| e-texts navigator |
| Wylie |
84a1 དེ་དག་ནི་མི་ཕྱེད་པའི་ཚིག། སྙིང་པོའི་ཚིག། མཉམ་པའི་ཚིག། བདེན་པའི་ཚིག། བརྟན་པའི་ཚིག། ཐ་དད་པ་མེད་པའི་ཚིག། རྗེས་སུ་འགྲོ་བའི་ཚིག། རྒྱུན་ཆད་པ་མེད་པའི་ཚིག། ཞི་བ་དང་རབ་ཏུ་ཞི་བ་དང་ཉེ་བར་ཞི་བའི།
84a2 ཚིག། སྐྱོན་དུ་བྱ་བ་མེད་པའི་ཚིག། སྒྲོ་བཏགས་པ་མེད་པའི་ཚིག། འགྲོ་བ་མེད་པ་རྟོགས་པ་ལ་འཇུག་པའི་ཚིག། འགྲོ་བ་མེད་པའི་ཚིག། དེ་ཁོ་ནའི་ཚིག། ཡང་དག་པའི་ཚིག། སངས་རྒྱས་དང་མི་འགལ་བའི་ཚིག། ཆོས་མི་སྤོང་བའི
84a3 ཚིག། དགེ་འདུན་ཡོངས་སུ་སྡུད་པའི་ཚིག། ཇི་ལྟ་བ་བཞིན་གྱི་ཚིག། འཁོར་གསུམ་ཡོངས་སུ་དག་པའི་ཚིག། དཔའ་བའི་ཚིག། ཚངས་པའི་ཚིག། གཡོ་བ་མེད་པའི་ཚིག། ནམ་མཁའ་དང་མཉམ་པའི་ཚིག། བྱང་ཆུབ་ཀྱི
84a4 རྗེས་སུ་འགྲོ་བའི་ཚིག། མཚན་མ་མེད་པའི་ཚིག། ཆོས་ཀྱི་མཚན་ཉིད་མཚན་ཉིད་མེད་པའི་ཚིག། སེམས་དང་ཡིད་དང་རྣམ་པར་ཤེས་པ་ལ་མི་གནས་པའི་ཚིག། བདུད་དང་ཕྱིར་རྒོལ་བ་བཅོམ་པའི་ཚིག། དག་ཅིང་དྲི་མ་མེད།
84a5 ལ་འོད་གསལ་བའི་ཚིག། བྱང་ཆུབ་ལ་རྣམ་པར་བལྟ་བའི་ཚིག། ཤེས་རབ་ཀྱི་སྣང་བའི་ཚིག། མུན་པ་མེད་ཅིང་གསལ་བའི་ཚིག། ཤིན་ཏུ་སྐྱེ་བ་མེད་ཅིང་འགག་པ་མེད་པའི་ཚིག། རང་གི་ཡུལ་ཡོངས་སུ་དག་པའི་ཚིག།
84a6 སངས་རྒྱས་ཀྱི་ཡུལ་འཇུག་པའི་ཚིག། མི་རྟོག་ཅིང་རྣམ་པར་མི་རྟོག་ལ་ཡོངས་སུ་མི་རྟོག་པའི་ཚིག། ཆོས་ཀྱི་དབྱིངས་འདྲེས་པ་མེད་པའི་ཚིག། གནས་མེད་པའི་གནས་ལ་འཇུག་པའི་ཚིག་རྣམས་སོ།། བློ་གྲོས་རྒྱ་མཚོ་རྡོ་རྗེའི
84a7 ཚིག་དེ་དག་བྱང་ཆུབ་སེམས་དཔའ་གང་གིས་ངེས་པར་རྟོགས་པའི་དོན་དུ་ཁོང་དུ་ཆུད་པ་དེ་བྱང་ཆུབ་ཀྱི་སྙིང་པོར་གནས་ཏེ་སེང་གེའི་ཁྲི་ལ་འདུག་པའོ་ཞེས་ང་སྨྲའོ། ། བཅོམ་ལྡན་འདས་ཀྱིས་སྒོའི་ཚིག་དང་ཕྱག་རྒྱའི་ཚིག་དང་།
84a8 རྡོརྗེའི་ཚིག་འདི་དག་བཤད་པ་ན་བྱང་ཆུབ་སེམས་དཔའ་བརྒྱ་སྟོང་གིས་ཆོས་ཐམས་ཅད་ཀྱི་ཕྱག་རྒྱའི་སྒོ་ལ་འཇུག་པའི་གཟུངས་ཐོབ་པར་གྱུར་ཏོ།། སེམས་ཅན་ཐམས་ཅད་ཀྱི་བསམ་པ་མཉམ་པ་ཉིད་ལ་འཇུག་པ
iiif viewer powered by OpenSeadragon
