| e-texts navigator |
| Wylie |
101b1 གྱིས་རླབ་པ་དང་། ཡུན་རིང་དུ་གནས་པར་བྱ་བའི་ཕྱིར་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། གྲུལ་བུམ་འབེབས་པ་ཞེས་བྱ་བའི་རིག་པ་དང་སྔགས་ཀྱི
101b2 ཚིག་འདི་བཤད་ཀྱིས་ཉོན་ཅིག། རིག་པ་དང་སྔགས་ཀྱི་ཚིག་དེ་བཅངས་པས་རིགས་ཀྱི་བུའམ་རིགས་ཀྱི་བུ་མོ་ཆོས་སྨྲ་བ་དེ་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་།
101b3 ལྟོ་འཕྱེ་ཆེན་པོ་དང་། གྲུལ་བུམ་རྣམས་ཀྱིས་ཡོངས་སུ་སྲུང་བ་རབ་ཏུ་ཐོབ་སྟེ། རིགས་ཀྱི་བུ་འམ་རིགས་ཀྱི་བུ་མོ་དེ་དག་ལམ་འམ། ལམ་ལོག་པར་སོང་ངམ། གཙུག་ལག་ཁང་དུ་སོང་ངམ། གནས་ཁང་དུ་སོང་ངམ། འཆག་པ
101b4 ལ་ཞུགས་སམ། འཁོར་གྱི་ནང་དུ་སོར་ཡང་རུང་སྟེ་སྲུང་བར་བྱེད་དོ།། སྤོབས་པ་སྐྱེད་པར་བྱེད། དྲན་པ་དང་། བློ་གྲོས་དང་། རྟོགས་པའི་སྟོབས་བསྐྱེད་པ་ཉེ་བར་སྦྱོར་ཏེ། དེ་ལ་ཕ་རོལ་གྱི་རྒོལ་བ་འམ། ཕས་ཀྱི་ས་དགྲ་གླགས་ཚོལ་བ
101b5 དག་གིས་གླགས་ཀྱང་རྙེད་པར་མི་འགྱུར་རོ། ། དེ་དྲན་བཞིན་ཤེས་བཞིན་དུ་ལྡང་བར་འགྱུར། འཆག་པར་འགྱུར། འདུག་པར་འགྱུར། ཉལ་བར་འགྱུར་རོ།། འཇམ་དཔལ་དེ་ལ་རིག་པ་དང་སྔགས་ཀྱི་ཚིག་དེ་དག་གང་ཞེ་ན། འདི
101b6 ལྟ་སྟེ། ཨུད་དྷུ་རེ། དྷུ་དྷུ་རེ། མན་ཏེ། ཙ་ཏ་མ། གོ་ཙ་རེ། ཤཱི་ལ་ལི། ཧི་ལི་མི་ལཾ། ཐི་ལི། ཐི་མི་ལི། ཧུ་ལུ་ཧུ་ལུ་ཧུ་ལུ། ཨེ་བད་ཏེ། བེ་ཏ་ཊ། ཁ་ཁ་རེ། ཁ་ར། ཁ་ར་ཀེ། ཨ་སན་ནེ། ཛ་ག་ཏི། མ་ཧི་ལེ། མ་ནུཥ། ཏ་ནེ་མ་ན་སེ། བ་ར་གན
101b7 དྷིདྷེ། སརྦ་རུཏེ། ར་བ་བ་ག་ཏེ། སིན་དྷུ་ལེ། ན་མོ་བྷུད་དྷ་བྷྱཿཙ་དིར་ཏྲེ། ན་མོ་དྷརྨཱ་ཡ་ནིརྒ་ཏ་ནི། ན་མཿསཾ་གྷཱ་ཡ། བྷ་ཧ་ཏ་པཱ་བེ་བྷཱ་པ་ཤ་ཏ་ནི། སརྦ་པཱ་པ་ནི་མེ་ཏྲེ་མེ། སརྦ་བུད་དྷེ་བྷྱཿསཏྱ་ནིར་དེ་ཤ་བྲཧྨ་བ་ཐོ། མ་ཧཱ་རི་ཥི་བྷི། པྲ་ཤྩ
101b8 སྟ་ཏད་ཏྲ་ཏིཥྛ་ན་ཏེ། སརྦ་བྷཱུ་ཏ་གྲཱ་ཧ། ན་མཿསརྦ་བུད་དྷི་བྷྱཿསིདྷན་ཏུ་མེ་མན་ཏྲ་པ་དཱ་སྭཱ་ཧཱ།། །། འཇམ་དཔལ་རིག་པ་དང་སྔགས་ཚིག་འདི་བྱང་ཆུབ་སེམས་དཔའ་གང་ཆོས་ཀྱི་རྣམ་གྲངས་འདི་ལ་བརྩོན་པ། རྟག་ཏུ་ཤེས
iiif viewer powered by OpenSeadragon
