| e-texts navigator |
| Wylie |
126b1 བུ་དང་ལྡན་པར་འགྱུར་བ་དེ་དག་གིས་ནི་བརྒྱ་བྱིན་དང་། ཚངས་པ་དང་། འཇིག་རྟེན་སྐྱོད་པ་དེ་དག་ཐམས་ཅད་དང་། ཉན་ཐོས་དང་། རང་སངས་རྒྱས་ཐམས་ཅད་ཀྱང་ཟིལ་གྱིས་ནོན་ལགས་སོ།། ཏིང་ངེ་འཛིན་རིན་པོ་ཆེ་འདི་སེམས
126b2 ཅན་གང་དག་གི་རྣ་ལམ་དུ་གྲག་པ་འམ། ཐོས་ནས་ཀྱང་མ་ནོར་བར་བསྒྲུབ་པ་དེ་དག་ཀྱང་རྙེད་པ་ལེགས་པར་རྙེད་པ་ལགས་སོ།། ས་ཕྱོགས་གང་ན་ཏིང་ངེ་འཛིན་འདི་སྤྱོད་པ་དེ་དག་ཀྱང་བསྐལ་པ་དང་ལྡན་པ་ལགས་སོ།།
126b3 རིགས་ཀྱི་བུ་འམ་རིགས་ཀྱི་བུ་མོ་གང་དག་ཏིང་ངེ་འཛིན་རིན་པོ་ཆེ་འདི་རྒྱས་པར་ཡང་དག་པར་སྟོན་པ་དེ་དག་ནི་དེ་བཞིན་གཤེགས་པས་བྱིན་གྱིས་བརླབས་པར་རིག་པར་བགྱིའོ།། གང་དུ་ཏིང་ངེ་འཛིན་གྱི་ཆོས་ཀྱི་རྣམ་ཟངས་འདི
126b4 དལམ་དུ་གྲགས་པར་འགྱུར་བ་དེར་ནི་འཇིག་རྟེན་གྱི་ཁམས་གང་གའི་ཀླུང་གི་བྱེ་མ་སྙེད་ཞུགས་ཀྱིས་བལྟམ་པ་ལ་ཡང་འབོགས་ཏེ། ཏིང་ངེ་འཛིན་འདི་མཉན་པའི་སླད་དུ་མཆི་བར་བགྱིའོ་ཞེས་ཀྱང་གསོལ་ཏོ།། བཅོམ་ལྡན་འ
126b5 ཀྱིས་བཀའ་སྩལ་པ། རིགས་ཀྱི་བུ་དག་དེ་ནི་དེ་བཞིན་ཏེ། ཁྱོད་ཇི་སྐད་ཟེར་བ་བཞིན་ནོ།། རིགས་ཀྱི་བུ་འམ་རིགས་ཀྱི་བུ་མོ་གང་དག་ཏིད་ངེ་འཛིན་འདི་མི་ཉན་པ་དང་། མི་འཆད་པ་དང་། མི་ཀློག་པ་དང་། ཀུན་ཆུབ་པར་མི་བྱེད་པ་དང་།
126b6 གཞན་དག་ལ་ཡང་རྒྱས་པར་ཡང་དག་པར་མི་སྟོན་པ་དེ་དག་ནི་བདུད་ཀྱིས་བྱིན་གྱིས་བརླབས་པར་རིག་པར་བྱའོ།། རིགས་ཀྱི་བུ་བྱང་ཆུབ་སེམས་དཔའ་གང་དག་བསོད་ནམས་ཐམས་ཅད་བསྡུས་པའི་ཏིང་ངེ་འཛིན་འདི
126b7 གཞན་དག་ལ་བརྒྱས་པར་ཡང་དག་པར་མི་སྟོན་པ་དེ་དག་ལ་ནི་མང་དུ་ཐོས་པ་ཞེས་ང་མི་སྨྲའོ། ། དེ་ནས་ལྷའི་བུ་དེ་དག་དང་། བྱང་ཆུབ་སེམས་དཔའ་དེ་དག་གིས་འཐུན་པར་བཅོམ་ལྡན་འདས་ལ་འདི་སྐད་ཅེས་གསོལ
126b8 ཏོ། ། བསོད་ནམས་ཐམས་ཅད་བསྡུས་པའི་ཏིང་ངེ་འཛིན་གྱི་ཆོས་ཀྱི་རྣམ་གྲངས་འདི་ཅི་ནས་སླད་མའི་དུས་ན་སྤྱོད་པ་དང་རྒྱས་པར་འགྱུར་བར་བཅོམ་ལྡན་འདས་ཀྱིས་བྱིན་གྱིས་བརླབས་དུ་གསོལ། དེ་ནས་བཅོམ
iiif viewer powered by OpenSeadragon
