| e-texts navigator |
| Wylie |
79b1 བྲར་པ། ། དེ་དག་ཤིན་ཏུ་རབ་ཏུཞི་བར་བྱེད་ཅིང་འགྲོ།། བྱང་ཆུབ་སེམས་དཔའ་ཐེག་པ་མཆོག་ལ་གནས་ནས་སྟན།། ལེ་ལོ་ཅན་གྱི་མི་གང་ཉམ་ཆུང་མཐུ་ཞན་ལ།། སེམས་ཅན་སྡུག་བསྔལ་ཟད་པར་བྱ་ཕྱིར་སེམས་མི་སྐྱེད།། བདག་བདེ
79b2 ཚལ་གྱི་སེམས་ཅན་དོན་ལ་མི་བརྩོན་པ། ། དེ་དག་ཐེག་པ་མཆོག་ཐོས་ནས་ནི་སེམས་སྐྲག་འགྱུར།། བྱང་ཆུབ་སེམས་དཔའ་མཁས་གསལ་བདག་ཉིད་ཆེན་པོ་གང་།། བརྩོན་འགྲུས་སྟོབས་ལྡན་རྟག་ཏུ་སེམས་ཅན་དོན་བརྩོན་ལ།། སྙིང་རྗེ
79b3 ཚེ་དང་ལྡན་ཞིང་བསམ་པ་དག་གྱུར་པ། ། དེ་དག་རབ་ཏུ་དགའ་བའི་སེམས་ཀྱིས་ཐེག་མཆོག་ཞོན།། ཐེག་པ་མཆོག་རབ་གྱ་ནོམ་གཙོ་བོ་འདིར་གནས་ཏེ།། འཇིག་རྟེན་ཀུན་གྱི་སྤྱོད་རྣམས་མཐའ་ཡས་ཇི་སྙེད་དང་།། དབང་པོ་ཐ་མ་འབྲིང་དང
79b4 རབ་དང་བསམ་པ་རྣམས། ། སྤྱོད་ཀུན་བྱང་ཆུབ་སེམས་དཔས་སྐད་ཅིག་ཙམ་ལས་ཤེས།། བརླབས་པོ་ཆེའི་ཐེག་པ་མཆོག་འདིར་གནས་ནས་ནི།། དེ་ཡི་ལུས་ཀྱི་ཡན་ལག་མཚན་གྱིས་བརྒྱན་པར་འགྱུར།། ཚིག་སྙན་ཡིད་དུ་འོངད
79b5 ཞིང་འཇིག་རྟེན་ཀུན་ཚིམ་བྱེད། ། སེམས་ཡིད་རྣམ་དག་བསམ་གཏན་མངོན་ཤེས་ལྡན་པར་འགྱུར།། འདི་ལས་རྒྱལ་བ་རྣམས་ཀྱི་སངས་རྒྱས་ཚུལ་མི་འཆད།། འདི་ལས་ཆོས་ཚུལ་གྱ་ནོམ་ཚུལ་ཡང་རབ་ཏུ་འབར།། འདི་ལས
79b6 འགྲོ་བའི་སྦྱིན་གནས་དགེ་འདུན་འཐུང་བར་འགྱུར། ། དེས་ན་སངས་རྒྱས་ཐེག་འདི་འཇིག་རྟེན་གསུམ་དུ་གྲགས།། ཐེག་པ་འདི་ནི་སྟོང་པའི་ཞིང་དུ་མི་འགྲོ་སྟེ།། རྒྱལ་བ་རྣམས་ཀྱི་འདི་ནི་སྐད་ཅིག་མི་སྣང་འགྲོ།། ཕྱོགས
79b7 བཅུར་སོང་ཡང་ཡོངས་སུ་མི་སྐྱོ་འགྲིབ་པ་མེད། ། མཚུངས་པ་མེད་པའི་ཐེག་པའི་ཚེ་འཕྲུལ་ཅི་འདྲ་ལྟོས།། འཇིག་རྟེན་ཀུན་ཏུ་བསྐོར་ཀྱང་གང་ཞིག་དེ་འདྲ་འམ།། དེ་ལས་ལྷག་པར་འགྱུར་བའི་སེམས་ཅན་དེ་མི་རྙེད།། བྱུང
79b8 ཆུབ་སེམས་དཔའི་ཚེ་ཉིད་འགྲོ་བའི་དཔའ་བོ་གཅིག། ཐེག་པ་མཆོག་ལ་གནས་ནས་བདུད་སྡེ་སྐྲག་པར་བྱེད།། ཐེག་པ་མཆོག་ལ་གནས་ནས་གཟུགས་དང་སྟོབས་མཐུ་དང་།། ལོངས་སྤྱོད་དབང་ཕྱུག་ཐོབ་ཅིང་བརྒྱ་བྱིན།
iiif viewer powered by OpenSeadragon
