| e-texts navigator |
| Wylie |
119a1 གྲངས་འདི་སུམ་བཅུ་རྩ་གསུམ་གྱི་ལྷ་རྣམས་ལ་རྒྱ་ཆེར་ཡང་དག་པར་རབ་ཏུ་བཤད་པར་བགྱིའོ།། དེ་ཅིའི་སླད་དུ་ཞེ་ན། བཅོམ་ལྡན་འདས་འདས་པ་དང་། མ་བྱོན་པ་དང་། ད་ལྟར་བླང་བའི་སངས་རྒྱས་བཅོམ
119a2 ལྡན་འདས་རྣམས་ཀྱི་བྱང་ཆུབ་སེམས་དཔའི་སྤྱོད་པ་འདི་ལས་བསྟན་པའི་སླད་དུའོ། ། བཅོམ་ལྡན་འདས་བདག་གིས་འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་ཆོས་ལ་གུས
119a3 པར་བགྱིས་ཏེ། ཆོས་ཀྱི་རྣམ་གྲངས་འདི་རྒྱ་ཆེ་རོ་ཡང་དག་པར་རབ་ཏུ་བསྟན་པར་བགྱིའོ།། དེ་ནས་བཅོམ་ལྡན་འདས་ཀྱིས་ལྷའི་དབང་པོ་བརྒྱ་བྱིན་ལ་ལེགས་སོ་ཞེས་བྱ་བ་བྱིན་ཏེ། ཀཽ་ཤི་ཀ་ཁྱོད་ཀྱིས་དམ་པའི་ཆོས
119a4 ཡོངས་སུ་གཟུང་བའི་ཕྱིར་སེང་གེའི་སྒྲ་བསྒྲགས་པ་ལེགས་སོ་ལེགས་སོ། ། དེ་ལྟ་བུ་ནི་ཁྱོད་ཀྱིས་བྱ་བའོ།། ལྷའི་དབང་པོ་ཁྱོད་ཀྱིས་རོས་ཀྱི་རྣམ་གྲངས་འདི་བསམས་ན་ལྷ་རྣམས་ནི་རྒྱལ་ཞིང་ལྷ་མ་ཡིན་རྣམས་ནི་ཕམ
119a5 པར་འགྱུར་བར་ཤེས་པར་བྱའོ། ། བློ་གྲོས་རྒྱ་མཚོ་གཞན་ཡང་བདུད་དང་བདུད་ཀྱི་རིས་ཀྱི་ལྷ་རྣམས་ཚར་གཅད་པའི་སྔགས་ཀྱི་ཚིག་འདི་རྣམས་བརྗོད་པར་བྱ་སྟེ། སྔགས་ཀྱི་ཚིག་དེ་དག་གིས་བདུད་དང་བདུད་ཀྱི་རིས་ཀྱི་ལྷ
119a6 རྣམས་ཚར་ཆོད་པར་འགྱུར་རོ། ། སྔགས་ཀྱི་ཚིག་དེ་དག་གང་ཞེ་ན། འདི་ལྟ་སྟེ། ཤ་མེ་ཤ་མ་བ་ཏི། ཤ་མི་ཏ་ཤ་ཏྲུ། ཨཾ་གུ་རེ། མཾ་གུ་རེ། མ་ར་ཛི་ཏེ། མཱ་ར་ཛི་ཏེ། ཀ་ར་ཌེ། ཀེ་ཡུ་རེ། ཏེ་ཛེ་བ་ཏི། ཨོ་ལོ་ཡ་ནི། བི་ཥ་ཋ། ནིརྨ་ལེ། མཱ་ལ
119a7 དཱ་ཎ་ཡེ་ལུའུ་རེ། ལ་གེ། གྲ་སེ། གྲངས་ནེ། ཨོཾ་མུ་ཁི། བ་རཱཾ་མུ་ཁི། ཨ་མུ་ཁི་ཤ་མི་ཏཱ་ནི། སརྦ་བྲ་ཧཱ་བན་དྷ་ནཱིན། ནེ་གྲི་ཧི་ཏ་སརྦ་པ་ར་པྲ་བི་དྷ་ན། བི་མུག་ཏ་མཱ་ར་བཱ་ཤ། སྭ་བ་ཊ་བུད་དྷ་མུ་ཊ། ཨ་ནུད་ག་ཏི་ཊ་སརྦ་མཱ་རཾ། སུ་ཙ
119a8 ཏ་པཱ་ད་པ་རི་ཤུད་དྷ་བི་གད་ཙན་ཏུ་སརྦ་མཱ་ར་ཀརྨཱ་ཎི། ། བློ་གྲོས་རྒྱ་མཚོ་འདི་དག་ནི་བདུད་ཚང་གཅད་པའི་ཚིག། ཉོན་མོངས་པ་བསལ་བའི་ཚིག་སྟེ། དེ་དག་ཆོས་སྤྲོ་བ་དེས་ལེགས་པར་ཁ་ཏོན་ཏུ་བྱས་ལ་ཆོས་ཀྱི
iiif viewer powered by OpenSeadragon
