| e-texts navigator |
| Wylie |
28b1 ཉིད་དུ་རྟོགས་པ་ཡོངས་སུ་དག་པ་དྲི་མ་མེད་པའི་ཕྱག་རྒྱ་དང་། རྣམ་པར་ཐར་པ་ཐམས་ཅད་ཡོངས་སུ་དག་པའི་ཕྱིར་སྟོང་པ་ཉིད་དང་མཚན་མ་མེད་པ་དང་། སྨྱོན་པ་མེད་པ་ཡོངས་སུ་དག་པ་དྲི་མ
28b2 མེད་པའི་ཕྱག་རྒྱ་དང་ཤིན་ཏུ་ཡོང་སུ་དག་པའི་ཕྱིར་ནམ་མཁའ་ཡོངས་སུ་དག་པ། དྲི་མ་མེད་པའི་ཕྱག་རྒྱ་དང་། ཐ་དད་དུ་བྱ་བ་མེད་པའི་ཕྱིང་སེམས་ཅན་གྱི་ཁམས་དང་ཆོས་ཀྱི་ཁམས་དང་ཆོས་ཀྱི་དབྱིངས་ཡོངས་སུ་དག་པ་དྲི་མ་མེད་པའི
28b3 ཕྱག་རྒྱ་དང་། རང་གི་མངོན་པར་ཤེས་པ་ཡོངས་སུ་དག་པའི་ཕྱིར་མངོན་སུམ་ལེགས་པར་མཐོང་བ་ཡོངས་སུ་དག་པ་དྲི་མ་མེད་པའི་ཕྱག་རྒྱ་དང་། རྟག་ཏུ་སྣང་བ་ཡོངས་སུ་དག་པའི་ཕྱིར་ཉི་མའི་དཀྱིལ་འཁོར་ལྟར་རབ་ཏུ
28b4 གསལ་བའི་ཡོངས་སུ་དག་པ་དྲི་མ་མེད་པའི་ཕྱག་རྒྱ་དང་། ཆགས་པ་ཐམས་ཅད་བྲལ་བའི་ཡོངས་སུ་དག་པའི་ཕྱིར་དུས་གསུམ་ལ་ཆགས་པ་མེད་པའི་ཡེ་ཤེས་མཐོང་བ་ཡོངས་སུ་དག་པ་དྲི་མ་མེད་པའི་ཕྱག་རྒྱ་དང
28b5 རྣམ་པར་ཤེས་པ་དང་། ཡེ་ཤེས་གནས་པ་མེད་པའི་ཕྱིར་རྣམ་པར་རིག་པའི་སྒོ་ཡོངས་སུ་དག་པ་དྲི་མ་མེད་པའི་ཕྱག་རྒྱ་དང་། འདུས་བྱས་ཀྱི་ངོ་བོ་ཉིད་ཡོངས་སུ་དག་པའི་ཕྱིར་འདུས་མ་བྱས་ཡོངས་སུ་དག་པ་དྲི་མ་མེད་པའི
28b6 ཕྱག་རྒྱ་དང་། རྐྱེན་ཤིན་ཏུ་བརྟགས་པའི་ཕྱིར་རྟེན་ཅིང་འབྲེལ་བར་འབྱུང་བ་རྟོགས་པ་ཡོང་སུ་དག་པ་དྲི་མ་མེད་པའི་ཕྱག་རྒྱ་དང་། ཡང་དག་པར་ཤེས་པ་རྫིབ་མེད་པའི་ཡོངས་སུ་དག་པའི་ཕྱིར་སྟོབས་དང་མི་འཇིགས་པ་དང
28b7 སངས་རྒྱས་ཀྱི་ཆོས་ཀྱི་རྗེས་སུ་འགྲོ་བ་ཡོངས་སུ་དག་པ་དྲི་མ་མེད་པའི་ཕྱག་རྒྱ་དང་། སྔོན་ཡོངས་སུ་སྦྱང་བ་བྱས་པ་ཡོངས་སུ་དག་པའི་ཕྱིར་སངས་རྒྱས་ཀྱི་ཆོས་རྟོགས་པའི་མཚན་ཉིད་ཡོངས་སུ་དག་པའི་དྲིམ་མེད
28b8 པའི་ཕྱག་རྒྱ་དང་། སེམས་ཅན་ཐམས་ཅད་ཡོངས་སུ་མི་གཏོང་བའི་ཕྱིར་བྱམས་པ་ཆེན་པོ་དང་སྙིང་རྗེ་ཆེན་པོ་ཡོངས་སུ་དག་པ་དྲི་མ་མེད་པའི་ཕྱག་རྒྱ་དང་། མཐའ་ཐམས་ཅད་དང་བྲལ་བ་ཡོངས་སུ་དག་པའི་ཕྱིར
iiif viewer powered by OpenSeadragon
