| e-texts navigator |
| Wylie |
153a1 ཀུན་གྱི་མཆོག་ལྡན་པ། ། ཡིད་ནི་དགའ་བར་བགྱིད་པ་འཁྲུངས།། འཇིག་རྟེན་ཁམས་སུ་ལྗོན་མཆོག་དེ།། གྲིབ་མ་བསིལ་བས་སེམས་ཅན་རྣམས།། རབ་ཏུ་དགའ་བགྱིད་བྲོན་དདང་།། མྱ་ངན་དག་ཀྱང་སེལ
153a2 བར་བགྱིད། ། ཡོན་ཏན་མཐའ་ཡས་ཕྲན་ཚོགས་ཤིང་།། སྲིད་ཅེའི་བར་དུ་མཐོ་བར་འཕགས།། དེ་མཐོང་བས་ནི་མིག་དག་ཅིང་།། ཐོས་པས་རྣ་བ་རྣམ་དག་འགྱུར།། དེ་ལས་རབ་འཇམ་དོན་ལྡན་ཞིང་།། ཤིན་དུ་རིགས
153a3 ཤིང་ཆོས་ལྡན་ལ། ། སེམས་ཅན་ཀུན་ལ་བདེ་བསྐྱེད་པའི།། སྒྲ་སྐད་དག་ཀྱང་ངེས་པར་འབྱུང་།། དེ་ལས་གང་གཱའི་བྱེ་སྙེད་ཀྱི།། འོད་ཟེར་དག་ནི་འབྱུང་འགྱུར་ཞིང་།། དེ་དག་སྙེད་ཀྱི་ཞིང་རྣམས་ཀྱང་།། ལྗོན་ཤིང་ཆེན་པོས
153a4 གསལ་བར་བགྱིད། ། ཕྱོགས་བཅུའི་འཇིག་རྟེན་ཁམས་ཀྱི་མི།། མཐའ་ཡས་དཔག་ཏུ་མ་མཆིས་པ།། གང་དག་འོད་ཀྱིས་རེག་གྱུར་པ།། སེམས་ཅན་རྣམས་ཀྱི་དོན་ཀྱང་བགྱིད།། ཕྱོགས་བཅུའི་འཇིག་རྟེན་ཁམས་སུ་ནི།།
153a5 དེ་ལས་དྲི་དད་འབྱུང་བར་འགྱུར།། གང་དག་དེའི་དྲི་སྣོམ་པ།། དེ་དག་ངན་འགྲོར་མཆི་མི་འགྱུར།། དེ་དག་དམྱལ་བར་མི་མཆི་ཞིང་།། དུད་འགྲོའི་སྐྱེ་གནས་སྡིག་ཅན་དང་།། ཡི་དགས་ལྷ་མིན་རིས་མི་མཆི།། དེ་དག་བཟང
153a6 འགྲོར་མཆེ་བར་འགྱུར། ། སེམས་ཅན་ཀུན་ལ་བདེ་སྐྱེད་པ།། དེ་འདྲའི་ལྗོན་ཤིང་ཆེན་པོ་དེ།། གྱད་ཀྱི་དོག་སར་ཆག་ནས་ནི།། སཱ་ལའི་ཚལ་གྱི་གསེབ་དུ་སྐྱེལ།། ལྗོན་མཆོག་ཆག་པ་མཐོང་གྱུར་ནས།། དེ་ནས་སྲོག་ཆགས
153a7 སྟོང་ཕྲག་ནི། ། བསམ་ཡས་དཔག་ཏུ་མ་མཆིས་པ།། ཆོངས་འདེབས་ཤིང་སྨྲེ་སྔགས་འདོན།། དེ་ཚེ་སྒྲ་དེ་མི་གྲག་ཅིང་།། དྲི་ཡང་གདའ་བར་མ་གྱུར་ལ།། གདེག་པའི་རྡོ་ཡང་མཐོག་ནས།། དེ་མ་ཐག་ཏུ་བདག་ཀྱང་བརྒྱལ།།
153a8 དེ་ལྟར་འཇིགས་སུ་རུང་བ་དང་།། སྤུ་ཡང་ཟིང་ཞེས་བགྱིད་པ་ཡི།། གཡར་ལམ་མདང་སུམ་རྨིས་པ་ཏེ།། སྤྱན་དང་ལྡན་པ་བདག་ལ་གསུངས།། དེ་ནས་གནས་གཙང་མའི་རིས་ཀྱི་ལྷའི་བུ་རྣམས་དང་། མི་མཛད་ཀྱི་བདག།
iiif viewer powered by OpenSeadragon
