| e-texts navigator |
| Wylie |
190b1 པར་སྐྱ་རེང་མ་ཤར་ཅིང་གདུགས་མ་བདལ་བར་ཡང་སེམས་ཅན་ཚད་མ་མཆིས་པ་རྣམས་ཀྱི་དོན་གྱི་སླད་དུ་འདི་ལྟ་སྟེ། མྱ་ངན་ལས་འདའ་བ་ལ་རབ་ཏུ་བཀོད་ལགས་པས་བཅོམ་ལྡན་འདས་དེ་བཞིན་གཤེགས་པས་བདག་གི་ཡུལ
190b2 སྟོངས་པར་མཛད་ལགས་སོ། ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བདུད་སྡིག་ཅན་ལ་འདི་སྐད་ཅེས་བཀའ་སྩལ་ཏོ།། སྡིག་ཅན་སེམས་ཅན་གང་དག་དགེ་བའི་ཆོས་རྣམས་ལ་མངོན་པར་མི་བརྩོན་པ་དང་།
190b3 གང་དག་དེ་བཞིན་གཤེགས་པའི་ཡུལ་ལ་དད་པར་མི་བྱེད་པ་དེ་དག་ཁྱོད་ཀྱི་གྲོགས་ཡིན་ལ། ཁྱོད་ཀྱང་དེ་དག་གི་གྲོགས་ཡིན་པས་སྡིག་ཅན་ཁྱོད་ཀྱི་གྲོགས་མང་དུ་ཡོད་ཀྱིས། སྡིག་ཅན་དུ་བར་མ་བྱེད་སྨྲེ་སྔགས་མ་འདོན་ཅིག
190b4 དེ་ནས་བཅོམ་ལྡན་འདས་ཀྱིས་དེའི་ཚེ་ཕྱག་གིས་སེན་མོའི་རྩེ་མོས་པ་གཞི་ཆེན་པོ་ལས་སའི་རྡུལ་ཞིག་ཟངས་ནས་བདུད་སྡིག་ཅན་ལ་བཀའ་སྩལ་པ། སྡིག་ཅན་འདི་ཇི་སྙམ་དུ་སེམས། ཅི་སེན་མོའི་རྩེ་མོ་ལ་རྟེན་པ་དང་ས
190b5 གཞི་ཆེན་པོ་ལ་རྟེན་པའི་རྡུལ་གང་ཡིན་པ་དེ་གཉིས་གང་མང་སྙམ་སེམས། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་བདུད་སྡིག་ཅན་གྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་བཅོམ་ལྡན་འདས་ཀྱིས
190b6 ཕྱག་གིསེན་མོའི་རྩེ་མོ་ལ་མཆིས་པའི་དོག་སའི་རྡུལ་ནི་ཉུང་གི་ས་གཞི་ཆེན་པོ་ལ་མཆིས་པ་ནི་ཤིན་དུ་མང་ལགས་སོ། ། དེ་སྐད་ཅེས་གསོལ་བ་དང་། བཅོམ་ལྡན་འདས་ཀྱིས་བདུད་སྡིག་ཅན་ལ་འདི་སྐད་ཅེས་བཀ
190b7 སྩལ་ཏོ། ། སྡིག་ཅན་འདི་ལྟ་སྟེ་དཔེར་ན་ངའི་སེན་མོའི་རྩེ་མོ་ལ་འདུག་པའི་རྡུལ་བས་ཀྱང་ཆེས་ཉུང་བའི་སེམས་ཅན་དག་ངས་ཉོན་མོངས་པ་ཟད་པར་བྱས་ཏེ། ཡོངས་སུ་མྱ་ངན་ལས་འདས་པ་བླ་ན་མེད་པ་ལ་སོ་སོར་བཀོད་ཀྱི།
190b8 སྡིག་ཅན་འདི་ལྟ་སྟེ་དཔེར་ན་ས་གཞི་ཆེན་པོ་ལ་རྟེན་པའི་རྡུལ་བས་ཀྱང་ཆེས་མང་བའི་སེམས་ཅན་རྣམས་ནི་ཁྱོད་ཀྱི་ཡུལ་དུ་སོང་བས་ན་སེམས་ཅན་གྱི་ཁམས་དཔག་ཏུ་མེད་པར་ཡོད་ཀྱིས་སྡིག་ཅན་ཁྱོད་དགའ་བར་བགྱིས་ཤིག
iiif viewer powered by OpenSeadragon
