| e-texts navigator |
| Wylie |
55b1 འཇིག་རྟེན་ཟང་ཟིང་རྒྱལ་ལ་སྟི་སྟང་བྱས། ། འཇིག་རྟེན་བྱེད་ལ་ནམ་ཡང་གྲོལ་མི་འགྱུར།། འཇིག་རྟེན་འདས་པའི་ཆོས་ནི་གང་ཚོལ་བ།། མཁས་པ་དེ་ནི་འཇིག་རྟེན་ཆོས་ལས་འདའ།། དེ་བཞིན་གཤེགས་པའི་དམ་པའི་ཆོས་འཛིན་པ།། རྒྱལ་བ
55b2 རྣམས་ཀྱིས་ཡོངས་སུ་བཟུང་བར་འགྱུར། ། ལྷ་དང་ཀླུ་དང་མི་འམ་ཅི་རྣམས་དང་།། བསོད་ནམས་ཡེ་ཤེས་ཀྱིས་ནི་ཡོངས་སུ་བཟུང་།། དེ་བཞིན་གཤེགས་པའི་དམ་པའི་ཆོས་འཛིན་པ།། དྲན་ལྡན་བློ་གྲོས་ལྡན་ཞིང་བློ་ལྡན་འགྱུར།། ཤེས་རབ་རྒྱ
55b3 ཆེན་ཀུན་ནས་ཡེ་ཤེས་ལྡན། ། མཁས་པ་བག་ཆགས་བཅས་པའི་ཉོན་མོངས་སྤོང་།། དེ་བཞིན་གཤེགས་པའི་དམ་པའི་ཆོས་འཛིན་པ།། དེ་ལ་བདུད་ཀྱི་སྐྱོན་ཆགས་རྙེད་མི་འགྱུར།། དེ་ལ་འགྱོད་དང་དེ་བཞིན་དོགས་པ་མེད།། དེ་ལ་བཅིངས
55b4 མེད་སྒྲིབ་པ་ཅུང་ཟད་མེད། ། དེ་བཞིན་གཤེགས་པའི་དམ་པའི་ཆོས་འཛིན་པ།། ཞིང་སྟོང་དག་ཏུ་ནམ་ཡང་མི་སྐྱེ་སྟེ།། སྐྱེ་བ་ཀུན་ཏུ་དེ་ནི་རྒྱལ་བ་མཐོང་།། མཐོང་ནས་དེ་ལ་དང་བ་རབ་ཏུ་འཐོབ།། དེ་བཞིན་གཤེགས་པའི་དམ་པའི་ཆོས་འཛིན་པ།
55b5 ཆོས་ཀྱི་བདག་ཉིད་ཆེན་པོ་སྟེ་དྲན་འགྱུར།། ཡང་དང་ཡང་དུ་རབ་ཏུ་འབྱུང་བ་འཐོབ།། སྤྱོད་པ་ཡོངས་དག་སྒྲུབ་པ་སྙིང་པོར་བྱེད།། དེ་བཞིན་གཤེག་པའི་དམ་པའི་ཆོས་འཛིན་པ།། ཚུལ་ཁྲིམས་ཐོས་པས་འཕགས་པའི་ཆོས་སྤྱོད་པ།།
55b6 མཁས་པ་མངོན་ཤེས་ལྔ་ལ་མྱུར་དུ་རེག། མ་སྨད་བསམ་གཏན་རྣམ་པར་ཐར་པ་འཐོབ།། དེ་བཞིན་གཤེགས་པའི་དམ་པའི་ཆོས་འཛིན་པ།། དེ་ནི་ཟབ་ཆོས་རྟོགས་པར་ཁོང་དུ་ཆུད།། སངས་རྒྱས་སྤྱོད་ཡུལ་སྟོང་ཉིད་ཐེ་ཙོམ་མེད།།
55b7 སེམས་ཅན་བདག་མེད་པར་ཡང་མོས་པར་འགྱུར།། དེ་བཞིན་གཤེགས་པའི་དམ་པའི་ཆོས་འཛིན་པ།། དེ་ནི་སོ་སོ་ཡང་དག་རིག་པ་འཐོབ།། འཇིགས་མེད་ཤེས་རབ་རྣོ་ཞིང་ཆགས་མེད་དག། དེ་ན་སྲོག་ཆགས་ཀུན་གྱི་ཐེ་ཙོམ་གཅོད།།
55b8 དེ་བཞིན་གཤེགས་པའི་དམ་པའི་ཆོས་འཛིན་པ།། མཁས་པ་དེ་ནི་གཟུངས་རྣམས་འཐོབ་པར་འགྱུར།། བསྐལ་པ་བརྒྱར་ཡང་གང་ཐོས་ཆུད་མི་ཟ།། སྤོབས་དང་ལྡན་ཞིང་ཆགས་པ་མེད་པར་འགྱུར།། དེ་བཞིན་གཤེགས་པའི་དམ་པའི
iiif viewer powered by OpenSeadragon
