| e-texts navigator |
| Wylie |
123a1 སེམས་བསྐྱེད་དོ།། ཚིག་འདི་སྐད་ཅེས་བདག་ཅག་ཀྱང་བྱང་ཆུབ་སེམས་དཔའ་བློ་གྲོས་རྒྱ་མཚོའི་དྲན་པའི་སྟོབས་བསྐྱེད་པ་ཅི་འདྲ་བར་གྱུར་ཅིག་ཅེས་སྨྲས་སོ།། ཐམས་ཅད་དང་ལྡན་པའི་འཁོར་གྱིས
123a2 ལྷའི་དང་། མིའི་མེ་ཏོག་གིས་བཅོམ་ལྡན་འདས་དང་། བྱང་ཆུབ་སེམས་དཔའ་བློ་གྲོས་རྒྱ་མཚོ་ལ་གཏོར་མངོན་པར་གཏོར་ཏོ།། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་པད་མ་བཀོད་པས་འདི་སྐད་ཅེས
123a3 གསོལ་ཏོ། ། བཅོམ་ལྡན་འདས་རིགས་ཀྱི་བུ་འམ་རིགས་ཀྱི་བུ་མོ་གང་ཆོས་ཀྱི་སྒོའི་ལེའུ་འདི་ཐོས་ནས་མོས་པ་དང་། མོས་ནས་ཀྱང་འཛིན་པ་དང་། འཆད་པ་དང་ཀློག་པ་དང་། འདོན་པ་དང་རྟོག་པ་དང་། དེ་བཞིན་དུ
123a4 ནན་ཏན་བགྱིད་པ་དེ་བསོད་ནམས་ཇི་ཙམ་ཞིག་བསྐྱེད་པར་འགྱུར། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་པད་མ་བཀོད་པ་ལ་ཚིགས་སུ་བཅད་དེ་བཀའ་སྩལ་པ། སྟོང་ཆེན་པོའི་འཇིག་རྟེན་ཁམས
123a5 འདི་ནི། ། གསེར་གྱིས་བཀང་སྟེ་བདེ་གཤེགས་ཕུལ་བ་བས།། གང་གིས་ཆོས་ཀྱི་མཛོད་འདི་ཐོས་ནས་ནི།། མོས་པའི་བསོད་ནམས་འདི་ནི་ཁྱད་པར་འཕགས།། གང་གིས་འཇིག་རྟེན་ཁམས་ཁྲི་རིན་ཆེན་བཀང་།། དེ་བཞིན
123a6 གཤེགས་པ་རྣམས་ལ་ཕུལ་བ་བས། ། གང་གིས་མདོ་སྡེ་འདི་ལ་འཇུག་བྱས་པ།། བསོད་ནམས་དེ་ལ་སྔ་མས་བསྐྱེད་དུ་མེད།། གང་གིས་འཇིག་རྟེན་ཁམས་ནི་སྟོང་ཕྲག་བཅུ།། རིན་ཆེན་བཀང་སྟེ་སྦྱིན་པ་བྱིན་པ
123a7 བས། ། གང་གིས་མདོ་འདི་བཏོན་ནས་སོན་པ་ཡི།། བསོད་ནམས་དེའི་ཆ་ནི་སྔ་མ་མིན།། ཞིང་ནི་བྱེ་བ་ཁྲག་ཁྲིག་སྟོང་གི་རྣམས།། རིན་ཆེན་བཀང་སྟེ་འཇིག་རྟེན་སློབ་དཔོན་སྐྱོབ།། སངས་རྒྱས་རྣམས་ལ་དབུལ
123a8 བར་ཕུལ་བ་བས། ། གང་གིས་ཚུལ་འདིར་རབ་ཏུ་སྦྱོར་བ་དང་།། ཕྱོགས་བཅུ་རྣམས་སུ་གང་གཱའི་བྱེ་སྙེད་ཞིང་།། རིན་ཆེན་བཀང་སྟེ་རྒྱལ་ལ་ཕུལ་བ་བས།། ཇི་ལྟར་བསྟན་པ་བཞིན་དུ་གང་གནས་པའི།།
iiif viewer powered by OpenSeadragon
