| e-texts navigator |
| Wylie |
90a1 པར་བྱའོ། ། ཐམས་ཅད་མཁྱེན་པ་ཉིད་དུ་ཡོངས་སུ་བསྔོས་པའི་བྱང་ཆུབ་སེམས་དཔའ་ནི་ཆོས་ཟབ་མ་རྣམས་ལ་ཡང་སྟོད་ལ་བར་སྐབས་སུ་ཡང་དག་པའི་མཐའ་མངོན་སུམ་དུ་མི་བྱེད།། ཡོང་སུ་བསྔོབ་ལསན་པ་བྱ་སྙ་བུའོ།
90a2 དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་བློ་གྲོས་རྒྱ་མཚོས་འདི་སྐད་ཅེས་གསོལ་ཏོ།། བཅོམ་ལྡན་འདས་བྱང་ཆུབ་སེམས་དཔའ་གང་འཁྲུལ་པ་འདི་སྐད་ཅིག་བསྲུང་ཡང་འཁྲུལ་བར་མི་འགྱུར་བ་ནི་བཀྱེ་དཀའ་བ་བགྱིད་པའོ།།
90a3 བཅོམ་ལྡན་འདས་དེ་ལྟ་ལགས་ཀྱིས་ཀྱང་བྱང་ཆུབ་སེམས་དཔས་ཐམས་ཅད་དུ་ཡོངས་སུ་བསྔོ་བ་ལ་མཁས་པ་དང་། ཐབས་ལ་མཁས་པ་འཚལ་བར་བགྱིའོ།། དེ་ཅིའི་སླད་དུ་ཞེ་ན། བཅོམ་ལྡན་འདས་ཐབས་ཀྱིས་ནི་བྱང་ཆུབ་སེམས་དཔའ
90a4 བསམ་གཏན་དང་རྣམ་པར་ཐར་པ་དང་ཏིང་ངེ་འཛིན་དང་སྙོམས་པར་འཇུག་པ་ལ་སྙོམས་པར་ཞུགས་ཀྱང་བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་སྙོམས་པར་འཇུག་པ་རྣམས་ཀྱིས་འཁྲུགས་པར་མི་འགྱུར་ཏེ།།
90a5 ཐབས་མཁས་པ་དེས་བགྱི་བ་ཐམས་ཅད་ཀྱང་སྟོན་ལ་བཀྱེ་བར་ལྟུང་བར་ཡང་མི་འགྱུར། ཆོས་མཉམ་པ་ཉིད་ལ་ཡང་གནས་ལ་སེམས་ཅན་ལོག་པ་ཉིད་དུ་མཆིས་པ་རྣམས་ལ་ཡང་དག་པ་ཉིད་ཀྱི་ངེས་པར་གྱུར་པའི་སླད་དུ
90a6 ཆོས་ཀྱང་སྟོན་ཅིང་བསམ་པ་ཡོངས་སུ་མ་རྫོགས་ཀྱི་བར་དུ་བདག་ངེས་པར་གྱུར་པ་དེར་ཡང་མི་ལྷུང་ངོ་། ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་བློ་གྲོས་རྒྱ་མཚོལ་འདི་སྐད་ཅེས་བཀའ་སྩལ
90a7 ཏོ། ། བློ་གྲོས་རྒྱ་མཚོ་དེ་དེ་བཞིན་ནོ།། ཇི་སྐད་དུ་སྨྲས་པ་བཞིན་ཏེ། བྱང་ཆུབ་སེམས་དཔས་ཐམས་ཅད་དུ་ཐབས་ལ་མཁས་པ་འདོད་པར་བྱའོ།། དེ་ཅིའི་ཕྱིར་ཞེ་ན། བློ་གྲོས་རྒྱ་མཚོ་ཐབས་ལ་མཁས་པའི་བྱང་ཆུབ་སེམས་དཔའ་ལ་བྱང་ཆུབ
90a8 ཡོད་ཀྱི་ཐབས་ལ་མེ་མཁས་པ་ལ་ནི་བྱང་ཆུབ་མེད་དོ། ། བློ་གྲོས་རྒྱ་མཚོ་འདི་ལྟ་སྟེ། དཔེར་ན། སྣོད་གཅིག་གི་ནང་དུ་ཚོན་སྣ་གསུམ་སྟེ། སྣ་གཅིག་ནི་ཁ་དོག་སྔོན་པོ། སྣ་གཅིག་ནི་ཁ་དོག་དམར་པོ། སྣ་གཅིག་ནི་ལ་དོག་གསེར་གྱི་མ་དོག་ལྟ་བུ།
iiif viewer powered by OpenSeadragon
