| e-texts navigator |
| Wylie |
75b1 གྱིས་ལུས་ཚུལ་འཆོས་པ་དང་། ལོག་པར་སྨྲ་བས་ངག་ཚུལ་འཆོས་པ་དང་། སྡིག་པ་འདོད་པས་སེམས་ཚུལ་འཆོས་པ་དང་། འཚོ་བ་ཡོངས་སུ་མ་དག་པས་ཐམས་ཅད་དུ་ཚུལ་འཆོས་པའོ།། གཞན་ཡང་བཞི་སྟེ། ཐེག་པ་མཚུངས་པ
75b2 ལ་ཡང་དག་པར་ཞུགས་པ་རྣམས་ལ་ཞེ་སྡང་བ་དང་། བདུད་ཀྱི་ལས་ཁོང་དུ་མ་ཆུད་པས་མངོན་པའི་ང་རྒྱལ་ཅན་དང་། དེ་དག་གི་བསྔགས་པ་མ་ཡིན་པ་བརྗོད་པ་དང་། དེ་དག་གི་བསྔགས་པ་དང་ཡོན་ཏན་གྱིས་ཡིད་མི་བདེ་བར་འགྱུར་བའོ།།
75b3 གཞན་ཡང་བཞི་སྟེ། ང་རྒྱལ་གྱིས་ཁངས་ནས་ཆོས་རྣམས་ལ་རིམ་གྲོ་མེད་པ་དང་། ཆོས་སྨྲ་བ་རྣམས་ལ་མི་གུས་པ་དང་། བ་མ་དང་སློབ་དཔོན་དང་མཁན་པོ་རྣམས་ལ་མི་འདུད་པ་རྣམས་དང་། ལུས་དང་སེམས་རྩུབ་པས་རྟག་པར
75b4 རྒྱུན་དུ་མི་མཐུན་པར་གནས་པའོ། ། གཞན་ཡང་བཞི་སྟེ། བདག་གི་ཡོན་ཏན་བརྗོད་པ་དང་། གཞན་གྱི་ཡོན་ཏན་ལོག་པར་བརྗོད་པ་དང་། ངའོ་སྙམ་པའི་ང་རྒྱལ་འབར་བ་དང་། ཁྲོ་བ་བརྟན་པའོ།། གཞན་ཡང་བཞི་སྟེ། ལེ་ལོ་དང་།
75b5 སྙོམས་ལས་དང་། བཀའ་བློ་མི་བདེ་བ་དང་། འཐུན་པར་མི་འཛིན་པའོ།། གཞན་ཡང་བཞི་སྟེ། མ་རུལ་བ་དང་། མ་ཞི་བ་དང་། མ་སྦས་པ་དང་། མ་བཏུལ་བའོ།། གཞན་ཡང་བཞི་སྟེ། ཐོས་པ་ཉུང་ངུས་གྲོང་དང་ཟོང་ཁྱེར་དང་གྲོང་རྡལ་རྩ
75b6 འཇུག་པ་དང་། ཚུལ་ཁྲིམས་ཀྱི་ཕུང་པོ་ལ་མ་གནས་པར་རྙེད་པ་དང་བཀུར་བསྟི་དང་ཚིགས་སུ་བཅད་པ་འདོད་པ་དང་། དབང་པོ་རྣམས་ཀྱི་སྒོམ་སྲུངས་པར་བུད་མེད་ལ་བལྟ་བ་དང་། མཉམ་པར་མ་གཞག་པའི་སེམས་ཀྱིས
75b7 སེམས་ཅན་གྱི་དབང་པོ་ལ་འཇུག་པའོ། ། གཞན་ཡང་བཞི་སྟེ། བསྡུ་བའི་དངོས་པོ་ལ་མི་བརྩོན་པ་དང་། སེམས་ཅན་ཡོངས་སུ་སྨིན་པར་བྱ་བ་ལ་གཡེལ་བ་དང་། ཆོས་སྤོང་གི་ཀུན་ཏུ་མི་བཟུང་བ་དང་། ཆོས་སྨྲ་བའི་གང་ཟག
75b8 རྣམས་ལ་གནོད་པ་བྱེད་པའོ། ། གཞན་ཡང་བཞི་སྟེ། གཏི་མུག་གིས་འདོད་པ་ཆེ་བ་དང་། ཞེ་སྡང་གིས་སྡིག་པ་འདོད་པ་དང་། འདོད་ཆགས་ཀྱིས་ཆོག་མི་ཤེས་པ་དང་། ཆགས་པས་ངོམས་མི་མྱོང་བའོ།། གཞན་ཡང་བཞི་སྟེ།
iiif viewer powered by OpenSeadragon
