| e-texts navigator |
| Wylie |
31a1 ཤིན་ཏུ་ཟབ་པ་སྟེ། ། རང་རྒྱལ་རྣམས་དང་ཉན་ཐོས་ཀུན་གྱིས་ཤེས་པར་དཀའ།། བདག་དང་གཞན་ལ་རྣམ་པར་མེ་འཚེ་རྗེས་ཆགས་མེད།། ཁོང་ཁྲོ་མེད་ཅིང་ཁེངས་པ་མེད་ཅིང་མཉམ་པའི་བླ།། མཁས།
31a2 པ་དེ་ནི་འགྲོ་ལ་རིག་བཞིན་ཤེས་པ་འཇུག། ཚོར་བ་མ་ཡིན་སེམས་དཔའ་མ་ཡིན་རྣམ་རྟོག་མིན།། འཆི་མེད་དོན་དུ་བྱང་ཆུབ་གནས་སུ་ཕྱིན་པར་དུ།། ཚོར་བ་འགོག་ལ་བདེ་བར་རྟོག་པར་བྱེད་མ་ཡིན།། ཆོས
31a3 བཅུ་དེ་དག་གང་ལ་རྟག་ཏུ་དག་གྱུར་པ། ། ཁྱུ་མཆོག་དེལ་ཏིང་འཛིན་འདི་ན་མངོན་དུ་གྱུར།། གང་ཚེ་འཇུག་པའི་སྤྱོད་པ་རྣམ་པར་སྦྱངས་གྱུར་པ།། དཀར་པོའི་ལམ་རྣམས་ཀུན་གྱིས་འཕགས་ཤིང་ཡོངས་སུ་དག། ས་རྣམས་ཇི་བཞིན་པ
31a4 རོལ་ཕྱིན་པ་ཀུན་སྦྱངས་ཏེ། ། དགེ་བ་རྒྱ་ཆེན་ཐམས་ཅད་ཀྱིས་ནི་མངོན་པར་འཕགས།། བསོད་ནམས་འབྲས་བུས་མཚན་ཀུན་ཤིན་ཏུ་རྣམ་པར་དག། སྤོབས་པས་ཀྱང་ནི་གཟུངས་རྣམས་མཐར་ཐུག་མེད་པར་འགྱུར།། མཁས་པ
31a5 རྟག་ཏུ་ཐོས་པའི་ཆོས་རྣམས་བསྒྲུབ་པར་གནས། ། མཁས་པ་རྟག་ཏུ་དྲན་ལ་མཉམ་གཞག་འཁྲུལ་པ་མེད།། དེ་ལ་ཀུན་ནས་ལྡང་བ་རྣམས་དང་འཁྲུལ་པ་ནི།། ཕྲ་རབ་མཐོང་བར་མི་ནུས་སླེབ་ཀུན་རྣམ་པར་དག། བྱང་ཆུབ་ཕྱོགས་ཆོས་རྒྱ
31a6 ཆེན་མཐའ་ཡས་གང་ཡིན་པ། ། ཐམས་ཅད་དེའི་བག་ཡོད་པ་ལ་འདྲུ་བར་འགྱུར།། ཞི་གནས་མཐའ་གྱུར་ལྷག་མཐོང་གིས་ནི་རྟག་ཏུ་ཤེས།། ས་བཅུ་པོ་ནི་གནོན་པར་འགྱུར་ཞིང་ཆགས་པ་མེད།། བྱང་ཆུབ་སྙིང་པོ་སྦྱང་ཕྱིར་ཤིན་ཏུ་རྫོགས
31a7 པར་སྨྲ། ། དེ་ནི་མི་དགེ་ཀུན་སྤངས་དགྲ་ལས་རྒྱལ་བར་འགྱུར།། དགེ་བའི་ཆོས་རྣམས་ཀུན་གྱིས་འཕགས་པ་རི་རབ་བཞིན།། དེ་ནི་བས་མ་ཡས་དྲི་མེད་འོད་འདི་རབ་ཏུ་ཐོབ།། ཏིང་འཛིན་འདི་ཐོབ་མཁས་དེ་བསོད་ནམས་བྱས་ནས་ནི།
31a8 ཡོ་སུ་དག་པའི་ཆོས་མཆོག་ཉི་ཤུ་རབ་ཏུ་འཐོབ།། དེ་དག་གི་ནི་འགྲོ་བ་ཀུན་ནང་ཉི་བཞིན་ལྟང་།། རྒྱལ་བའི་ཡེ་ཤེས་བླ་ན་མེད་པའི་བྱང་ཆུབ་རེག། ཤིང་གི་དྲུང་དུ་ཤུགས་བརྒྱད་བསམ་དུ་མེད་ཐོབ་ནས།། དེ་དག་གིས་ནི་ཞིང་བརྒྱ་དག་ན
iiif viewer powered by OpenSeadragon
