| e-texts navigator |
| Wylie |
155a1 རིའི་རྒྱལ་པོ་རི་རབ་ཀྱི་རྩེ་མོ་ལས་དཔག་ཚད་བརྒྱ་ཙམ་དག་ཆད་པ་དང་། རིའི་རྒྱལ་པོ་རི་རབ་ཀྱི་རྩེ་མོ་ལས་དཔག་ཚད་ཉིས་བརྒྱ་ཙམ་དང་། རྩེ་མོ་ལས་དཔག་ཚད་སུམ་བརྒྱ་ཙམ་དང་། རྩེ་མོ་ལས་དཔག་ཚད་བནི
155a2 བརྒྱ་ཙམ་དག་ཆད་པ་དང་། རྩེ་མོ་ལས་དཔག་ཚད་ལྔ་བརྒྱ་ཙམ་དག་ཆད་ཅིང་ཆད་ཅིང་རྒྱ་མཚོ་ཆེན་པོའི་ནང་དུ་ལྷུང་བ་དག་ཀྱང་མཐོང་སྟེ། སེམས་ཅན་འགའ་ཙམ་ལ་ཡང་གནོད་པའམ། རྣམ་པར་འཚེ་བར་མི་བྱེད་ན་སྲོག་གི་བར
155a3 ཆད་བྱེད་པར་འགྱུར་བ་ལྟ་སྨོས་ཀྱང་ཅི་དགོས། འདི་ལྟར་རི་རབ་ཀྱི་རྩེ་མོ་དེ་དག་ཀྱང་གང་དག་རིའི་རྒྱལ་པོ་རི་རབ་ལ་རྟེན་ཅིང་གནས་པའི་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་།
155a4 ལྟོ་འཕྱེ་ཆེན་པོ་དེ་དག་གིས་བཅོམ་ལྡན་འདས་ཡོངས་སུ་མྱ་ངན་ལས་འད་བ་ཟོས་ནས་མྱ་ངན་གྱི་ཟུག་རྔུས་གཟིར་ཅིང་། བཅོམ་ལྡན་འདས་ཤཱཀྱ་ཐུབ་པ། ཤཱཀྱའི་བདག་པོའི་རྒྱལ་པོ།། བསྐལ་པ་བྱེ་བ་གྲངས་མེད་པ་ནས
155a5 ཡང་དག་པར་བསྒྲུབས་པ། དགེ་བའི་རྩ་བ་ཤིན་ཏུ་ཡོངས་སུ་དག་པ་དང་ལྡན་པ་དེ་རིང་གྱད་རྣམས་དང་ཉེ་བ་ན་ཡོད་པ་ཤིང་སཱ་ལ་ཟུང་གི་དྲུང་དུ་ལེན་པ་མེད་པར་ཡོངས་སུ་མྱ་ངན་ལས་འདའ་བར་འགྱུར་ཏེ། དེང་ནི་ལྷ་དང
155a6 བཅས་པའི་འཇིག་རྟེན་གྱི་མིག་ཟུམ་པར་འགྱུར་རོ་ཞེས་དེ་དག་ཀུ་ཤའི་གྲོང་ཁྱེར་ལོགས་སུ་མངོན་པར་ཕྱོགས་ཏེ། རིངས་པ་རིངས་པར་བརྟད་ཅིང་དོང་བ་དག་གིས་རིའི་རྒྱལ་པོ་རི་རབ་ཀྱི་རྩེ་མོ་དེ་དག་ཀུན་དུ་རབ་ཏུ་བསྐུལ་ཅིང
155a7 ཀུན་ཏུ་རབ་ཏུ་བསྐྱོད་དེ་རིངས་པ་རིངས་པར་བརྟད་པ་དེ་དག་གིས་རིའི་རྒྱལ་པོ་རི་རབ་དང་། རྒྱ་མཚོ་ཆེན་པོ་ཡང་གཡོས་ཤིང་འཁྲུགས་པར་གྱུར་ཏེ། དེའི་ཕྱིར་རིའི་རྒྱལ་པོ་རི་རབ་ཀྱི་རྩེ་མོ་དེ་དག་རྒྱ་མཚོ་ཆེན་པོའི་ནང་དུ་ལྷུང་བར
155a8 གྱུར་ཏོ། ། དེ་ནས་ཚེ་དང་ལྡན་པ་མ་འགགས་པ་རི་རབ་ཀྱི་སྤོལ་འདུག་པས་དེའི་ཚེ་སྒྲ་སྐད་ཆེན་པོ་ཕྱུང་སྟེ་ཚིགས་སུ་བཅད་ང་འདི་དག་སྨྲས་སོ།། འཇིག་རྟེན་རྣམས་ཀྱི་དེད་དཔོན་གང་ཡིན་པ།། གང་གིས་འཇིག་རྟེན
iiif viewer powered by OpenSeadragon
