| e-texts navigator |
| Wylie |
102a1 བཞིན་དང་ལྡན་པ། མི་རྒོད་པ། ཁེངས་པ་མེད་པ། སེམས་མ་གཡེངས་པ། ཀུན་ཏུ་སྦྱོར་བ་གཙང་བ། སྩོགས་པ་དང་བྲལ་བ། ཆོག་ཤེས་པ། པས་མཐའི་གནས་ལམ་ལ་མངོན་པར་དགའ་བ། འདུ་འཛི་ཉུང་བ། ལུས
102a2 དང་སེམས་དབེན་པ། བྱམས་པ་དང་། སྙིང་རྗེ་ལ་མངོན་པར་དགའ་བ། ཆོས་ལ་དགའ་ཞིང་མོས་པ། བདེན་པའི་ཚིག་ལ་རབ་ཏུ་གནས་པ། མི་སྲུབ། ནང་དུ་ཡང་དག་འཇོག་ལ་མངོན་པར་དགའ་བ། ཚུལ་བཞིན་དུ་ཡིད་ལ་བྱེད་པ་ལ་བརྩོན་པ
102a3 ཚུལ་མ་ཡིན་པ་ཡིད་ལ་བྱེད་པ་དང་བྲལ་བ། སྦྱངས་པའི་ཡོན་ཏན་དང་། ཡོ་བྱད་བསྙུངས་པ་ལ་མངོན་པར་དགའ་བ། རྙེད་པ་མ་རྙེད་པ་ལ་སེམས་མཉམ་པ། མྱ་ངན་ལས་འདས་པ་ལ་མངོན་དུ་ཕྱོགས་པ། འཁོར་བས་འཇིགས་ཤིང
102a4 སྐྲག་པ། སྡུག་པ་དང་མི་སྡུག་པ་ལ་སེམས་མཉམ་པ། འདུ་ཤེས་སྣ་ཚོགས་དང་བྲལ་བ། ལུས་དང་སྲོག་འདོར་བ་དང་། དངོས་པོ་ཐམས་ཅད་ལ་མི་ལྟ་བ། སྤྱོད་པ་དང་། ཆོ་ག་ཕུན་སུམ་ཚོགས་པ། ཚུལ་ཁྲིམས་དང་སྡོམ་པ་ལ་མངོན་པ་དགལ
102a5 པ། བཟོད་པ་དང་ངེས་པ་མེད་པ། ངན་དུ་ཟེར་བ་བཟོད་པའི་རང་བཞིན་ཅན། བརྩོན་འགྲུས་བརྩམས་པ། སེམས་ཅན་ཐམས་ཅད་ཀྱི་བྱ་བ་ཅི་ཡོད་ཅེས་བྱ་བ་ལ་བརྩོན་པ། བཞིན་འཛུམ་པ། ཁྲོ་གཉེར་དང་བྲལ་བ། གསོད་པོར་སྨྲ་བ། ང་རྒྱལ་བཅོམ
102a6 པ། དེས་པ། འགྲོགས་ན་བདེ་བ། དེ་ལྟ་བུའི་སྤྱོད་པ་ལ་རབ་ཏུ་གནས་པའི་རིགས་ཀྱི་བུ་འམ་རིགས་ཀྱི་བུ་མོས། འཇམ་དཔལ་སྔགས་ཀྱི་ཚིག་འདི་རབ་ཏུ་གདོན་པར་བྱའོ།། འཇམ་དཔལ་དེ་ལྟར་ན་ཆོས་སྨྲ་བ་དེ་ཚེ་འདི་ཉིད་ལ་སྟོབས་བསྐྱེད་པ
102a7 བཅུ་རབ་ཏུ་འཐོབ་བོ། ། བཅུ་གང་ཞེ་ན། མི་བརྗེད་པའི་ཆོས་ཉིད་པས་དྲན་པའི་སྟོབས་བསྐྱེད་པ་དང་། ཆོས་རབ་ཏུ་འབྱེད་པ་ལ་མཁས་པས་བློ་གྲོས་ཀྱི་སྟོབས་བསྐྱེད་པ་དང་། མདོ་སྡེའི་ཚུལ་ཁོང་དུ་ཆུད་པས་རྟོགས་པའི་སྟོབས་བསྐྱེད་པ་དང
102a8 སྡོམ་པ་དང་། སྤྱོད་པ་མི་གཏོང་བས་དད་པའི་སྟོབས་བསྐྱེད་པ་དང་། བདག་དང་གཞན་སྲུང་བས་ངོ་ཚ་ཤེས་ཤིང་ཁྲེལ་ཡོད་པའི་སྟོབས་བསྐྱེད་པ་དང་། ཤེས་རབ་ཡོངས་སུ་རྫོགས་པས་ཐོས་པའི་སྟོབས་བསྐྱེད་པ་དང་། ཐོས་པ་ཐམས
iiif viewer powered by OpenSeadragon
