| e-texts navigator |
| Wylie |
67a1 རྒུད་པར་བྱེད་པས་དབེན་པའོ། ། ཅེས་སྨྲས་བྱེད་པའི་ཚོས་གཉིས་ཏེ།། ཀླག་པའི་བསམ་པས་ཁྱད་པར་དུ་འགྲོ་བ་དང་། བྱུད་པར་གྱིས་ཁྱད་པར་དུ་ལྷག་པར་དམིགས་པའོ།། དཀའབ་བྱེད་པའི་ཆོས་གཉིས་ཏེ།
67a2 བདག་ཉིད་ཉེས་པ་མི་བྱེད་པ་དང་། གཞན་ཡང་ཉེས་པ་ལས་འབྱིན་པའོ།། གཅེས་སྦས་བྱེད་པའི་ཆོས་གཉིས་ཏེ། བདོག་པ་ཐམས་ཅད་ཡོངས་སུ་གཏོང་བ་དང་། རྣམ་པར་སྨིན་པ་ལ་མི་རེ་བའོ།། དཀའ་བ་བྱེད་པའི་ཆོས་གཉིས
67a3 ཏེ། མཉམ་པའི་སེམས་གཏོང་བ་དང་། ཡོངས་སུ་བསྔོ་བ་ལ་མཁས་པའོ།། གཅེས་སྦས་བྱེད་པའི་ཆོས་གཉིས་ཏེ། བསླབ་པ་མ་ཉམས་པ་དང་། སྐྱེ་བར་སྨོན་པ་མེད་པའོ།། དཀའ་བ་བྱེད་པའི་ཆོས་གཉིས་ཏེ། ཚུལ་ཁྲིམས
67a4 འཆལ་བ་རྣམས་ལ་ཆེར་སྙིང་རྗེ་བ་དང་། བདག་ལ་མི་བསྟོད་པའོ།། གཅེས་སྤྲས་བྱེད་པའི་ཆོས་གཉིས་ཏེ། བཟོད་ཅིང་ངེས་པ་དང་། བྱང་ཆུབ་ཏུ་ཡོངས་སུ་བསྔོ་བའོ།། དཀའ་བ་བྱེད་པའི་ཆོས་གཉིས་ཏེ། རྗེས་སུ་ཆགས་པ་འདོར
67a5 བ་དང་། རྗེ་བོ་ལ་བཟོད་པ་བསྒོམ་པའོ།། གཅེས་སྤྲས་བྱེད་པའི་ཆོས་གཉིས་ཏེ། དགེ་བའི་ཆོས་ཐམས་ཅད་ཡོངས་སུ་བཙལ་བར་རྩོམ་པའི་བརྩོན་འགྲུས་དང་། དགེ་བའི་རྩ་བ་ལ་ཡིད་རང་བའོ།། དཀའ་བ་བྱེད་པའི་ཆོས་གཉིས
67a6 ཏེ། ལུས་དང་སེམས་དབེན་པ་དང་། སེམས་གནས་པ་ཡོངས་སུ་ཐར་བར་བྱེད་པའོ།། གཅེས་སྤྲས་བྱེད་པའི་ཆོས་གཉིས་ཏེ། བསམ་གཏན་གྱི་ཡན་ལག་ཡང་དག་པར་སྡུད་པ་དང་། སེམས་ལས་སུ་རུང་བའོ།། དཀའ་བ
67a7 བྱེད་པའི་ཆོས་གཉིས་ཏེ། བསམ་གཏན་ལས་ལྡོག་པ་ཤེས་པ་དང་། འདོད་པའི་ཁམས་ལ་སྤོད་པའོ།། གཅེས་སྤྲས་བྱེད་པའི་ཆོས་གཉིས་ཏེ། ཆོས་དོན་དུ་གཉེར་བ་དང་ཆོས་འདོད་པའོ།། དཀའ་བ་བྱེད་པའི་ཆོས་གཉིས་ཏེ།
67a8 ཆོས་ལ་སོ་སོར་རྟོག་པ་དང་། ཆོས་ངེས་པར་སེམས་པའོ།། གཅེས་སྤྲས་བྱེད་པའི་ཆོས་གཉིས་ཏེ། དགེ་བའི་བཤེས་གཉེན་ལ་བརྟེན་པ་དང་། བླ་མ་ལ་གུས་པར་བསྟེན་པའོ།། དཀའ་བ་བྱེད་པའི་ཆོས་གཉིས་ཏེ། གུས་པ
iiif viewer powered by OpenSeadragon
