| e-texts navigator |
| Wylie |
53b1 ནས་སྐྲག་པར་འགྱུར་བའི་སངས་རྒྱས་ཀྱི་ཆོས་དེ་གང་ཡང་མེད་དོ། ། བློ་གྲོས་རྒྱ་མཚོ་བསྟན་པའི་སྒྲ་དེ་དག་ཐམས་ཅད་ནི་འཇིགས་པའོ།། བྱང་ཆུབ་ཀྱི་དོན་དམ་པ་གང་ཡིན་པ་དེ་ཡང་བརྗོད་པར་མི་ནུས་སོ།། དེ་ཅིའི་ཕྱིར་ཞེ་ན།
53b2 བརྗོད་དུ་མེད་པ་དེ་ནི་བསྙད་དུ་མེད་པ་སྟེ། དེ་ལ་ཡི་གེ་རྣམས་ཀུན་ཏུ་མི་རྒྱུའོ།། དེ་ལ་ནི་སེམས་དང་སེམས་ལས་བྱུང་བའི་ཆོས་རྣམས་ཀྱང་ཀུན་ཏུ་མི་རྐུན་ཡི་གེ་རྣམས་ཀུན་ཏུ་རྒྱུ་བར་འགྱུར་བ་ལྟ་སྨོས་ཀྱང་ཅི་དགོས། འདི
53b3 ལྟར་ཆོས་ཟབ་མོ་ཡི་གེ་མེད་པ། བསྙད་དུ་མེད་པ། བརྗོད་དུ་མེད་པ། སྒྲར་མེད་པ་འདི་ལྟ་བུ་མངོན་པར་རྫོགས་པར་སངས་རྒྱས་ཀྱང་ཡི་གེའི་རྣམ་པར་རིག་པས་སེམས་ཅན་གཞན་དག་དང་གང་ཟག་གཞན་རྣམས་ལ་སྟོན་ཏེ།
53b4 སེམས་ཅན་བསམ་གྱིས་མི་ཁྱབ་པ་དག་ལ་སངས་རྒྱས་བཅོམ་ལྡན་འདས་རྣམས་ཀྱི་ཐུགས་རྗེ་ཆེན་པོ་ཇི་སྙེད་འཇུག་པ་ལ་ལྟོས། བློ་གྲོས་རྒྱ་མཚོ་འདི་ལྟ་སྟེ་དཔེར་ན། སྐྱེས་བུ་ལ་ལ་ཞིག་གིས་ནམ་མཁའ་གཟུགས་མེད་པ
53b5 བསྟན་དུ་མེད་པ། ཐོགས་པ་མེད་པ། རྣམ་པར་རིག་པ་མེད་པ་འདི་ལ་ཚོན་སྣ་ཚོགས་ཀྱིས་རི་མོ་བྲིས་ཏེརྟ་དང་གླང་པོ་ཆེ་དང་ཤིང་རྟ་དང་དཔུང་བུ་ཆུང་དང་བཞོན་པ་རྣམས་སུ་འདིར་ཉེ་བར་སྟོན་ཏམ། ལྷ་དང་ཀླུང་དགནོད
53b6 སྦྱིན་དང་དྲི་ཟའི་གཟུགས་འདི་ཉེ་བར་སྟོན་ན། བློ་གྲོས་རྒྱ་མཚོ་འདི་ལ་ཇི་སྙམ་དུ་སེམས། སྐྱེས་བུ་དེ་དཀའ་བ་བྱེད་པ་མ་ཡིན་ནམ། གསོལ་པ། བཅོམ་ལྡན་འདས་དཀའ་བ་བགྱིད་པའོ།། བདེ་བར་གཤེགས་པ་མཆོག
53b7 ཏུ་དཀའ་བ་བགྱིད་པའོ། ། བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་རྒྱ་མཚོ་སངས་རྒྱས་བཅོམ་ལྡན་འདས་གང་དག་བརྗོད་དུ་མེད་པའི་ཆོས་མངོན་པར་རྫོགས་པར་སངས་རྒྱས་ནས་ཀྱང་སེམས་ཅན་གཞན་དག
53b8 དང་གང་ཟག་གཞན་རྣམས་ལ་བརྗོད་དུ་མེད་པའི་དོན་དེ་བརྗོད་པས་རྣམ་པར་རིག་པར་བྱེད་ཅིང་གོ་བར་བྱེད་པ་ནི་དེ་བས་ཀྱང་ཆེས་དཀའ་བ་མཛད་པའོ། ། གང་དག་སངས་རྒྱས་ཀྱི་ཆོས་ཟབ་མོ་འདི་དག་ལ་མི་སྐྲག་མི
iiif viewer powered by OpenSeadragon
