| e-texts navigator |
| Wylie |
43b1 ཞེ་ན། བློ་གྲོས་རྒྱ་མཚོ་གང་ན་བརྩོན་འགྲུས་ཡོད་པ་དེ་ནི་བྱང་ཆུབ་ཡོད་དོ།། ལེ་ལོ་ཅན་རྣམས་ལ་ནི་ཤིན་ཏུ་རིང་ཞིང་རྣམ་པར་རིང་ངོ་།། ལེ་ལོ་ཅན་ལ་སྦྱིན་པ་མེད་དོ།། ལེ་ལོ་ཅན་ལ་ཚུལ་ཁྲིམས་མེད་དོ།། ལེ་ལོ་ཅན་ལ་བཟོད་པ་མེད་དོ།། ལེ་ལོ་ཅན
43b2 ལ་བརྩོན་འགྲུས་མེད་དོ། ། ལེ་ལོ་ཅན་ལ་བསམ་གཏན་མེད་དོ།། ལེ་ལོ་ཅན་ལ་ཤེས་རབ་མེད་དོ།། ལེ་ལོ་ཅན་ལ་བདག་གི་དོན་མེད་དོ།། ལེ་ལོ་ཅན་ལ་གཞན་གྱི་དོན་མེད་དོ།། བློ་གྲོས་རྒྱ་མཚོ་རྣམ་གྲངས་འདིས་འདི་ལྟར་ཇི་ལྟར་བརྩོན
43b3 འགྲུས་བརྩམས་པའི་བྱང་ཆུབ་སེམས་དཔའ་རྣམས་ལ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་རྙེད་དཀའ་བ་མ་ཡིན་པ་དེ་རིག་པར་བྱའོ། ། བློ་གྲོས་རྒྱ་མཚོ་སྔོན་བྱུང་བ་འདས་པའི་དུས་ན།། གྲངས་མེད་པ་བདུན་པར་གྱུར
43b4 པ་ཨ་དེའི་ཚེ་དེའི་དུས་ན་བསྐལ་པ་མེ་ཏོག་གི་འབྱུང་གནས་ལ་ཤིན་ཏུ་རྣམ་པར་བལྟས་པའི་འཇིག་རྟེན་གྱི་ཁམས་སུ་བཅོམ་ལྡན་འདས་བརྩོན་འགྲུས་འབར་བ་ཞེས་བྱ་བའི་དེ་བཞིན་གཤེགས་པ་དགྲ་བཅོམ་པ་ཡང་དག་པར
43b5 རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་བསྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འཇིག་རྟེན་དུ
43b6 བྱུང་ངོ་། ། ཅིའི་ཕྱིར་བསྐལ་པ་དེ་མེ་ཏོག་གི་འབྱུང་གནས་ཤེས་བྱ་ཞེ་ན། བློ་གྲོས་རྒྱ་མཚོ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དེ་ཚིག་སྟེ་ཆུས་འཇིག་པ་འབྱུང་བ་ན་པད་མ་ལོ་མ་བྱེ་བ་བརྒྱ་སྟོང་ཕྲག་དུ་མ་དང་ལྡན
43b7 གརྣམ་པར་བཀྲ་བ་བལྟ་ན་སྡུག་པ་བརྒྱད་ཁྲི་བཞི་སྟོང་བྱུང་ནས་དེ་དག་ཐམས་ཅད་ཀྱིས་ཆུའི་ཕུང་པོ་དེ་རྒྱས་པར་བཀང་སྟེ་གནས་སོ། ། དེ་ནས་གནས་གཙང་མའི་རིས་ཀྱི་ལྷ་དག་གིས་པད་མ་དེ་དག་མཐོང་ནས་ཚིམ་ཞིང
43b8 མགུ་ལ་ཡིད་རངས་ཤིང་རབ་ཏུ་དགའ་སྟེ། དགའ་བ་དང་ཡིད་བདེ་བ་སྐྱེས་ནས་པད་མ་འདི་དག་བྱུང་བ་ཇི་སྙེད་པ་དེ་སྙེད་ཀྱི་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་འབྱུང་བར་འགྱུར་ཏེ། ཀྱེ་མ་བསྐལ་པ་མེ་ཏོག་གི
iiif viewer powered by OpenSeadragon
