| e-texts navigator |
| Wylie |
85b1 འདས་སངས་རྒྱས་བྱུང་བ་ནི་བྱམས་པ་བྱུང་བའོ། ། སྙིང་རྗེ་བླང་བའོ།། དགའ་བ་བྱུང་བའོ།། བཏང་སྙོམས་བྱུང་བའོ།། དོན་བྱུང་བའོ།། དེ་བ་བྱུང་བའོ།། ཆོས་བྱུང་བའོ།། བཅོམ་ལྡན་འདས་སངས་རྒྱས་བྱུང་བ་ནི་ཡང་དག་པར་དགའ་བར་འགྱུར་བའི་ཆོས
85b2 མུ་བའོ། ། དྲན་པ་ཉེ་བར་གཞག་པ་བྱུང་བའོ།། ཡང་དག་པར་སྤོང་བ་བྱུང་བའོ།། རྫུ་འཕྲུལ་གྱི་རྐང་པ་བྱུང་བའོ།། དབང་པོ་བྱུང་བའོ།། སྟོབས་བྱུང་བའོ།། བྱང་ཆུབ་ཀྱི་ཡན་ལག་བྱུང་བའོ།། མ་བྱུང་བའོ།། ཞི་གནས་བྱུང་བའོ།། ལྷག་མཐོང་བྱུང་བའོ།།
85b3 མངོན་པར་ཤེས་པ་བྱུང་བའོ།། རིག་པ་བྱུང་བའོ།། རྣམ་པར་གྲོལ་བ་བྱུང་བའོ།། བཅོམ་ལྡན་འདས་སངས་རྒྱས་བྱུང་བ་ནི་མི་དགེ་བའི་ཆོས་ཐམས་ཅད་སྤོང་བ་དང་དགེ་བའི་ཆོས་ཐམས་ཅད་བྱུང་བའོ།། དེ་ནས་བྱང་ཆུབ་སེམས་དཔའ་སེམས་དཔའ
85b4 ཆེན་པོ་ཤེས་རབ་བརྩེགས་ཤེས་བྱ་བ་འཁོར་དེ་ཉིད་དུ་འདུས་པར་གྱུར་ཏེ་འདུག་པ་དེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་ཀྱིས་གསུངས་པའི་དོན་ཇི་ལྟར་བདག་གིས་འཚལ་བ་ལྟར་ན་བདག་འདི་སྙམ་བགྱིད་དེ
85b5 བཅོམ་ལྡན་འདས་འདི་ལྟར་སངས་རྒྱས་བྱུང་བ་ནི་འཇིག་ཚོགས་ལ་ལྟ་བ་བྱུང་བའོ། ། བཅོམ་ལྡན་འདས་སངས་རྒྱས་བྱུང་བ་ནི་མ་རིག་པ་དང་སྲིད་པ་དང་སྲེད་པ་བྱུང་བའོ།། བཅོམ་ལྡན་འདས་སངས་རྒྱས་བྱུང་བ་ནི་འདོད་ཆགས་དང་ཞེ་སྡང་དང
85b6 གཏི་མུག་བྱུང་བའོ། ། བཅོམ་ལྡན་འདས་སངས་རྒྱས་བྱུང་བ་ནི་ཕྱིན་ཅི་ལོག་བཞི་བྱུང་བའོ།། བཅོམ་ལྡན་འདས་སངས་རྒྱས་བྱུང་བ་ནི་སྒྲིབ་པ་ལྔ་བྱུང་བའོ།། བཅོམ་ལྡན་འདས་སངས་རྒྱས་བྱུང་བ་ནི་སྐྱེ་མཆེད་དྲུག་བྱུང་བའོ།། བཅོམ་ལྡན
85b7 འདས་སངས་རྒྱས་བྱུང་བ་ནི་རྣམ་པར་ཤེས་པའི་གནས་བདུན་བྱུང་བའོ། ། ལོག་པ་ཉིད་བརྒྱད་བྱུང་བའོ།། ནོད་པའི་དངོས་པོ་དགུ་བྱུང་བའོ།། བཅོམ་ལྡན་འདས་སངས་རྒྱས་བྱུང་བ་ནི་མི་དགེ་བ་བཅུའི་ལས་ཀྱི་ལམ་བྱུང་བའོ།། དེ་ཅིའི་སླད་དུ་ཞེ་ན།
85b8 བཅོམ་ལྡན་འདས་སྡིག་པ་མི་དགེ་བའི་ཆོས་དེ་དག་སྤང་བའི་སླད་དུ་སངས་རྒྱས་བྱུང་བ་ལགས་ཀྱི་བཅོམ་ལྡན་འདས་སངས་རྒྱས་བྱུང་བ་གཉེན་པོས་རབ་ཏུ་ཕྱེ་བ་ནི་མ་ལགས་ཏེ། བཅོམ་ལྡན་འདས་སངས་རྒྱས་བྱུང་བ་ནི་གཉེན་པོ
iiif viewer powered by OpenSeadragon
