| e-texts navigator |
| Wylie |
93b1 ཐམས་ཅད་སོགས་པའོ།། ཡངས་སུ་བསྔོ་བདག་པ་ནི་གང་ཐེག་པ་ཐམས་ཅད་ལ་ཡང་དག་པར་གཞོལ་བས་ཉན་ཐོས་དང་རང་སངས་རྒྱས་ཐམས་ཅད་ཀྱི་ཡིད་ལ་བྱེད་པ་དང་བྲལ་བར་དག་པའི་རྩ་བ་ད་དག་ཟག་པ་ཅན་པར་ཡོངས་སུ
93b2 བསྔོ་བའོ། ། ཤེས་རབ་དག་པ་ནི་གང་བག་ཆགས་ཀྱི་མཚམས་སྦྱོར་བར་གྱུར་པའི་ཉོན་མོངས་པ་ཐམས་ཅད་ཡང་དག་པར་འཇོམ་པའོ།། ཐབས་དག་པ་ནི་སེམས་ཅན་གང་དག་ཡོངས་སུ་སྨིན་པར་བྱེད་པ་དེ་དག་དོན་འཐུན་པས
93b3 ཐེག་པ་ཆེན་པོ་ཡང་དག་པར་འཛིན་དུ་འཇུག་པའོ། ། གཞན་ཡང་དགེ་བའི་རྩ་བདག་པ་འདི་ལྟ་སྟེ། ལོངས་སྤྱོད་མི་ཟད་པ་དང་ལག་ན་རིན་པོ་ཆེའོ།། ཡོངས་སུ་བསྔོ་བདག་པ་ནི་གང་སེམས་ཅན་ཐམས་ཅད་དང་། སློབ་པ་དང་མི་སློབ
93b4 པདང་། རང་སངས་རྒྱས་ཐམས་ཅད་དང་། བྱང་ཆུབ་སེམས་དཔའ་ཐམས་ཅད་དང་། སངས་རྒྱས་ཐམས་ཅད་ཀྱི་དགེ་བའི་རྩ་བ་རྣམས་ཡོངས་སུ་བསྔོ་བ་དེས་ཡོངས་སུ་འཛིན་ཅིང་ཡང་དག་པར་འཇུག་པའོ།། ཤེས་རབ་དག་པ་ནི
93b5 གཟུངས་ཀྱི་ཕྱག་རྒྱས་བཏབ་ནས་སངས་རྒྱས་ཐམས་ཅད་ཀྱིས་གསུངས་པ་ཀུན་ཏུ་འཛིན་ཅིང་ཆུད་མི་ཟ་བར་བྱེད་པའོ། ། ཐབས་དག་པ་ནི་གང་སྤོབས་པ་རྒྱུན་མི་འཆང་པ་དང་། སྤོབས་པ་ཆགས་པ་མེད་པ་དང་། ཆོས་བསྟན་པ་དོན
93b6 ཡོད་པས་ལེགས་པར་བཤད་པས་སེམས་ཅན་ཐམས་ཅད་ཡང་དག་པར་ཚིམ་པར་བྱེད་དོ། ། བློ་གྲོས་རྒྱ་མཚོ་གཞན་ཡང་དགེ་བའི་རྩ་བ་དག་པ་ནི་གང་ཚེ་རབས་ཚེ་རབས་དག་ཏུ་བྱང་ཆུབ་ཀྱི་སེམས་མི་བརྗེད་པའོ།། ཡོངས་སུ་བསྡུ
93b7 བདག་པ་ནི་གང་བྱང་ཆུབ་ཀྱི་སེམས་མ་བརྗེད་པར་དགེ་བའི་རྩ་བ་ཐམས་ཅད་ཐམས་ཅད་མཁྱེན་པ་ཉིད་དུ་ཡོངས་སུ་བསྔོ་བའོ། ། ཤེས་རབ་དག་པ་ནི་གང་མི་གནས་པའི་དགེ་བའི་རྩ་བ་དེ་བྱང་ཆུབ་ཀྱི་སེམས་སུ་ཤེས་པའོ།།
93b8 ཐབས་དག་པ་ནི་བྱང་ཆུབ་ཀྱི་སེམས་མཉམ་པ་ཉིད་ཕ་རོལ་ཁོང་དུ་ཆུད་པར་བྱ་བའི་ཕྱིར་ཡང་དག་པར་འཛིན་དུ་འཇུག་པའོ།། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་བློ་གྲོས་རྒྱ་མཚོས་འདི་སྐད་ཅེས་གསོལ་ཏོ།།
iiif viewer powered by OpenSeadragon
