| e-texts navigator |
| Wylie |
100b1 དེའི་བར་དུ་སངས་རྒྱས་འབྱུང་བ་དེ་དག་ཐམས་ཅད་ལ་ཡང་མཉེས་པར་བྱེད་པར་འགྱུར། བཀུར་སྟིར་བྱེད་པར་འགྱུར་ཏེ། སངས་རྒྱས་བཅོམ་ལྡན་འདས་དེ་དག་ལས་ཆོས་ཀྱི་རྣམ་གྲངས་འདི་ཡང་ཐོས་པར་འགྱུར་རོ།། ཚངས་པ
100b2 དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་གང་དག་གིས་ཀྱང་ཆོས་ཀྱི་རྣམ་གྲངས་འདི་ལ་བཟོད་པ་རབ་ཏུ་ཐོབ་པ་དེ་དག་ཐམས་ཅད་དེ་བཞིན་གཤེགས་པ་རིན་པོ་ཆེ
100b3 བཀོད་པའི་སངས་རྒྱས་ཀྱི་ཞིང་འཇིག་རྟེན་གྱི་ཁམས་རིན་ཆེན་ལྡན་དུ་སྐྱེ་བར་འགྱུར་རོ། ། དེ་ནས་བཅོམ་ལྡན་འདས་ལ་ལྷའི་བུ་དྲི་མ་མེད་པའི་ཏོག་གིས་འདི་སྐད་ཅེས་གསོལ་ཏོ།། བཅོམ་ལྡན་འདས་གང་བདག་ནི་བྱང་ཆུབ་མི
100b4 འཚལ། མི་སྨོན། མངོན་པར་མི་དགའ། མངོན་པར་མ་ཆགས། མི་དམིགས། མི་སེམས། མི་རྟོག། རྣམ་པར་མི་རྟོག་ན་ཅིའི་སླད་དུ་བཅོམ་ལྡན་འདས་ཀྱིས་བདག་ལ་ལུང་བསྟན། བཅོམ་ལྡན་འདས་ཀྱིས་བཀའ་སྩལ་པ། ལྷའི་བུ
100b5 འདི་ལྟར་སྐྱེས་བུ་ལ་ལ་ཞིག་གིས་རྩཝ་དང་། ཤིང་དང་ཡལ་ག་དང་། ལོ་མ་དང་མདབ་མ་དག་མེར་བཅུག་ནས་འདི་སྐད་དུ་རྩཝ་དང་ཤིང་དང་། ཡལ་ག་དང་། ལོ་མ་དང་། མདབ་མ་དག་མ་ཚིག་ཅེས་སྨྲས་ན། དེ་དེའི་དབང་གིས་མི་འཚིག
100b6 བ་མ་ཡིན་ནོ། ། ལྷའི་བུ་དེ་བཞིན་དུ་འདི་ལྟར་བྱང་ཆུབ་སེམས་དཔའ་བྱང་ཆུབ་ལ་མངོན་པར་མི་དགའ། མངོན་པར་མ་ཆགས། མི་དམིགས། མི་འདོད། མི་སྨོན། མི་སེམས། རྣམ་པར་མི་རྟོག་ཀྱང་། སངས་རྒྱས་ཐམས་ཅད་ལུང་སྟོན་ཏེ།
100b7 ལྷའི་བུ་འོན་ཀྱང་བྱང་ཆུབ་སེམས་དཔའ་གང་བྱང་ཆུབ་ལ་མངོན་པར་མི་དགའ། མངོན་པར་མ་ཆགས། མི་དམིགས། མི་འདོད། མི་སྨོན། མི་སེམས། རྣམ་པར་མི་རྟོག་པ་དེ་ལ་དེ་བཞིན་གཤེགས་པ་ལུང་སྟོན་ཏོ།། དེ་ནས་འཁོར་དེར།།
100b8 ལྷའི་བུ་ལྔ་བརྒྱ་ཙམ་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་ཅག་ཀྱང་བྱང་ཆུབ་ལ་མངོན་པར་མི་དགའ།། མངོན་པར་མ་ཆགས། མི་དམིགས། མི་འཚལ། མི་སྤྲོ་ན། མི་རྟོག། རྣམ་པར་མི་རྟོག
iiif viewer powered by OpenSeadragon
