| e-texts navigator |
| Wylie |
102b1 ཅད་ཡོངས་སུ་འཛིན་པས་གཟུངས་ཀྱི་སྟོབས་བསྐྱེད་པ་དང་། སངས་རྒྱས་ཀྱི་བྱིན་གྱིས་ཡོངས་སུ་བཟུང་བས་སྤོབས་པའི་སྟོབས་བསྐྱེད་པ་དང་། མངོན་པར་ཤེས་པ་ལྔ་རབ་ཏུ་ཐོབ་པས་ཟབ་མོའི་སྟོབས་བསྐྱེད་པ་དང་། མྱུར་དུ་ཐམས
102b2 ཅད་མཁྱེན་པའི་ཡེ་ཤེས་ཡོངས་སུ་རྫོགས་པས་མི་སྐྱེ་བའི་ཆོས་ལ་བཟོད་པའི་སྟོབས་བསྐྱེད་པ་སྟེ། འཇམ་དཔལ་སྤྱོད་པ་ལ་ཞུགས་པའི་ཆོས་སྨྲ་བ་གང་རིག་པ་དང་སྔགས་ཀྱི་ཚིག་འདི་རབ་ཏུ་འདོན་པ་དེ་ནི་སྟོབས་བསྐྱེད་པ་དེ་བཅུ
102b3 རབ་ཏུ་ཐོབ་པར་འགྱུར་རོ། ། རིག་པ་དང་སྔགས་ཀྱི་ཚིག་བསྟན་པ་འདི་བཅོམ་ལྡན་འདས་ཀྱིས་བཤད་པའི་ཚེ་རྒྱལ་པོ་ཆེན་པོ་བཞི་སྐྲག་ཅིང་བ་སྤུ་ལངས་པར་གྱུར་ཏེ། གཡོག་བརྒྱ་སྟོང་ཕྲག་དུ་མ་དང་བཅོམ་ལྡན་འདས་ག་ལ་བ་དེར་དོང
102b4 ནས་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཐལ་མོ་སྦྱར་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་ཅག་རྒྱལ་པོ་ཆེན་པོ་བཞི་པོ་དག་ནི་རྒྱུན་དུ་ཞུགས་པ། དེ་བཞིན
102b5 གཤེགས་པའི་བཀའ་སྒྲུབ་པར་བགྱིད་པ་སྟེ། གཉེན་བཤེས་དང་བཅས། འཁོར་དང་བཅས། རིགས་ཀྱི་བུ་དང་། རིགས་ཀྱི་བུ་མོ་ཆོས་སྨྲ་བ་དང་ཆོས་སྟོན་པ་གང་མདོ་སྡེ་འདི་ལྟ་བུ་འདི་འཆང་བ་དང་། ཀློག་པ་དེ་དག་ལ་བཅོམ་ལྡན་འདས
102b6 བདག་ཅག་རྒྱལ་པོ་བཞིས་བསྲུང་བ་དང་། བསྐྱབ་པ་དང་། སྦ་བར་བགྱིའོ།། དེ་དག་གྲོང་ངམ། གྲོང་ཁྱེར་རམ། ལྗོངས་སམ། ལྗོངས་ཀྱི་ཕྱོགས་གང་ན་གནས་ཀྱང་རུང་། ཁྱིམ་པ་འམ། རབ་ཏུ་བྱུང་བ་ཡང་རུང་སྟེ། བཅོམ་ལྡན་འདས་བདག
102b7 ཅག་རྒྱལ་པོ་བཞི་སྟོབས་དང་བཅས། འཁོར་དང་བཅས་པས་རིགས་ཀྱི་བུའམ་རིགས་ཀྱི་བུ་མོ་དེ་དག་གི་རིམ་གྲོ་བགྱི་བར་བདག་ཅག་སྤྲོའོ།། བསྲུང་བ་དང་། བསྐྱབ་པ་དང་། སྤྲོ་བ་དང་། སྤོབས་པ་དང་། གཞན་གྱིས་གནོད་པར་མི
102b8 བགྱི་ཞིང་མི་གཙེ་བར་བགྱི་བའི་སླད་དུ་བདག་ཅག་སྤྲོའོ། ། བཅོམ་ལྡན་འདས་ཕྱོགས་གང་ན་ཆོས་ཀྱི་རྣམ་གྲངས་འདི་རབ་ཏུ་སྤྱོད་པར་འགྱུར་བའི་ས་ཕྱོགས་དེར་དཔག་ཚད་བརྒྱ་ཁོ་ར་ཁོར་ཡུག་ཏུ་ལྷ་འམ། ཀླུ་འམ། གནོད་སྦྱིན་ནམ།
iiif viewer powered by OpenSeadragon
