| e-texts navigator |
| Wylie |
19b1 འདི་དག་བདག་གིས་བསྲུང་བར་བྱ། ། བརྒྱ་ཕྲག་མཐའ་ཡས་སེམས་ཅན་དེ་དག་བདག་གིས་དགྲོལ།། དེས་ན་གནོད་པ་བཟོད་ཅིང་བསམ་པ་མི་ཕྱེད་དོ།། ཕྱོགས་བཅུའི་སེམས་ཅན་ཁམས་ནི་མཐའ་ཡས་ཇི་སྙེད་པ།། ཐམས་ཅད་འདུས་པར།
19b2 གྱུར་ནས་ལག་ན་མཚོན་ཐོགས་ཏེ།། དེ་དག་དེ་ལ་འཇིགས་སྦྱིན་གཤེ་ཞིང་སྡིགས་བྱེད་ཀྱང་།། ཡོན་ཏན་ཕྱིར་ནི་བསྡིགས་དང་འཕྱ་བ་བཟོད་པར་བྱེད།། སྔོན་མཐའི་བསྐལ་པ་བརྒྱ་ཕྲག་མཐའ་ཡས་ཇི་སྙེད་པར།། དེ་དག་རྒྱུན་མི
19b3 འཆད་པར་ཚིག་རྩུབ་སྨྲས་ཀྱང་ནི། ། བདག་ཉིད་ཆེན་པོ་དེ་བཟོད་མི་ཁྲོ་གཤེ་བ་མེད།། དེ་ལྟར་རྟོགས་པ་རྣམས་ནི་གནོད་པ་དག་པར་འགྱུར།། སེམས་ཅན་དེ་དག་ལག་ན་མཚོན་ཐོགས་ལྷན་ཅིག་ཏུ།། བདག་གི་ལུས་ཀྱི་ཡན
19b4 ལག་དུམ་བུ་དུམ་བུར་གཏུབས། ། འོན་ཀྱང་བདག་གི་སེམས་ཡིད་ཁྲོ་བར་མི་བྱ་སྟེ།། བྱང་ཆུབ་ཡིད་ལ་བྱས་ན་གནོད་འདི་དག་པར་འགྱུར།། འགྲེང་ངམ་འདུག་གམ་འཆག་གམ་འོན་ཏེ་ཉལ་ཡང་རུང་།། གང་དུ་བྱང
19b5 ཆུབ་སེམས་མཆོག་འདི་དང་སྦྱིན་པ་དང་། ། གདུལ་བའི་སེམས་དང་གཞན་ཡང་དཀར་སེམས་མི་འདོར་བ།། དེར་ནི་དེའི་ལུས་དུམ་བུ་དུམ་བུར་རྣམ་པར་འཐོར།། སེམས་དམྱལ་དུད་འགྲོའི་སྐྱེ་གནས་ཡི་དགས
19b6 འཇིག་རྟེན་མིར། ། བསྐལ་པ་བརྒྱ་ཕྲག་མཐའ་ཡས་དོན་མེད་ལུས་ཀྱང་གཏུབས།། སངས་རྒྱས་ཡེ་ཤེས་མངོན་པར་འདོད་པས་ལུས་འདོར་ཞེས།། སྐྱེས་བུ་དེས་ནི་ཡིད་ཀྱང་ཡང་དག་ཚིམ་པར་བྱེད།། མིའི་སྡུག
19b7 བསྔལ་གྱུ་ནི་རྣམ་པ་དུ་མ་དག། མཚམས་མེད་སྡུག་བསྔལ་བརྒྱ་ཆར་ཉེ་བར་མི་འགྲོ་བའོ།། དམྱལ་བ་རྣམས་སུ་བསྐལ་པ་བརྒྱར་ནི་གནས་པར་སྤྲོ།། རྒྱལ་བ་དང་ནི་ཆོས་དང་སེམས་ཅན་མི་གཏོང་ངོ་།། བདག
19b8 ལུས་མི་རྟག་རིང་དུ་མི་བུབ་སྒྱུ་མ་འདྲ། ། ཁམས་བཞི་དེ་དག་གདུག་པའི་སྦྲུལ་དང་འདྲ་བར་གསུངས།། བདག་གིས་ལུས་བོར་བྱས་ཏེ་དུག་མེད་འགྱུར་བར་བྱ།། ཉོན་མོངས་དུག་ཞི་ནས་ནི་རང་བྱུང་སངས་རྒྱས་འགྲུག
iiif viewer powered by OpenSeadragon
