| e-texts navigator |
| Wylie |
46a1 ནི་ལྷག་པའི་ཤེས་རབ་ལ་སློབ་པའོ། ། གཞན་ཡང་རྩོམ་པ་ནི་སྦྱིན་པའི་ཕ་རོལ་ཏུ་ཕྱིན་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ།། རྟུལ་བ་ནི་བཟོད་པའི་ཕ་རོལ་ཏུ་ཕྱིན་པ་དང་།། བརྩོན་འགྲུས་ཀྱི་ཕ་རོལ་ཏུ་ཕྱིན་པའོ།།
46a2 སོ་སོར་རྟོག་པ་ནི་བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པའོ།། བསྒྲུབ་པ་ནི་ཡེ་ཤེས་ཀྱི་ཕ་རོལ་ཏུ་ཕྱིན་པ་དང་། ཐབས་ལ་མཁས་པའི་ཕ་རོལ་ཏུ་ཕྱིན་པའོ།། གཞན་ཡང་རྩོམ་པ་ནི་སྦྱིན་པའོ།། རྟུལ་བ
46a3 ནིསྙན་པར་སྨྲ་བའོ། ། སོ་སོར་རྟོག་པ་ནི་དོན་བྱེད་པའོ།། བསྒྲུབ་པ་ནི་དོན་འཐུན་པའོ།། གཞན་ཡང་རྩོམ་པ་ནི་བྱམས་པ་ཆེན་པོའོ།། བདུལ་བ་ནི་སྙིང་རྗེ་ཆེན་པོའོ།། སོ་སོར་རྟོག་པ་ནི་དགའ་བ་ཆེན་པོའོ།། བསྒྲུབ་པ་ནི་བཏང་སྙོམས་ཆེན་པོའོ།།
46a4 གཞན་ཡང་རྩོམ་པ་ནི་ཞིང་ཡོངས་སུ་དག་པར་བྱེད་པའོ།། རྟུལ་བ་ནི་མཚན་དང་དཔེ་བྱད་བཟང་པོ་ཡོངས་སུ་རྫོགས་པར་བྱེད་པའོ།། སོ་སོར་རྟོག་པ་ནི་དམ་པའི་ཆོས་ཡོངས་སུ་འཛིན་པའོ།། བསྒྲུབ་པ་ནི་སེམས་ཅན་ཡོངས་སུ
46a5 སྨིན་པར་བྱེད་པའོ། ། གཞན་ཡང་རྩོམ་པ་ནི་ཕུང་པོའི་བདུད་ཡོངས་སུ་ཤེས་པའོ།། རྟུལ་བ་ནི་ཉོན་མོངས་པའི་བདུད་ལས་ཤིན་ཏུ་འདའོ།། སོ་སོར་རྟོག་པ་ནི་འཆི་བདག་གི་བདུད་རྣམ་པར་སྤོང་བའོ།། བསྒྲུབ་པ་ནི་ལྷའི་བུའི་བདུད
46a6 ཕམ་པར་བྱེད་པའོ། ། གཞན་ཡང་རྩོམ་པ་ནི་སྐུལ་བསྔལ་ཡོངས་སུ་ཤེས་པའོ།། རྟུལ་པ་ནི་ཀུན་འབྱུང་བ་སྤོང་བའོ།། སོ་སོར་རྟོག་པ་ནི་ལམ་བསྒོམ་པའོ།། བསྒྲུབ་པ་ནི་འགོག་པ་མངོན་སུམ་དུ་བྱེད་པའོ།། གཞན་ཡང་རྩོམ་པ
46a7 ནི་ལུས་ལ་ཞུགས་པའི་དྲན་པའོ། ། རྟུལ་བ་ནི་ཚོར་བ་ལ་ཞུགས་པའི་དྲན་པའོ།། སོ་སོར་རྟོག་པ་ནི་སེམས་ལ་ཞུགས་པའི་དྲན་པའོ།། བསྒྲུབ་པ་ནི་ཆོས་ལ་ཞུགས་པའི་དྲན་པའོ།། གཞན་ཡང་རྩོམ་པ་ནི་དད་པའོ།། རྟུལ་བ་ནི
46a8 བརྩོན་འགྲུས་སོ། ། སོ་སོར་རྟོག་པ་ནི་དྲན་པ་དང་ཏིང་ངེ་འཛིན་ཏོ།། བསྒྲུབ་པ་ནི་ཤེས་རབ་པོ།། གཞན་ཡང་རྩོམ་པ་ནི་མི་དགེ་བའི་ཆོས་སྤང་བའོ།། རྟུལ་བ་ནི་དགེ་བའི་ཆོས་ཡོངས་སུ་རྫོགས་པར་བྱེད་པའོ།། སོ་སོར་རྟོག་པ་ནི
iiif viewer powered by OpenSeadragon
