| e-texts navigator |
| Wylie |
15a1 དག་ལ་དབྱུག་པས་བསྣུན་པ་དང་། མཚོན་གྱིས་བསྣུན་པས་བསྣུན་པར་བགྱིད་དོ།། མཐོང་བ་དོན་ཡོད་དེས་ན་བདག་གིས་བྱང་ཆུབ་ཏུ་སེམས་མ་བསྐྱེད་དོ།། བདག་ནི་ཐ་ན་རྨི་ལམ་དུ་ཡང་གཞན་དག་ལ་ཀུན་ནས
15a2 མནར་སེམས་ཀྱིས་སེམས་བསྐྱེད་པར་བགྱིད་དོ། ། མཐོང་བ་དོན་ཡོད་ད་ནི་བདག་གིས་ལྷག་པའི་བསམ་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་བགྱིའོ།། མཐོང་བ་དོན་ཡོད་བདག་གིས
15a3 ཇི་ལྟར་བཅས་པའི་བྱང་ཆུབ་སེམས་དཔའི་བསླབ་པ་དག་ལ་མ་སླབས་ན་བདག་གིས་ཕྱོགས་བཅུའི་འཇིག་རྟེན་གྱི་ཁམས་དག་ན་བཞུགས་པའི་སངས་རྒྱས་བཅོམ་ལྡན་འདས་རྣམས་བསླུས་པར་གྱུར་ཅིག། བདག་བླ་ན་མེད
15a4 པ་ཡང་དག་པར་རྫོགས་པའི་བྱང་ཆུབ་ཡོངས་སུ་བསྒྲུབ་པའི་སླད་དུ་ཇི་སྐད་སྨྲས་པ་དེ་བཞིན་དུ་བགྱིད་པར་འགྱུར་བར་བགྱིའོ། ། དེ་ནས་རྒྱལ་པོ་ཚངས་པས་བྱིན་གྱི་རྗེས་སུ་བསླབས་པའི་སྲོག་ཆགས་བརྒྱད་ཁྲིས་སྟོན་མ
15a5 སྐྱེད་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ། དེ་དག་གིས་ཀྱང་ཇི་སྐད་བསྟན་པའི་བྱང་ཆུབ་སེམས་དཔའི་སྤྱོད་པ་དག་ལ་སྨོན་ལམ་བཏབ་བོ།། སྲོག་ཆགས་ཉི་ཁྲི་ནི་ཆོས་རྣམས་ལ་ཆོས་ཀྱི་མིག
15a6 རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ། ། དེ་ནས་རྒྱལ་པོ་ཚངས་པས་བྱིན་གྱིས་བྱང་ཆུབ་སེམས་དཔའ་སེམས་དཔའ་ཆེན་པོ་མཐོང་བ་དོན་ཡོད་ལ་འདི་སྐད་ཅེས་སྨྲས་སོ།། མཐོང་བ་དོན་ཡོད་བདག་ལ་ཐུགས་བརྩེ་བ་དང་། སྐྱེ།
15a7 བོ་ཕལ་པོ་ཆེ་འདི་དག་ལ་ཕན་གདགས་པའི་སླད་དུ་བདག་གི་འདི་ཉིད་དུ་དབྱར་གནས་པར་གནང་བར་མཛོད་ཅིག། མཐོང་བ་དོན་ཡོད་འདི་ལྟར་སྣོད་ཀྱི་རྐྱེན་དུ་མི་འབབ་ཅིང་སྤྱོད་ཡུལ་གྱི་རྐྱེན་དུ་མི་འབབ་ལ་སྐྱེ་བོ་དང་སྐལ་པ་མ་ལགས
15a8 ཤིང་། དེ་བཞིན་གཤེགས་པ་ཡང་མི་མཐོང་ལ། ཆོས་ཀྱང་རྒྱུན་ཏུ་མི་ཐོས་ཏེ། དགེ་བའི་རྩ་བཱི་ཚོགས་མི་མོད་ལ། སེམས་ཅན་མང་པོ་ཡོངས་སུ་སྨིན་པར་བགྱིར་ཡང་མ་མཆིས་མོད་ཀྱི། འོན་ཀྱང་བདག་ཅག་ལ་ཕན་གཏགས
iiif viewer powered by OpenSeadragon
