| e-texts navigator |
| Wylie |
17a1 བར་བྱ་བའི་ཕྱིར་བཟོད་ཅིང་སེམས་ཀྱི་རྨ་མི་ཕྱིན་ཏེ། བཟོད་པའི་སྟོབས་ཉེ་བར་སྟོན་པ་འདི་ནི་དེའི་བཟོད་པའི་ཕ་རོལ་ཏུ་ཕྱིན་པའོ།། བརྩོན་འགྲུས་གང་གིས་ཐམས་ཅད་མཁྱེན་པ་ཉིད་ལ་འདུན་པ་མི
17a2 འདོར་ཞིང་སེམ་གྱི་སྟོབས་བསྐྱེད་པ་ཡང་རབ་ཏུ་འཛིན་ལ་འཁོར་བ་ཉིད་དུ་མཚམས་ཀྱང་སྦྱོར་ཞིང་དགེ་བའི་རྩ་བ་བརྩམ་པ་ཡང་རྩམ་པ་འདི་ནི་དེའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། ། གང་ལུས་རྣམ་པར་འཐོར
17a3 བན་ཐམས་ཅད་མཁྱེན་པར་སེམས་བསྐྱེད་པ་རིན་པོ་ཆེ་དེ་མི་བརྗེད་ཅིང་བྱང་ཆུབ་ཉིད་ལ་བལྟ་བོ་དང་། ཞི་བ་དང་རབཏུ་ཞི་བ་ས་སོ་སོར་རྟོག་པ་འདི་ནི་དེའི་བསམ་གཏན་གྱི་ཕ་རོལ་ཏུ་ཕྱིན་པའོ།། གང་ལུས་གཅོད་པ་ན་ལུས་ལ
17a4 རྩཝརྩ་དང་། རྩིག་པ་དང་། ཤིང་དང་རྡོ་དང་། མིག་ཡོར་ལྟ་བུར་སོ་སོར་རྟོག་ཅིང་ལུས་ལ་སྒྱུ་མའི་ཆོས་ཉིད་དུ་འཇུག་པ་དང་། ཡང་དག་པར་ནི་མི་རྟག་པ་ཉིད་དང་། ཡང་དག་པར་ན་སྡུག་བསྔལ་བ་ཉིད་དང་། ཡང་དག་པར་ན
17a5 བདག་མེད་པ་ཉིད་དང་། ཡང་དག་པར་ན་ཞི་བ་ཉིད་དུ་ལུས་ལ་རྟོག་པ་འདི་ནི་དེའི་ཤེས་རབ་ཀྱི་ཕ་རོལ་ཏུ་ཕྱིན་པའོ།། བློ་གྲོས་རྒྱ་མཚོ་དེ་ལྟར་ན་ཐབས་ལ་མཁས་པའི་བྱང་ཆུབ་སེམས་དཔའི་ལུས་གཅོད་པ་ན་ཕ་རོལ་ཏུ
17a6 བྱིན་པ་དྲུག་བསྒོམ་པ་ཡོངས་སུ་རྫོགས་པར་འགྱུར་ཞིང་ཐེག་པ་ཆེན་པོ་དེ་ལས་ཉམས་པར་མི་འགྱུར་ཏེ་འདི་ནི་བྱང་ཆུབ་སེམས་དཔའི་ལུས་ཀྱི་གནོད་པ་བཟོད་པའོ། ། བློ་གྲོས་རྒྱ་མཚོ་དེ་ལ་བྱང་ཆུབ་སེམས་དཔའི
17a7 ངག་གི་གནོད་པ་བཟོད་པ་གང་ཞེ་ན། གང་ངན་དུ་བརྗོད་པའི་ཚིག་ཐམས་ཅད་དང་དུ་ལེན་པ་དང་། གཤེ་བ་དང་བསྡིགས་པ་དང་སྨད་པ་དང་བཤུད་བ་དང་བསྡིགས་མེ་བྱེད་པ་ཐམས་ཅད་བཟོད་པ་དང་། ཡོད་པའམ།
17a8 མེད་པས་གླེངས་པས་ཀྱང་མི་ཁྲོ་བ་དང་། ཁོན་དུ་མི་འཛིན་པ་དང་། བག་ལ་ཉལ་སྤོང་བའོ།། བློ་གྲོས་རྒྱ་མཚོ་དེ་ལ་ཐབས་མཁས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ངན་དུ་བརྗོད་པ་དང་ངན་དུ
iiif viewer powered by OpenSeadragon
