས་པ་བཅུ་པོ་དེ་རྣམས་ལ་མཆོད་པ་བྱ་བའི་ཕྱིར་དེ་བཞིན་གཤེགས་པ་ལ་ལྷའི
175b3 མེ་ཏོག་དང་། ཅན་དན་གྱི་ཕྱེ་མས་གཏོར། མངོན་པར་གཏོར། མངོན་པར་རབ་ཏུ་གཏོར་ཏོ།། ཚིག་འདི་སྐད་ཅེས་ཀྱང་སྨྲས་ཏེ། བཅོམ་ལྡན་འདས་རིགས་ཀྱི་བུ་འམ། རིགས་ཀྱི་བུ་མོ་གང་དག་ཆོས་ཀྱི་རྣམ་གྲངས་འདི་འཛིན
175b4 པ་དང་། འཆང་བ་དང་། ཀློག་པ་དང་། བརྗོད་པར་བགྱིད་པ་དེ་དག་ནི་ཕྱག་བགྱི་བའི་འོས་ལགས་སོ།། བཅོམ་ལྡན་འདས་ཐ་ན་ཆོས་ཀྱི་རྣམ་གྲངས་འདི་གང་དགགིས་སུག་པ་ན་མཆིས་པ་དེ་དག་ནི་བླ་ན་མེད་པ་ཡང་དག་པར
175b5 རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་བ་ལགས་སོ། ། བཅོམ་ལྡན་འདས་ཆོས་ཀྱི་རྣམ་གྲངས་འདི་རིགས་ཀྱི་བུ་འམ་རིགས་ཀྱི་བུ་མོ་གང་དག་གི་རྣ་ལམ་དུ་གྲག་པར་འགྱུར་བ་དེ་དག་ནི་བདུད་སྡིག་ཅན
175b6 གྱི་དབང་དུ་མཆི་བར་མི་འགྱུར་ལགས་སོ། ། དེ་ནས་བཅོམ་ལྡན་འདས་ལ་རྒྱལ་པོ་གཟུགས་ཅན་སྙིང་པོའི་སྲས་ཁྱེའུ་རིན་ཆེན་ཟླ་བས་ཚིགས་སུ་བཅད་པས་གསོལ་པ།། ཕུང་པོ་མེད་པ་བཅོམ་ལྡན་འདས།། ཁྱོད
175b7 ཀྱིས་ལེགས་གསུངས་དཔག་ཏུ་མེད། ། བདག་དང་ལྷར་བཅས་འཇིག་རྟེན་རྣམས།། ཁྱོད་ཀྱིས་འདི་ལ་ཡི་རང་ངོ་།། འཇིག་རྟེན་མགོན་པོ་འདས་པ་ན།། གང་དག་ད་དུང་མ་བྱོན་དང་།། ཕྱོགས་རྣམས་མ་ལུས་གང་བཞུགས་པའི
175b8 སངས་རྒྱས་རྣམས་ལ་སྐྱབས་སུ་མཆི། ། སངས་རྒྱས་ཀུན་གྱི་ཡུལ་གཅིག་པ།། ཆོས་དང་དགེ་འདུན་ཞི་བའི་མཆོག། ཡོན་ཏན་ལེགས་པ་བསམ་མི་ཁྱབ།། དགེ་འདུན་ལ་ཡང་སྐབས་སུ་མཆི།། བྱང་ཆུབ་སེམས་དཔ
iiif viewer powered by OpenSeadragon
