| e-texts navigator |
| Wylie |
86b1 རིགས་དང་རུས་དང་། ཆོས་ཉིད་དུ་ལས་མི་ལེན་ཏོ།། དེ་ཅིའི་ཕྱིར་ཞེ་ན། དེའི་མིག་ནི་ཤེས་རབ་ཀྱིས་རྣམ་པར་ལྟ་བའོ།། ཤེས་རབ་ལ་གནས་པའོ།། ཤེས་རབ་ཏུ་ཡང་དག་པར་འདུ་བའོ།། ཤེས་རབ་ཀྱང་རྒྱབ་མེད་པའི་སྤྲོས་པ་མེད་པ་སྟེ། དེ་ནི
86b2 མཐོང་བ་ཡང་མ་ཡིན། མི་མཐོང་བ་ཡང་མ་ཡིན་ནོ།། དེ་ཅིའི་ཕྱིར་ཞེ་ན། མཐོང་བ་དང་མི་མཐོང་བ་དེ་གཉི་ག་ཡང་མཐའ་སྟེ། མཐོང་བ་དང་མ་མཐོང་བའི་མཐའ་གཉིས་དང་བྲལ་བ་ནི་སངས་རྒྱས་མཐོང་བའོ།། གང་སངས་རྒྱས་མཐོང་བ་དེ་བདག
86b3 མཐོང་བ་སྟེ། བདག་མཐོང་བ་རྣམ་པར་དག་པས་སངས་རྒྱས་མཐོང་བ་རྣམ་པར་དག་པ། སངས་རྒྱས་མཐོང་བ་རྣམ་པར་དག་པས་ཆོས་ཐམས་ཅད་མཐོང་བ་རྣམ་པར་དག་པར་ཁོང་དུ་ཆུད་པར་བྱའོ།། གང་མཐོང་བ་རྣམ་པར་དག་པ་དེ་ལ
86b4 ཡེ་ཤེས་མཐོང་བ་འདི་ནི་སངས་རྒྱས་མཐོང་བ་ཞེས་བྱའོ། ། བློ་གྲོས་རྒྱ་མཚོངས་ཀྱང་དེ་བཞིན་གཤེགས་པ་མར་མེ་མཛད་དེ་ལྟར་མཐོང་སྟེ། མཐོང་མ་ཐག་ཏུ་ངས་ཐོབ་པ་མེད་པ་དང་མི་དམིགས་པའི་ཚུལ་གྱིས་མི་སྐྱེ་བའི་ཆོས་ལ
86b5 བཟོད་པ་ཐོབ་པོ། ། བཟོད་པ་ཐོབ་མ་ཐག་ཏུ་ངས་ལས་ཤིང་ཏ་ལ་བདུན་ཙམ་དུ་འཕགས་ཏེ། ང་ནམ་མཁའི་དཀྱིལ་དེ་ལ་གནས་ནས་ཐམས་ཅད་མཁྱེན་པའི་ཡེ་ཤེས་ཀྱི་འབྱོར་པ་ལ་རྣམ་པར་བརྟགས། ལྟ་བར་གྱུར་པ་ཐམས་ཅད་ཡང
86b6 དག་པར་ཆད། རྟོག་པ་དང་རྣམ་པར་རྟོག་པ་དང་ཡོངས་སུ་རྟོག་པ་ཐམས་ཅད་ལས་ཤིན་ཏུ་འདས་ཤིང་རྣམ་པར་ཤེས་པ་ཡུལ་ཐམས་ཅད་ལ་མི་གནས་ཏེ་ཏིང་ངེ་འཛིན་དྲུག་ཁྲི་མངོན་སུམ་དུ་གྱུར་ནས། བཅོམ་ལྡན་འདས་དེ་བཞིན
86b7 གཤེགས་པ་མར་མ་མཛད་དེས་ང་ལ་བྲམ་ཟེའི་ཁྱེའུ་ཁྱོད་མ་འོངས་པའི་དུས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བར་འགྱུར་རོ་ཞེས་ལུང་བསྟན་ཏོ།། ལུང་བསྟན
86b8 པའི་བསྟན་པ་དེ་ཡང་ངདེའི་རྣ་བའི་དབང་པོ་ལ་གྲག་པར་ཡང་མ་གྱུར། ཡེ་ཤེས་གཞན་དུ་རིག་པར་ཡང་མ་གྱུར། ངཀུན་དུ་རྨོངས་པར་ཡང་མ་གྱུར། དམིགས་པ་ལྟ་བ་ལ་གནས་པ་ཡང་མེད། ང་སངས་རྒྱས་ལ་སངས་རྒྱས་སུ་འདུ
iiif viewer powered by OpenSeadragon
