| e-texts navigator |
| Wylie |
42b1 ཉོན་མོངས་གང་གིས་ཡིད་ནི་ཉེར་ཉོན་མོངས།། དེ་དག་ཚུལ་བཞིན་གྱིས་ནི་ཡོངས་སུ་སྤངས།། འདི་ལ་བྱེད་པོ་མེད་ཅིང་ཚོར་བ་མེད།། ཆོས་རྣམས་ཐམས་ཅད་རྗེས་མེད་ཡ་མ་རཱ།། གང་ཟག་མེད་ཅིང་བདག་གིས་བདག་མེད་བསྟན།།
42b2 རྨི་ལམ་ངོ་བོ་ཉིད་དེ་ནམ་མཁའ་འདྲ།། འདི་དག་ལུས་ཀྱི་ལས་ཀྱིས་རབ་ཕྱེ་མིན།། ངག་གམ་སེམས་ཀྱིས་རྣམ་པར་བརྟགས་མ་ཡིན།། ཡང་དག་ཏུ་ནི་བྱས་མིན་གཞན་མིན་ཏེ།། དེ་དག་ལ་ནི་དཔེ་བྱར་མི་ནུས་སོ།། ནམ
42b3 མཁའ་མཚུངས་ཤིང་དྲི་མེད་ངོ་བོ་ཉིད། ། གཟུགས་ཅན་མ་ཡིན་བསྟན་དུ་ཡོད་མ་ཡིན།། མིག་གིས་ཤེས་བྱ་མ་ཡིན་རྣ་སྣས་མིན།། ལྕེ་དང་ལུས་དང་ཡིད་རྣམས་ཀྱིས་ཀྱང་མིན།། མཚན་ཉིད་མ་ཡིན་མཚན་ཉིད་རྣམ
42b4 པར་ལོག། ཞི་བ་གནས་མེད་ཟླ་བའི་གཟུགས་བརྙན་འདྲ།། དེ་ལ་སེམས་མི་རྒྱུ་སྟེ་ཡིད་ཀྱང་མིན།། རྣམ་ཤེས་མ་ཡིན་འདུ་ཤེས་སེམས་དཔའ་མིན།། དེ་དག་ཡེ་ཤེས་ལས་དང་དེ་བཞིན་དུ།། རྣམ་པར་ཤེས་པའི་ལས་ཀྱིས་ཤེས་མི་ནུས།།
42b5 ཡེ་ཤེས་རྣམས་ཀྱིས་ཆོས་འདི་བསྙད་པ་གང་།། སངས་རྒྱས་ཐུགས་རྗེ་འདི་ནི་བླ་ན་མེད།། སེམས་ཅན་གང་དག་སྔོན་ཆད་བྱས་ལྡན་ཞིང་།། དགེ་བའི་བཤེས་གཉེན་གྱིས་ཀྱང་ཡོངས་སུ་ཟིན།། དེ་དག་འདི་འདྲའི་ཆོས་འདི་ཐོས་ནས་ནི།།
42b6 དགའ་བ་རྒྱ་ཆེན་ཟང་ཟིང་མེད་པ་འཐོབ།། འདི་ནི་ཅི་སེམས་ཅི་ཞིག་བྱེད་ཅིག་ཅེས།། དེ་དག་བདུད་ཀྱིས་སྐྱོན་ཆགས་མི་རྙེད་དེ།། སེམས་དང་སེམས་ཀྱི་སྤྱོད་ཡུལ་མི་ཤེས་ན།། བར་དུ་བདུད་ལས་བྱེད་པར་ག་ལ་འགྱུར།། བདུད་བཞི་འདི
42b7 ལས་ཤིན་ཏུ་འདས་ནས་ནི། ། རིགས་པ་དང་ནི་བློ་དང་བསོད་ནམས་དང་།། ཚུལ་གྱིས་སངས་རྒྱས་སྤྱོད་ཡུལ་རབ་གནས་པ།། བྱང་ཆུབ་སྤྱོད་པ་དམ་པ་འདི་ལ་སྤྱོད།། གང་ཞིག་སེམས་ཅན་ཀུན་གྱི་སྤྱོད་ཤེས་པས།། དེ་ནི་བྱང་ཆུབ་སྤྱོད།
42b8 མཆོག་འདི་ལ་སྤྱོད།། དེ་ཡིས་སྤྱོད་པ་རྣམ་མང་འདི་ཐོས་ནས།། དེ་ཡི་མཚན་ཉིད་ཆོས་ཀྱང་རབ་ཏུ་སྟོན།། འགྲོ་བའི་སྤྱོད་པ་འདི་ནི་སྣ་ཚོགས་ཏེ།། ཕན་ཚུན་དམིགས་པར་ཡང་དག་རབ་ཏུ་ལྡན།། བདག་ཆེན་དེ་དག་སྤྱོད་ཡུལ་དེ་ཤེས་ནས།།
iiif viewer powered by OpenSeadragon
