| e-texts navigator |
| Wylie |
45b1 གཞན་མི་དམིགས་པའོ། ། གཞན་ཡང་རྩོམ་པ་ནི་ལེ་ལོའི་དྲི་མ་སེལ་བའོ།། རྟུལ་པ་ནི་བརྩོན་འགྲུས་ཀྱི་དྲི་མ་ལས་དབེན་པའོ།། སོ་སོར་རྟོག་པ་ནི་སེམས་ཅན་ལེ་ལོ་ཅན་ཡོངས་སུ་སྨིན་པར་བྱེད་པའོ།། སྒྲུབ་པ་ནི་དེ་བྱ
45b2 བྱེད་པའོ། ། གཞན་ཡང་རྩོམ་པ་ནི་བྱ་བ་ཡང་དག་པར་སྒྲུབ་པའོ།། རྡུལ་པ་ནི་བྱ་བ་ཉམས་འོག་ཏུ་ཆུད་པར་བྱེད་པའོ།། སོ་སོར་རྟོག་པ་ནི་ཐེག་པ་གཞན་ལ་མི་རེ་བའོ།། བསྒྲུབ་པ་ནི་ལས་ཀྱི་རྣམ་པར་སྨིན་པ་ཆུད་མི་བཟོན་པའོ།། གཞན་ཡང
45b3 རྩོམ་པ་ནི་དྲན་པའོ། ། རྟུལ་བ་ནི་རྟོགས་པའོ།། སོ་སོར་རྟོག་པ་ནི་བློ་གྲོས་སོ།། བསྒྲུབ་པ་ནི་མོས་པའོ།། གཞན་ཡང་རྩོམ་པ་ནི་རིགས་པའོ།། རྟུལ་བ་ནི་ཚུལ་ལོ།། སོ་སོར་རྟོག་པ་ནི་སྒོའོ།། སྒྲུབ་པ་ནི་འབྱུང་བའོ།། གཞན་ཡང་རྩོམ་པ་ནི
45b4 ཚིག་འབྲུ་ཀུན་ཆུབ་པར་བྱེད་པའོ། ། ཏུལ་བ་ནི་ཚིག་འབྲུ་འཛིན་པའོ།། སོ་སོར་རྟོག་པ་ནི་ཚིག་འབྲུ་སེལ་བའོ།། བསྒྲུབ་པ་ནི་ཆོས་བརྗོད་དུ་མེད་པར་རྟོགས་པའོ།། གཞན་ཡང་རྩོམ་པ་ནི་དགེ་བའི་བཤེས་གཉེན་ལ་རྟེན་པའོ།། རྟུལ་བ་ནི
45b5 སྡིག་པའི་གྲོགས་པོ་ཡོངས་སུ་སྤོང་བའོ། ། སོ་སོར་རྟོག་པ་མཛའ་བ་དང་། མི་མཛའ་བ་རྣམས་ལ་སེམས་སྙོམས་པའོ།། བསྒྲུབ་པ་ནི་ཇི་སྐད་སྨྲས་པའི་ཚིག་དང་མི་འགལ་བར་བྱེད་པའོ།། གཞན་ཡང་རྩོམ་པ་ནི་རབ་ཏུ་འབྱུང་བའི
45b6 སེམས་སོ། ། རྟུལ་བ་ནི་དགའ་བ་དང་མི་དགའ་བ་ལ་མི་བལྟ་བའོ།། སོ་སོར་རྟོག་པ་ནི་དགེ་བ་ཅི་ཞེས་ཚོལ་བའོ།། བསྒྲུབ་པ་ནི་གཞན་ལ་རག་མ་ལས་པར་ཡེ་ཤེས་རབ་ཏུ་ཐོབ་པའོ།། གཞན་ཡང་རྩོམ་པ་ནི་དགོན་པ་ལ་གནས་པའོ།། །
45b7 རྟུལ་བ་ནི་འདུ་འཛི་ལ་མི་དགའ་བའོ།། སོ་སོར་རྟོག་པ་ནི་དབེན་པར་གནས་པ་ལ་དགའ་བའོ།། བསྒྲུབ་པ་ནི་ཉོན་མོངས་པ་མེད་པར་གནས་པའོ།། གཞན་ཡང་རྩོམ་པ་ནི་འདོད་པ་ཆུད་པའོ།། རྟུལ་པ་ནི་ཆོག་ཤེས་པའོ།། སོ་སོར་རྟོག
45b8 བ་ནི་དགང་སླ་བའོ། ། བསྒྲུབ་པ་ནི་རུང་བ་ལ་ཚོད་ཤེས་པའོ།། གཞན་ཡང་རྩོམ་པ་ནི་ལྷག་པའི་ཚུལ་ཁྲིམས་ལ་སློབ་པའོ།། ཏུལ་བ་ནི་ཚུལ་ཁྲིམས་མི་ལྷོད་པའོ།། སོ་སོར་རྟོག་པ་ནི་ལྷག་པའི་སེམས་ལ་སློབ་པའོ།། བསྒྲུབ་པ
iiif viewer powered by OpenSeadragon
