| e-texts navigator |
| Wylie |
72b1 གསུམ་སྟེ། ལེགས་པར་སྤྱད་པའི་ཕྱིར་ཕན་པ་དང་། ཆོ་ག་ཤེས་པའི་ཕྱིར་རན་པ་དང་། ཕྱིས་འགྱོད་པ་མེད་པའི་ཕྱིར་བཟོད་པའོ།། གཞན་ཡང་གསུམ་སྟེ། ཐོས་པ་ཡོངས་སུ་འཛིན་པ་དང་། ཚིག་དང་ཡི་གེ་རྣམས་འཛིན་པ་དང་།
72b2 སྐལ་སྔོན་གྱི་མཐའ་དང་ཕྱི་མའི་མཐའ་ཡོངས་སུ་ཆད་པར་ཤེས་པའོ།། གཞན་ཡང་གསུམ་སྟེ། ནོར་བདུན་ཡང་དག་པར་འདྲ་བས་དབུལ་བ་མེད་པ་དང་། ཆོས་ཀྱི་སྦྱིན་པ་རྣམ་པར་འགྲོལ་བས་གཏོང་བ་ཆེན་པོ་དང་། ཟང་ཟིང་ཀུན
72b3 བགེང་བས་ལོངས་སྤྱོད་ཆེ་བའོ། ། གཞན་ཡང་གསུམ་སྟེ། དོན་དམ་པར་བདེན་པས་བདེན་པ་དང་། མི་སླུ་བས་ཡང་དག་པ་དང་། དེ་བཞིན་ཉིད་པས་དེ་ཁོ་ནའོ།། གཞན་ཡང་གསུམ་སྟེ། བདག་ཅི་འདྲ་ཤེས་བདག་ཤེས་པ་དང་། གཏམ
72b4 ཅི་འདྲ་བ་ཞིག་བྱ་ཞེས་སེམས་ཅན་ཤེས་པ་དང་། དུས་སུ་གནས་པས་འདུ་ཤེས་པའོ།། གཞན་ཡང་གསུམ་སྟེ། ཕུང་པོ་རྣམས་ལ་ཆོས་ཀྱི་ཕུང་པོ་དང་མཉམ་པ་ཉིད་དང་། ཁམས་ལ་ཆོས་ཀྱི་དབྱིངས་དང་མཉམ་པ་ཉིད་དང་། སྐྱེ་མཆེད
72b5 རྣམས་ལ་གྲོང་སྟོང་པ་ལྟར་སོ་སོར་རྟོག་པའོ། ། གཞན་ཡང་གསུམ་སྟེ། རྒྱུ་ཡིས་འབྲས་བུ་ཆུད་མི་གཟོན་པ་དང་། རྐྱེན་རྣམས་ཀྱིས་འཕེལ་པ་ལ་མཁས་པ་དང་། ཚེགས་ནས་ཕན་ཚུན་ཡང་དག་པར་འདུ་བའོ།། གཞན་ཡང་གསམ་སྟེ།
72b6 སངས་རྒྱས་དང་མི་འགལ་བ་དང་། ཆོས་མི་སྤོང་བ་དང་། དགེ་འདུན་ལ་ང་རྒྱལ་མེད་ཅིང་བླ་མར་གུས་པར་བསྙེན་བཀུར་བྱེད་པའོ།། གཞན་ཡང་གསུམ་སྟེ། འདོད་ཆགས་རབ་ཏུ་ཞི་བ་དང་། ཞེ་སྡང་དང་བྲལ་བ་དང་། གཏི་མུག་ཡང་དག
72b7 པར་བཅོམ་པའོ། ། གཞན་ཡང་གསུམ་སྟེ། ཀུན་རྫོབ་ཀྱི་བདེན་པ་ལ་འཇུག་པ་དང་། མཚན་ཉིད་ཀྱི་བདེན་པསྟོན་པ་དང་། དོན་དམ་པའི་བདེན་པ་ལ་གནས་པའོ།། གཞན་ཡང་གསུམ་སྟེ། སེམས་ཅན་རྣམས་ལ་བརྙས་པ་མེད་པ་དང་།
72b8 སྦྱིན་གནས་རྣམས་ལ་རབ་ཏུ་འདུད་པ་དང་། ཉོན་མོངས་པ་རྣམས་སུ་མི་ལྟུང་བའོ།། གཞན་ཡང་གསུམ་སྟེ། འདོད་པའི་ཁམས་ཀྱིས་མི་གོས་པ་དང་། གཟུགས་ཀྱི་ཁམས་དང་མ་འདྲེས་པ་དང་། གཟུགས་མེད་པའི་ཁམས་ལདམ
iiif viewer powered by OpenSeadragon
