| e-texts navigator |
| Wylie |
14b1 སྤངས་ནས་དེ། ། ཁྱད་པར་དུ་ནི་བྱང་ཆུབ་མཆོག་ཏུ་འགྱུར།། ཕ་རོལ་ཕྱིན་དྲུག་འདི་ལ་ལེགས་པར་སྤོབས།། དེ་ལ་བསླབས་ན་བྱང་ཆུབ་ཐོབ་པར་འགྱུར།། ཇི་སྙེད་བསྟན་པ་འདི་ནི་བསྒྲུབ་པར་གྱིས།། ཀུན་མཁྱེན་ཆོས་རྣམས་རིང་པོར།།
14b2 མི་ཐོགས་འཐོག།། མེ་ཏོག་ཁུ་བར་བུང་བ་མི་ཆགས་དང་།། ནམ་མཁའ་ལ་ནི་བྱ་རྗེས་མེད་པ་ལྟར།། ཡུལ་རྣམས་ལ་ནི་གང་སེམས་དེ་འདྲ་བ།། དེ་འདྲ་ནི་རྒྱལ་པོ་སངས་རྒྱས་འགྱུར།། ཟབ་མོའི་བཟོད་དང་སྤོབས་པ་ཐོབ་ནས་འདིར།
14b3 སངས་རྒྱས་རྣམས་ཀྱི་མཛོད་འཛིན་གང་ཡིན་པ།། དེ་དག་ཁྱོད་ཀྱིས་ཆོས་བཞིན་བསྲུང་བར་གྱིས།། མཁས་པ་དེ་འདྲ་སྲོག་ཕྱིར་མ་བཏང་ཤིག། མཁས་པ་དེ་དག་ལ་ནི་གནོད་བྱེད་མི།། ཆོས་དང་མི་ལྡན་བརྩོན་པ་མང་པོ་རྣམས།། དེ
14b4 དག་རྟག་ཏུ་ཁྱོད་ཀྱིས་ཆད་པས་ཆོད། ། ཆོས་ཀྱི་ཚུལ་འདི་མྱུར་དུ་ཉམས་སྔ་རེ།། གང་ཕྱིར་འཇིག་རྟེན་མགོན་པོ་མི་འབྱུང་ན།། མཁས་པ་དེ་དག་འཇིག་རྟེན་སྟོན་པར་འགྱུར།། སྲོག་ཆགས་ཕན་ཕྱིར་ཆོས་སྒྲོན་འབར་བར་བྱེད།། དེ་ཕྱིར་དེ་དག
14b5 དོན་དུ་རྟག་ཏུ་སྒྲིམས། ། བྱང་ཆུབ་སེམས་དཔའ་མང་པོ་བྱེ་བ་སྟོང་།། སྙིང་ནས་སེམས་ཅན་དོན་ནི་སྤྱོད་མི་བྱེད།། དེ་དག་ལྷག་སེམས་མེད་ཅིང་ཚུལ་ཁྲིམས་མཆོག། དེ་དག་ལུང་སྟན་རྒྱལ་བ་གསུང་མི་འགྱུར།། ཇི་སྐད་སྨྲས་པ་དེ་བཞིན
14b6 བྱེད་པ་རྣམས། ། དེ་ལྟར་དེ་དག་སྐྱེ་མེད་སྤྱོད་ཡུལ་ཅན།། རྒྱལ་ཁྱོད་ཡང་དག་སྤྱོད་པ་འདི་ཐོས་ཀྱིས།། ཇི་སྐད་བསྟན་པའི་སྟན་དེར་གནས་པར་བགྱི།། དེ་ནས་རྒྱལ་པོ་ཚངས་པས་བྱིན་གྱིས་བྱང་ཆུབ་སེམས་དཔའ་སེམས་དཔའ་ཆེན་པོ་མཐོང
14b7 བ་དོན་ཡོད་ལ་འདི་སྐད་ཅེས་སྨྲས་སོ། ། མཐོང་བ་དོན་ཡོད་སྐྱོན་འདི་དག་ཐམས་ཅད་ནི་བདག་ལ་མཆིས་པར་གདའ་ལ། ཡོན་ཏན་རྣམས་ནི་མི་གདའོ།། མཐོང་བ་དོན་ཡོད་བདག་ནི་གནོད་པའི་སྔགས་པས་སྤགས་པའོ།། མཐོང་བ་དོན
14b8 ཡོད་བདག་ནི་གཟུ་ལུམས་ཀྱི་ལས་ལ་ལྷག་པར་ཞེན་པའི་ཤས་ཆེ་བ་དང་། ནོར་ཡོངས་སུ་ཚོལ་བ་དང་། འཁོར་ཡོངས་སུ་བསྡུ་བས་བུན་ནས་མནར་སེམས་ཀྱི་སེམས་སྐྱེས་པ་གསལ་བར་རྔོ་མི་ཐོག་གོ།། གཞན་ཡང་བདག་ནི་གཞན
iiif viewer powered by OpenSeadragon
