| e-texts navigator |
| Wylie |
50a1 སོ་སོར་རྟོག་པ་སེམས་ནི་རབ་སྦྱངས་པ།། མཚན་མའི་སྤྱོད་ཡུལ་ཐམས་ཅད་གང་ལོག་པ།། དེ་ནི་བསྒྲུབ་པའི་ཚུལ་དུ་བརྗོད་པ་ཡིན།། ལུས་དང་སེམས་ནི་རབ་ཏུ་སྦྱངས་པ་དང་།། རྒྱུ་དང་ལྷ་ལས་རབ་ཏུ་འདའ་བ་དང་།། མིང
50a2 དང་གཟུགས་ནི་ཡོངས་སུ་གང་ཤེས་པ། ། དེ་ནི་བརྩོན་འགྲུས་མཆོག་ཅེས་འཕགས་པས་བསྔགས།། ང་དང་ང་ཡི་ཞེས་པ་ནམ་འགག་པ།། དེ་ཚེ་བཅིངས་པ་ཀུན་ལས་རྣམ་པར་གྲོལ།། ཀུན་ནས་ལྡང་མེད་སྒྲིབ་པ་ལྔ་ལས་གྲོལ།།
50a3 མཁས་པ་ཐེ་ཙོམ་དང་ནི་འགྱོད་པ་སྤངས།། མདུད་པ་རྣམས་དང་ཟུག་རྔུ་བསལ་བ་གང་།། བསྒྲིབས་པ་མེད་ཅིང་རྒྱུན་ཆད་ཡོད་པ་མིན།། ང་རྒྱལ་མངོན་པའི་ང་རྒྱལ་གང་ཚེ་སྤངས།། དེ་ཚེ་བརྩོན་འགྲུས་སྟོབས་ཀྱིས་ལས་བྱས་ཡིན།
50a4 མཚན་མ་ཐམས་ཅད་སེལ་བ་གང་ཡིན་དང་།། སྤྲོས་པ་ཐམས་ཅད་འཇུག་པ་མེད་པ་དང་།། ཉོན་མོངས་ཐམས་ཅད་སྤོང་བ་གང་ཡིན་པ།། བརྩོན་འགྲུས་དེ་ནི་མཁས་པ་རྣམས་ཀྱིས་བསྔགས།། བརྩོན་འགྲུས་འབར་བས་རབ་ཏུ།
50a5 བསྔགས་པའི་ཚེ།། བརྩོན་འགྲུས་ཡོན་ཏན་འདི་དག་ཐོས་ནས་ནི།། གྲགས་པ་ཆེན་པོ་སྟོང་ཕྲག་བཅུ་ཀུན་གྱིས།། མི་སྐྱེའི་བཟོད་པ་རབ་ཏུ་ཐོབ་པར་འགྱུར།། འདི་ཐོས་ནས་ནི་སྟོང་ཕྲག་ལྔ་ཞིག་ཀྱང་།། སངས་རྒྱས་ཞིང་འདིར
50a6 བཟོད་པ་རྣམ་པར་སྦྱངས། ། མི་དང་ལྷ་དང་ལྷ་མིན་མི་འམ་ཅི།། བདུད་སྟོང་བྱང་ཆུབ་མཆོག་ལ་རབ་ཏུ་ཞུགས།། དེ་ནི་གང་གིས་བརྩོན་འགྲུས་མཆོག་རེག་པ།། དགེ་སློང་བརྩོན་འགྲུས་བརྟན་པ་ང་ཡིན་ཏེ།། བརྩོན་འགྲུས
50a7 བརྩམས་ནས་ངས་ནི་ལུས་བཏང་སྟེ། ། འདུག་བཞིན་དེ་ཚེ་འཆི་བའི་དུས་བྱས་གྱུར།། བརྒྱད་ཁྲི་ལས་ནི་བཞི་སྟོང་ལྷག་པ་ལ།། བདག་གིས་ལུས་ནི་རབ་ཏུ་སྐམས་པར་བྱས།། བསྐལ་པ་གཅིག་ལ་འདྲེན་པ་མཉེས་བྱས་ཏེ།
50a8 བདག་གིས་བྱང་ཆུབ་སེམས་དཔའ་ཕྱིར་བསྙིལ་ཏོ།། བརྩོན་འགྲུས་བརྩམས་པའི་ལེའུ་སྟེ་ལྔ་པའོ།། །། དེ་ནས་ཚངས་པ་ཆེན་པོ་སྙིང་རྗེ་ཆེན་པོ་སེམས་པས་བྱང་ཆུབ་སེམས་དཔའ་སེམས་དཔའ་ཆེན་པོ།
iiif viewer powered by OpenSeadragon
