| e-texts navigator |
| Wylie |
80b1 མཐོང་བ། ། ཐེག་པ་མཆོག་ལ་གནས་པས་རྙེད་པར་དཀའ་མ་ཡིན།། གང་གིས་འགྲོ་བ་འདུལ་ཞིང་བསམ་པ་ཚིམ་བྱེད་པ།། རྒྱལ་བ་རྣམས་ཀྱི་ཚེ་འཕྲུལ་ཁྱད་འཕགས་གསུམ་གང་དང་།། ཐུབ་པའི་བསྟན་པ་གཞན་ཡང་དོན་མེད་མི་འགྱུར་བ།། དེ་དག
80b2 ཐེག་པ་མཆོག་ལ་གནས་པ་མྱུར་དུ་འཐོབ། ། འཇིག་རྟེན་ཀུན་ན་སྐད་ཀྱི་རྣམ་པ་ཇི་སྙེད་པ།། ཐམས་ཅད་སྟོབས་བཅུའི་གསུང་ནི་འཁྲུལ་པ་མེད་པ་དང་།། མཉེན་འཇམ་ཡིད་འོད་དོན་ལྡན་ཁ་ན་མ་ཐོ་མེད།། ཚངས་དང་མི་ཅིའི་དབྱངས་འདྲ་གསུང་རྒྱ
80b3 ཆེན་པོས་ཚིམ། ། དེ་འདྲའི་སངས་རྒྱས་གསུང་ནི་མི་རིང་ཐོབ་འགྱུར་ཏེ།། ནམ་མཁའི་དཀྱིལ་ཚད་སངས་རྒྱས་ཞིང་རྣམས་གོ་བར་བྱེད།། ཇི་སྙེད་ཅིག་གིས་ཆོས་དོན་ལྡན་པའི་ཚིག་ཐོས་པས།། ཀུན་གྱིས་ཉོན་མོངས་ཐམས་ཅད་བསལ་ནས་བདེ་བར
80b4 འགྱུར། རྫུ་འཕྲུལ་སྟོབས་ཀྱིས་ནམ་མཁའི་མཐའ་མར་བགྲང་པར་ནུས།། ཕྱོགས་བཅུ་རྣམས་ཀྱི་རྒྱ་མཚོའི་ཆུ་ནི་ཚད་བྱར་ནུས།། སེམས་གཅིག་གིས་ནི་སེམས་ཅན་སྤྱོད་པ་མཐའ་ཡས་ཤེས།། སངས་རྒྱས་ཐེག་པའི་ཡོན་ཏན་བརྗོད་པར་ཟད་མི
80b5 འགྱུར། ལེའུ་བརྒྱད་དོ།། །། དེ་ནས་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་བློ་གྲོས་རྒྱ་མཚོ་ལ་བཀའ་སྩལ་པ། བློ་གྲོས་རྒྱ་མཚོ་དེ་ལྟ་བས་ན་བྱང་ཆུབ་སེམས་དཔས་ཆོས་ཀྱི་རྣམས་གྲངས་འདི་ཀུན་ཏུ་བསྲུང་བ་དང་།
80b6 སྲུབ་དང་། ཡུན་རིང་དུ་གནས་པར་བྱ་བ་དང་། བདག་གི་སེམས་ཡོངས་སུ་དགའ་བར་བྱ་བ་དང་། སེམས་ཅན་གཞན་དག་དང་གང་ཟག་གཞན་རྣམས་ཀྱི་དབང་པོ་མཆོག་དང་མཆོག་མ་ཡིན་པ་ཤེས་པར་བྱ་བའི་ཕྱིར་སྒོའི་ཚིག་དང་། ཕྱག་རྒྱའི་ཚིག་དང་།
80b7 རྡོ་རྗེའི་ཚིག་འདི་དག་གཟུང་བར་བྱའོ།། གཟུང་ནས་ཀྱང་བརྟག་པར་བྱའོ།། ཤེས་རབ་དང་རབ་ཏུ་ལྡན་པའི་སྦྱོར་བས་ངེས་པར་བསམ་པར་བྱའོ།། བློ་གྲོས་རྒྱ་མཚོ་སྒྲའི་ཚིག་རྣམས་གང་ཞེ་ན། འདི་ལྟ་སྟེ། རྣམ་པར་རིག་པ་ནི་ཆོས་ཐམས་ཅད་ཀྱི་སྒོར
80b8 ཚིགས། ཆོས་རྣམས་དབེན་པའི་དོན་དུ་སྟོན་ཏོ།། ས་ཞེས་བྱ་བ་ནི་ཐོས་ཐམས་ཅད་བྱས་། ཚེས་རྣམས་སྐྱེ་བ་མེད་པའི་དོན་དུ་སྟོན་ཏོ།། བཞེས་བྱ་བ་ནི་ཆོས་ཐམས་ཅད་ཀྱི་སྒོ་སྟེ། ཆོས་རྣམས་དོན་དམ་པའི་དོན་དུ་སྟོན་ཏོ།། ན་ཞེས་བྱ་བ་ནི་ཙས
iiif viewer powered by OpenSeadragon
