| e-texts navigator |
| Wylie |
13b1 མོས་པ་དང་། འཁྲུལ་པ་མེད་པར་ཀུན་ཏུ་སྤྱོད་པ་དང་། ཡེ་ཤེས་འདོད་ཅིང་ཡོན་ཏན་གྱི་བྱེད་པར་ལ་ཡིད་ཆེས་པ་དང་། དེ་བཞིན་གཤེགས་པའི་ཕོ་ཉ་དང་། ཉེ་བར་སྤྱོད་པ་དང་། སངས་རྒྱས་ཀྱི་སྣོད་དུ་རུང་བ་དང་། དཀོན་མཆོག་གསུམ་གྱི
13b2 གདུང་སྡུད་པ་དང་། དམ་པའི་ཆོས་འབར་བར་བྱེད་པ་དང་། སྐྱེ་བོ་མང་པོ་ཡོངས་སུ་སྨིན་པར་བྱེད་པ་སྟེ། བཅུ་པོ་དེ་དག་ཡིན་ནོ།། རྒྱལ་པོ་ཆེན་པོ་ཆོས་ལྔ་པོ་འདི་དང་ལྡན་པའི་རྒྱལ་རིགས་སྤྱི་བོ་ནས་དབང་བསྐུར་བའི་རྒྱལ་པོ་ནི་ཇི
13b3 སྐད་སྨོས་པའི་ཡོན་ཏན་འདི་དག་ཐོབ་པར་འགྱུར་རོ། ། དེ་ནས་བྱང་ཆུབ་སེམས་དཔའ་མཐོང་བ་དོན་ཡོད་ཀྱིས་དེའི་ཚེ་ཚིགས་སུ་བཅད་པ་འདི་སྐད་སྨྲས་སོ།། རྒྱལ་པོ་སངས་རྒྱས་ཆོས་དང་དགེ་འདུན་ལ།། རྟག་ཏུ་ལྷག་པའི་བསམ
13b4 པ་གཡོ་མེད་པས། ། དད་པ་དང་ནི་དད་པ་མི་ཕྱེད་པ།། དེ་ལ་ཡོན་ཏན་འདི་དག་དཀོན་པ་མེད།། བཅོས་མ་མ་ཡིན་ཤེས་ནས་དད་པ་སྐྱེས།། དེ་ལ་དངོས་པོ་ཅི་ཡོད་སྲི་བ་མེད།། བྱིན་ནས་ཀྱང་ནི་དེ་ལ་འགྱོད་པ་མེད།། འདིར་ནི་ཡོན་ཏན་དེ
13b5 དག་དད་པའི་མཚན། ། དེ་དག་བསམ་པ་རྟག་ཏུ་རྙོག་པ་མེད།། མི་ཕྱེད་རི་རབ་བཞིན་དུ་བསྐྱོད་དུ་མེད།། བུམ་པ་གང་བ་ལེགས་གནས་མི་གཡོ་ལྟར།། དེ་དག་དད་པ་ཤིན་ཏུ་གཡོ་མེད་པ།། མཐོང་ལ་མ་མཐོང་ཐོས་ལ་མ་ཐོས་པ།། གང
13b6 དག་རི་བཞིན་དུ་ནི་གཡོ་བ་མེད། ། དེ་དག་ལྟ་བུ་དད་པའི་མཚན་ཉིད་དེ།། གནས་རྣམས་ཀུན་ཏུ་རྣམས་ཀྱང་འགྱུར་བ་མེད།། ཞི་བ་འདོད་ཕྱིར་ཆོས་འདོད་གང་ཡིན་པ།། མཁས་པ་དེས་ནི་ཆོས་དོན་ཀུན་སྤོངས་ཤིང་། དེ་སྤངས་ནས་ཀྱང
13b7 དེ་ལ་སེམས་པ་མེད། ། དེ་དག་ཆོས་འདོད་རྣམས་ཀྱི་མཚན་ཉིད་དོ།། སྐྱེ་བོའི་བདག་པོ་གང་ཞིག་ཆོས་འདོད་པ།། གང་ཚེ་ལེགས་པར་གསུངས་པ་མི་ཉན་པ།། ས་བོན་རུལ་བཞིང་ངན་བཏབ་པ་ལྟར།། འདྲེན་པའི་བསྟན་པ་དག་ལ་སྐྱེ་མི
13b8 འགྱུར། ། ཐོས་ཀྱང་འདི་ལ་བདག་ནི་མཁས་སྙམ་སེམས།། ཆོས་རྣམས་རང་བཞིན་ཅི་འདྲ་རྟོགས་སྙམ་སྟེ།། ལྷག་པའི་བསམ་པས་སྤྱོད་པ་མ་དག་ལ།། གཉིས་སེམས་ལྡན་ལ་དག་པ་ག་ལས་འོང་།། ཆོས་འདོད་གང་དག་དྲན་པའི་བློ་དང་།།
iiif viewer powered by OpenSeadragon
