| e-texts navigator |
| Wylie |
104a1 གི་སྟོན་པའ། ། བདག་ནི་སངས་རྒྱས་ཆོས་འཇལ་བས།། དེ་ལ་རྟག་ཏུ་རིམ་ཐོ་བ་གྱིད།། དམ་པའི་ཆོས་རྣམས་ཡོངས་སུ་བསྲུང་།། མགོན་པོ་ཉན་ཐོས་མི་ནུས་ཏེ།། བྱི་དུས་འཇིགས་པ་ཆེན་པོའི་ཚེ།། བདག་གིས
104a2 ཡོངས་སུ་བསྲུང་བར་བགྱི། ། མགོན་པོ་བདག་ཀྱང་དབུགས་དབྱུང་གསོལ།། ལྷ་རྣམས་ཐེ་ཙོམ་བཅད་དུ་གསོལ།། ཐུབ་པ་ཁྱུ་མཆོག་ཁྱོད་འདྲ་བར།། ཇི་སྲིད་ཡུན་གྱིས་འགྲུབ་པར་འགྱུར།། ཀུན་མཁྱེན་ཡེ་ཤེས་མཁས་པ་ཡི།།
104a3 བདེ་བར་གཤེགས་པས་དེ་ལུང་བསྟན།། ད་ནི་ཅི་འདྲ་འདྲ་བར།། ཁྱོད་ཀྱང་རྫོགས་པའི་སངས་རྒྱས་འགྱུར།། བསྐལ་པ་བྱེ་བ་ཕྲག་སྟོང་དང་།། བསྐལ་པ་བྱེ་བ་བརྒྱའི་ཚེ།། འཇིག་རྟེན་དུ་ནི་སངས་རྒྱས་འགྱུར།། མིང་ནི་ཡེ་ཤེས
104a4 འབྱུང་ཞེས་བྱ། ། བྱང་ཆུབ་ཞི་པ་ཐོབ་ནས་ཀྱང་།། བདུད་རྣམས་རབ་ཏུ་བཏུལ་ནས་ནི།། སེམས་ཅན་བྱེ་བ་བརྒྱ་སྟོང་རྣམས།། བྱང་ཆུབ་ལ་ཡང་འགོད་པར་འགྱུར།། དེ་ནས་མི་མཇེད་ཀྱི་བདག་པོ་ཚངས་པས་བཅོམ་ལྡན་འདས་ལ
104a5 འདི་སྐད་ཅེས་གསོལ་ཏོ། ། བཅོམ་ལྡན་འདས་བདག་བསམ་གཏན་ལ་གནས་པ་ཡང་བཏང་སྟེ། རིགས་ཀྱི་བུ་འམ་རིགས་ཀྱི་བུ་མོ་གང་ཆོས་ཀྱི་རྣམ་གྲངས་འདི་ཡང་དག་པར་སྟོན་པ་དེ་ལ་ཆོས་ཉན་དུ་མཆིའོ།། དེ་ཅིའི་སླད་དུ།
104a6 ཞེ་ན། བརྒྱ་བྱིན་དང་ཚངས་པ་ནི་འདི་ལས་སྐྱེས་ཏེ། བཅོམ་ལྡན་འདས་བདག་རིགས་ཀྱི་བུའམ་རིགས་ཀྱི་བུ་མོ་དེ་དག་ལ་བསྙེན་བཀུར་དང་རིམ་གྲོ་བགྱི་བར་སྤྲོའོ།། དེ་དག་ནི་ལྷ་དང་བཅས་པའི་འཇིག་རྟེན་གྱིས་རིམ་གྲོ་བགྱི་བ
104a7 དང་མཆོད་པར་འོས་པ་ལགས་སོ། ། དེ་ནས་ཚངས་པ་མི་འཇེད་ཀྱི་བདག་པོས་བཅོམ་ལྡན་འདས་ལ་ཚིགས་སུ་བཅད་པ་འདི་སྐད་ཅེས་གསོལ་ཏོ།། དགེ་སློང་དང་ནི་དགེ་སློང་མ།། དགེ་བསྙེན་དང་ནི་དགེ་བསྙེན་མ།། གང
104a8 རྣམས་མདོ་སྡེ་འདི་འཛིན་པ། ། སྐྱེ་བོ་ཀུན་གྱི་མཆོད་རྟེན་དེ།། གལ་ཏེ་མདོ་སྡེ་འདི་ལ་ནི།། སེམས་ཅན་གཅིག་འགའ་བཙུད་ན་ཡང་།། འགྲོ་བའི་མགོན་པོ་བདག་སྤྲོའོ།། ཆོས་སྨྲ་བ་ནི་དེ་དག་ལ།། ཁྲི་སྟན་གང་ལ་དེ་མཆིས་ཏེ།།
iiif viewer powered by OpenSeadragon
