| e-texts navigator |
| Wylie |
74a1 སྒྲིབ་པ་དང་བྲལ་བའི་སེམས་ཀྱིས་ཆོས་ཉན་པ་དང་། ཀུན་ནས་ལྡང་བ་མེད་པའི་སེམས་ཀྱིས་ནང་དུ་ཡང་གས་འཇོག་པ་དང་། འཐུང་བའི་སེམས་ཀྱིས་ཡང་དག་པར་བསྒྲུབ་པའོ།། གཞན་ཡང་གསུམ་སྟེ། དོན་ལཚན
74a2 པའི་ཐོས་པ་དང་། ཡེ་ཤེས་ལ་རྟོན་པའི་སོ་སོར་རྟོག་པ་དང་། ཆོས་ལ་རྟོན་པའི་རྣམ་པར་གྲོལ་བའོ།། གཞན་ཡང་གསུམ་སྟེ། མང་དུ་ཐོས་པའི་དགོན་པ་ན་གནས་པ་དང་། དགོན་པ་ན་གནས་ཏེ་ཚུལ་བཞིན་ཡིད་ལ་བྱེད་པ་དང་། ཚུལ
74a3 བཞིན་ཡིད་ལ་བྱེད་པ་ལ་རབ་ཏུ་བརྩོན་ཏེ། ཆོས་ཐམས་ཅད་རྗེས་སུ་རྟོགས་པའོ།། གཞན་ཡང་གསུམ་སྟེ། མཁས་པ་རྣམས་ལ་བསྟེན་བཀུར་བྱེད་པ་དང་། མང་དུ་ཐོས་པ་རྣམས་ལ་འདྲི་བ་དང་། བསམ་གཏན་པ་རྣམས་ཀུན་དུ་བསྲུང
74a4 བའོ། ། གཞན་ཡང་གསུམ་སྟེ། ཟང་ཟིང་མེད་པའི་སེམས་ཀྱིས་ཆོས་སྦྱིན་པ་དང་། ཆོས་ཉན་པ་རྣམས་ལ་བྱམས་པ་ཉེ་བར་སྒྲུབ་པ་དང་། ཐམས་ཅད་མཁྱེན་པའི་སེམས་མངོན་དུ་བྱེད་པའི་ལས་སོ།། གཞན་ཡང་གསུམ་སྟེ། སེམས་མཉམ
74a5 པ་ཉིད་པས་སེམས་ཅན་མཉམ་པ་ཉིད་དང་། ཐ་དད་པ་མེད་པ་ཉིད་པས་ཆོས་མཉམ་པ་ཉིད་དང་། ཡེ་ཤེས་མཉམ་པ་ཉིད་པས་སངས་རྒྱས་མཉམ་པ་ཉིད་དོ།། གཞན་ཡང་གསུམ་སྟེ། ཡེ་ཤེས་ཀྱི་དུས་གསུམ་མཉམ་པ་ཉིད་དང་། བློས་རྣམ
74a6 པར་ཐར་པ་གསུམ་མཉམ་པ་ཉིད་དང་། ཡོངས་སུ་ཤེས་པས་ཁམས་གསུམ་མཉམ་པ་ཉིད་དོ།། གཞན་ཡང་གསུམ་སྟེ། འདུ་བྱེད་ཐམས་ཅད་ལ་མི་རྟག་པ་དང་སྡུག་བསྔལ་བར་སོ་སོར་རྟོག་པ་དང་། ཆོས་ཐམས་ཅད་ལ་བདག་མེད་པར
74a7 སོསོར་རྟོག་པ་དང་། མྱ་ངན་ལས་འདས་པ་ལྔཞི་བར་རྟོག་པའོ།། གཞན་ཡང་གསུམ་སྟེ། ཉམས་འོག་ཏུ་ཆུད་པར་བྱེད་པས་དམ་བཅས་པ་སྙིང་པོ་ཉིད་དང་། ནན་ཏན་བྱེད་པས་ཐོས་པ་སྙིང་པོ་ཉིད་དང་། ཤེས་རབ་ཀྱིས་ཏིང་ངེ་འཛིན་སྙེང
74a8 པོ་ཉིད་དོ། ། གཞན་ཡང་གསུམ་སྟེ། ལྟུང་བ་མི་འཆབ་པ་དང་། སྡིག་པ་རྣམ་པར་འབྱེད་པ་དང་། ཕྱིན་ཆད་སྡོམ་པར་བྱེད་པའོ།། གཞན་ཡང་གསུམ་སྟེ། འགྱོད་པ་དང་བྲལ་བ་དང་། ཀུན་ནས་ལྡང་བ་དང་བྲལ་བ་དང་། ཐེ་ཙོམ་དང་བྲལ་བའོ།།
iiif viewer powered by OpenSeadragon
