| e-texts navigator |
| Wylie |
30b1 སྡུག་བསྔལ་བ།། དེ་དག་འོད་ཀྱིས་རེག་མ་ཐག་ཏུ་བདེ་བར་འགྱུར།། ལུས་དང་ཡིད་ཀྱང་དགའ་བར་འགྱུར་བ་རབ་ཏུ་འཐོབ།། དེ་ནི་སེམས་ཅན་དམྱལ་ལས་རབ་ཏུ་ཐར་པའི་རྒྱུ།། འདི་དག་དང་ནི་གཞན་ཡང་ལུས་ལས་ཡོངས་སྦྱངས
30b2 པ། ། མཐའ་ཡས་ལུས་རྣམས་ཡེ་ཤེས་ཀྱིས་ནི་རྣམ་པར་ཕྱེ།། མཁས་པ་ཤིན་ཏུ་དུལ་བ་སངས་རྒྱས་མཛད་པ་བྱེད།། རྡུལ་བྲལ་རྣམས་ཀྱི་ལུས་ཀྱི་ལས་འདི་དེ་འདྲའོ།། དེ་དག་ཚིགས་ནི་རྣམ་དག་སྒྲ་སྙན་ཡིད་དུ་འོང་།།
30b3 དེས་ནི་ལྷ་དང་ལྷ་མིན་འགྲོ་ཀུན་ཚིམ་པར་བྱེད།། དེ་སྨྲ་བ་ན་འཆང་བ་དོན་མེད་མི་འགྱུར་ཏེ།། ཐེག་པ་བདུད་རྩི་འདུས་བྱས་མིན་འདིར་ངེས་པར་འབྱུང་།། ངག་ལས་ངག་གིས་ཉེས་པ་ངེས་མང་གང་ཡོད་པ།། དེ་དག་དེ
30b4 ཡི་བསོད་ནམས་དག་པས་ཀུན་ཏུ་ཆད། ། སྐད་རྣམས་མཚུངས་ཤིང་སྒྲ་མཚུངས་གྱུར་པས་སེམས་ཅན་རྣམས།། སྒྲ་དང་ངག་ལས་ཇི་སྙེད་ཀུན་གྱིས་ཚིམ་པར་བྱེད།། དེ་ཡི་དག་ནི་བྱེད་ཅིང་མཉམ་ལ་ཡང་དག
30b5 མིན། ། ཡང་དག་ལུང་སྟོན་བསྒྲིབས་པས་མེད་ཅིང་མཉམ་པར་གཞག། ཚིག་གང་སྨྲས་པ་དེ་ཡང་དེ་བཞིན་འགྱུར་བ་སྟེ།། བདེན་པའི་རྗེས་སུ་འབྲང་བའི་ཤེས་པས་ཤིན་ཏུ་དག། ཉོན་མོངས་ཐ་བ་མེད་ཅིང་འདོད་ཆག
30b6 རབ་ཏུ་ཞི། ། ཚར་གཅད་ཡོན་ཏན་སྨྲ་ཞིང་སྐྱོན་ལས་ཤིན་ཏུ་འགྲོ་ལ།། ཟབ་ཅིང་གཏིང་དཔག་དཀའ་ལ་ཤིན་ཏུ་ཆད་པ་སྟེ།། དོན་རྣམས་བྱེད་ཅིང་ཞིང་སྟོང་དག་ཏུ་ཁྱད་པར་བྱེད།། རྟོག་པ་མེད་པར་ཚིག་འདི་རབ་ཏུ་སྨྲ་བར
30b7 བྱེད། ། རང་གི་རང་གིས་བྱུང་ནས་ཇི་ལྟར་ཐར་འགྱུར་སྨྲ།། རྟག་ཏུ་ས་བཞིན་སེམས་ཅན་དབང་པོ་ཚིམ་པར་བྱེད།། རྣམ་པར་སྦྱོང་བྱེད་ཚིག་མཆོག་འདིས་ནི་ཤེས་པས་བྱས།། དེ་ཡི་ཡིད་ལས་རྟག་ཏུ་བསྒྲིབས་མེད
30b8 ལེགས་པར་བྱས། ། སེམས་ཀྱི་སྐད་ཅིག་གཅིག་གིས་འགྲོ་བའི་སེམས་རྣམས་ཤེས།། དེ་ནི་གཡེང་མེད་ཏིང་ངེ་འཛིན་ལས་ཉམས་པ་མེད།། ཁྱུ་མཆོག་དེའི་ཆུབ་བདུད་ཀྱིས་ཤེས་མ་ཡིན།། དེའི་སེམས་ཡིད་རྣམ་རྟོག
iiif viewer powered by OpenSeadragon
