| e-texts navigator |
| Wylie |
79a1 བདུད་ཀྱི་སྡེ་སྤངས་ནས། ། ཆགས་མེད་ཐེག་པ་ཆེ་དང་བྱང་ཆུབ་སྙིང་པོར་འགྲོ།། བྱམས་པའི་གོ་ཆའི་ཆོས་ཀྱི་དགྲ་ཡིས་ཐུབ་པར་དཀའ།། ཆོས་དང་ལྡན་པས་སྙིང་རྗེ་ཆེན་པོར་རིམ་གྱིས་འགྲོ།། བསམ་གཏན་རྫུ་འཕྲུལ་རྐང
79a2 དང་ཚད་མེད་བཞོན་པ་སྟེ། ། ལམ་དེ་མི་འདོར་ཁ་ལོ་བསྒྱུར་བ་བྱང་ཆུབ་སེམས།། ཕྱོགས་བཅུ་མཐའ་ཡས་སེམས་ཅན་ཁམས་རྣམས་ཅི་སྙེད་པ།། ཐེག་པ་ཆེན་པོ་འདི་ལ་བསྐྱོན་པ་ཐམས་ཅད་ནི།། གནོན་པ་མེད་ཅིང་འགྲིབ་པ་མེད
79a3 ཅིང་གང་བ་མེད། ། བདེ་བར་གཤེགས་ཀྱི་ཐེག་པའི་ཆོ་འཕྲུལ་འདི་འདྲའོ།། དྲན་གནས་ཡང་དག་སྦྱོར་དང་སྤོང་བ་བཞི་དག་དང་།། རྫུ་འཕྲུལ་རྐང་པ་བཞི་དང་དབང་པོ་སྟོབས་རྣམས་དང་།། རྒྱལ་བས་བསྔགས་པའི་བྱང་ཆུབ་ཡན
79a4 ལག་རིན་ཆེན་བདུན། ། ལམ་གྱིས་འགྲོ་བར་ལྡན་པ་བྱང་ཆུབ་སྙིང་པོར་འགྲོ།། ཞི་གནས་ཉོན་མོངས་ཞི་ཞིང་ཆོས་ལ་སྣང་བར་འགྱུར།། རྡུལ་དང་མུན་པ་བསལ་ནས་སྲིད་པ་གསུམ་ན་མཛེས།། བརྒྱ་བྱིན་དང་ནི་ཚངས་པས་སྤྱི་བོས
79a5 ཕྱག་བྱས་ཏེ། ། ལགས་སོ་མཚུངས་མེད་ཐེག་འདིར་ཀུན་གྱིས་བཞོན་པར་བགྱི།། ཕ་རོལ་ཕྱིན་པ་གང་དག་སྦྱིན་ཚུལ་བཟོད་པ་དང་།། བརྩོན་འགྲུས་བསམ་གཏན་ཤེས་རབ་ཡེ་ཤེས་མངོན་པར་ཤེས།། དེ་བཞིན་ཐབས་དང་བསྡུ་བ
79a6 སྙིང་པོ་ལྡན་པ་སྟེ། ། བདུད་རྣམས་བརྒྱ་སྟོང་གིས་ཀྱང་གདུལ་ཕྱིར་ཐུབ་པ་མེད།། སེམས་ཅན་གང་དག་ཚུལ་ངན་སྡིག་ལས་བརྩོན་པ་དང་།། བྱང་ཆུབ་སེམས་དཔའ་གང་དག་ཡོན་ཏན་བརྒྱས་འཕགས་དང་།། གང་དག་བྱང་ཆུབ
79a7 སེམས་ཀྱི་སེམས་རྒྱ་ཆེར་གྱུར་པ། ། ཀུན་ཀྱང་ཐེག་པ་མཆོག་ལ་ཞུགས་ནས་མཉམ་པར་མཐོང་།། གང་དག་སྣ་ཚོགས་སྔགས་དང་འཇིག་རྟེན་དོན་ལྡན་དང་།། གང་དག་དགེ་ཆོས་ཡང་དག་འཇིག་རྟེན་འདས་གྱུར་པ།། སློབ
79a8 དང་མི་སློབ་གང་དག་རང་རྒྱལ་རྣམས་ཀྱི་དང་། ། སྒོ་དེར་སངས་རྒྱས་ཐེག་པ་ཆེ་བའི་བདག་ཉིད་ཞུགས།། གང་དག་ཉོན་མོངས་རྣམ་མང་སྣ་ཚོགས་སེམས་ལྡན་དང་།། སྡུག་བསྔལ་སེམས་ཅན་གང་དག་འདུས་བྱས་འཁོར
iiif viewer powered by OpenSeadragon
