| e-texts navigator |
| Wylie |
157a1 ཀྱི་ཞབས་གཉིས་ལ་འདུད་དོ། ། ཁ་ཅིག་ནི་གདུང་བའི་སྒྲ་ཆེན་པོ་འབྱིན་ཏོ།། ཁ་ཅིག་ནི་གདུང་བའི་སྒྲ་འབྱིན་ཅིང་ས་ལ་འགྲེའོ།། ཁ་ཅིག་ནི་བཅོམ་ལྡན་འདས་ཀྱི་སྤྱན་སྔར་འཁོད་ནས་ལག་པ་གནམ་དུ་བསྒྲེང་སྟེ།
157a2 ཨེ་མའོ་སངས་རྒྱས་ཨེ་མའོ་སངས་རྒྱས། ཨེ་མའོ་མགོན་པོ། ཨེ་མའོ་ཐུགས་རྗེ་ཅན་སེམས་ཅན་ཐམས་ཅད་ལ་ཐུགས་བརྩེ་ཞིང་སྐྱོབ་པར་མཛད་པ། ཨེ་མའོ་འཇིག་རྟེན་གསུམ་གྱི་སྐྱབས་དང་དཔུང་གཉེན་སེམས
157a3 ཅན་ཐམས་ཅད་ལ་མིག་སྩོལ་བར་མཛད་པ། ཨེ་མའོ་རྟེན་མེད་པ་རྣམས་ཀྱི་རྟེན་མཛད་པ། འཇིག་རྟེན་སྟོངས་པར་འགྱུར་རོ།། སེམས་ཅན་ཐམས་ཅད་ལྡོངས་པར་འགྱུར་རོ།། སངས་རྒྱས་དཀོན་མཆོག་མེད་པར་འགྱུར་རོ།།
157a4 ཞེས་སྨྲེ་སྔགས་འདོན་ཅིད་དེ་དག་ཕན་ཚུན་ལག་པ་སྦྲེལ་ཏེ་སྙིང་རྗེ་རྗེ་སྐད་དུ་མ་ཤི་བའི་སྨྲེ་སྔགས་ལྟ་བུས་སྨྲེ་སྔགས་འདོན་ཏོ།། པ་ཤི་བ་དང་། ཕུ་ནུ་ཤི་བ་དང་། བུ་ཤི་བའི་སྨྲེ་སྔགས་ལྟ་བུས་གས་གན་ཅིང་། སེ་མའོ་གོན་ག།
157a5 མཐོ་དགེ་བའི་བཤེས་གཉེན། ཨེ་མའོ་སྙན་ཅིང་འཇམ་པ་གསུང་བ། ཨེ་མའོ་སེང་གེ་དང་། གླང་པོ་ཆེ་དང་། ཁྱུ་མཆོག་གི་སྟོབས་ཅན། ཨེ་མའོ་བདུད་རྩིའི་གོ་འཕང་སྟོན་པ་ཞེས་རྣམ་པ་སྣ་ཚོགས་མང་པོར་སྨྲེ་སྔགས
157a6 འདོན་ཏོ། ། ཁ་ཅིག་ནི་བར་སྣང་ལ་སོང་སྟེ་བདག་ཉིད་བརྡབས་ནས་དེ་དགས་ལ་ལྟུང་བ་དང་། སལ་འགྲེ་ལྡོག་ཅིང་སྙིང་ཐག་པ་ནས་སྙིང་རྗེ་བར་སྨེ་ཞིང་སྨྲེ་སྔགས་འདོན་ཏོ།། དེ་ནས་ཚེ་དང་ལྡན་པ་ཀུན་དགའ་བོ་རྩལ་ནས་ཤིང་བཅད
157a7 དེ་འགྱེལ་བ་བཞིན་དུ་ས་ལ་འགྱེལ་ཏོ། ། དེས་ཡང་འདུ་ཤེས་ཕྱིར་རྙེད་ནས་བཅོམ་ལྡན་འདས་ཀྱི་སྤྱན་སྔར་ལག་པ་གཉིས་ས་ལ་བཙུགས་ཏེ། བཅོམ་ལྡན་འདས་ཀྱི་ཞལ་ཏུ་ལྟ་ཞིང་དེའི་ཚེ་ཚིགས་སུ་བཅད་པ་འདི་དག་གསོལ་ཏོ།།
157a8 སེམས་ཅན་ཤིན་ཏུ་སྡུག་བསྔལ་ལ།། ངུ་ཞི་སྨྲེ་སྔགས་འདོན་བགྱིད་ལ།། མྱ་ངན་ཟུག་རྔུས་གཟིར་མཐོང་ནས།། བདག་གི་གཡར་ངན་སླར་ཞིང་སྐྱེ།། ཇི་ལྟར་དགོན་པའི་ཤུལ་ཤིག་ཏུ།། འདྲོན་པ་ཆེམ་པོས་བཅོམ
iiif viewer powered by OpenSeadragon
