| e-texts navigator |
| Wylie |
26b1 མོརྨོངས་ཤིང་ལྤགས་པའི་ཚིག་མེད་པ་ཡིན། དམན་པའི་ཚིག་མེད་པ་ཡིན། མི་མཐུན་པ་དང་བརྙས་པའི་ཚིག་མེད་པ་ཡིན། འབྱེད་པར་བྱེད་པའི་ཚིག་མེད་པ་ཡིན།། གཡོ་དང་འདྲེས་པའི་ཚིག་མེད་པ་ཡིན།། ང་རྒྱལ་གྱིས་ཁེངས།
26b2 པའི་ཚིག་མེད་པ་ཡིན། ཁྱད་དུ་གསོད་པའི་ཚིག་མེད་པ་ཡིན། དོ་ཟ་རིང་གི་ཚིག་མེད་པ་ཡིན། ཚིག་མི་སྙན་ཅིང་ཞེར་འདེབས་པའི་ཚིག་མེད་པ་ཡིན། མེད་པས་གླེད་པའི་ཚིག་མེད་པ་ཡིན། འཁྲུལ་ཅིང་གཤེ་བའི་ཚིག་མེད
26b3 པ་ཡིན། ཡང་དག་པ་མ་ཡིན་པའི་ཚིག་མེད་པ་ཡིན། འཕྲལ་དུ་བརྫུན་སྨྲ་བའི་ཚིག་མེད་པ་ཡིན། ཕྲ་མའི་ཚིག་མེད་པ་ཡིན། ག་རྩུབ་པོའི་ཚིག་མེད་པ་ཡིན།། ཚིག་ཀྱལ་བའི་ཚིག་མེད་པ་ཡིན། མཛའ་བ་དང་འབྱེད་པའི་ཚིག།
26b4 མེད་པ་ཡིན། ཧ་ཅང་རྡོ་བའི་ཚིག་མེད་པ་ཡིན། ཧཅང་མཉེན་པའི་ཚིག་མེད་པ་ཡིན། ཕལ་པའི་ཚིག་མེད་པ་ཡིན། ཀུན་དུ་མ་བསྲུངས་པའི་ཚིག་མེད་པ་ཡིན།། དུས་ལས་ལྷག་པར་སྨྲ་བའི་ཚིག་མེད་པ་ཡིན།། གནོད་སེམས
26b5 འབར་བའི་ཚིག་མེད་པ་ཡིན། འཐབ་པ་དང་རྩོད་པ་དང་འགྱེད་པའི་ཚིག་མེད་པ་ཡིན། ཐོབ་ཀྱིས་འཇལ་བའི་ཚིག་མེད་པ་ཡིན། ཚིག་འགྱུར་བ་མེད་པ་ཡིན། ཚིག་མི་བརྟན་པ་མེད་པ་ཡིན། མུ་ཙར་སྨྲ་བའི་ཚིག་མེད་པ་ཡིན།
26b6 གར་གྱི་བལྟད་མོའི་ཚིག་ལྟ་བུ་མེད་པ་ཡིན། ཆོས་དང་འགལ་བའི་ཚིག་མེད་པ་ཡིན། གསང་འཕེལ་བའི་ཚིག་མེད་པ་ཡིན། སེམས་ཅན་ལ་གནོད་པའི་ཚིག་མེད་པ་ཡིན། བདག་ལ་བསྟོད་པའི་ཚི་ག་མེད་པ་ཡིན།
26b7 གཞན་ལ་སྨོད་པའི་ཚིག་མེད་པ་ཡིན། ཕྱ་བདུད་སྙིང་པའི་ཚིག་མེད་པ་ཡིན། སངས་རྒྱས་དང་ཆོས་དང་དགེ་འདུན་ལ་འགལ་བའི་ཚིག་མེད་པ་ཡིན། འཕགས་པ་ལ་སར་པ་འདེབས་པའི་ཚིག་མེང་པ་ཡིན། དམ
26b8 ཆོད་པའི་ཚིག་མེད་པ་ཡིན། ཚིག་འཁྲུལ་པའི་སྐྱོན་ཐམས་ཅད་དང་བྲལ་བའི་ཚིག་ཉིད་ནི་ཚིག་དྲུག་བཅུ་རྩ་བཞི་པ་ཡིན་ཏེ། བློ་གྲོས་རྒྱ་མཚོ་བྱང་ཆུབ་སེམས་དཔའི་ངག་གི་ལས་ནི་ཚིག་འཁྲུལ་པའི་སྐྱོན་དྲུག་བཅུ་རྩ་བཞི
iiif viewer powered by OpenSeadragon
